الأحد، أغسطس 20، 2006

ماذا لو ؟


تركتُ تلك الأشياء القليلة الحميمة التي لي هنا : سريري - دولابي - مكتبتي... و تركت هذا البيت إلى غير رجعة ؟
إذا ما تخليت عن قيود اسمي ،عنواني ، أهلي ، بلدتي الصغيرة التي تضع نفسها قسرا بين المدن ... و ذهبت إلى حيث لا يعلم أحد ، و لا أعلم أنا أيضا ؟
ماذا لو جمعت أوراق هويّتي السابقة ، دفاتري الخاصة ، ما لي من بضعة جنيهات ، و القليل جدااا من ملابسي ، و أخذت أول قطار ذاهب إلى أي مكان ، لأبدأ كل شيء من جديد
فقط ... تبعا لقواعدي أنا ، مع بعض من قواعد الحياة ؟؟؟

هناك 25 تعليقًا:

21arestoo يقول...

لو

توهة يقول...

صدقينى ياشغف انا جربتها هى لذيذه جدا وهتعرفك على حاجات جديده عمرك ماشوفتيها بس هتتعبى كتير اوى لحد متقدرىتتكيفى اصلا مع الطبيعه الجديده مش بس مع الناس.واوقات كتير هتحسى انك محتاجه تلمسى ريحة المكان والناس اللى عشتى معاهم سنين طويله .واكتر من الاحساس ده سعاده وراحه لما ترجعيلهم تانى .هتحسى انك اتخلقتى من جديد .بس مفيش مشكله انك تجربى وتحكيلى وهستناكى
كروان

توهة يقول...

انا كان نفسى اقول كلام حلو ورقيق زى بتاع كروان
بس انا حقول خدينى معاكى والمصاريف والاكل والشرب عليكى

توهة يقول...

نسيت اكتب فانتازيا

المهدي يقول...

سبحان الله انت مش عايز الاستقرار والهويه

وانا بدور عليهم ونفسي فيهم لاني مفتقدهم


غريب

سلامـــــــــــــه يقول...
أزال أحد مشرفي المدونة هذا التعليق.
سلامـــــــــــــه يقول...

صدقيني لن يحدث اي شيء
كل ما هنالك ان تعداد مدينتك سينقص احدهم
وتعداد المكان المرجو سيزداد واحدا

ربما ستفتقدي بعضم , او يفتقدك بعضهم
ربما تجدي صعوبه في نسيان ماضيكي الكئيب , سريرك , دولابك , مكتبتك .... بيتك المفقود..............وغيرهم مما لن تجدي بدا من تذكره
ربما تجدي صعوبه في في حمل اوراقك الخاصه جدا معك دون ان تتذكري ماضيك الكئيب , ربما لن تقدري علي البدء من جديد
لكن
كل هذا لا يساوي متعه المحاوله للتغيير
حاولي البدء مره اخري تبعا لقواعدك
وان نجحت .. فلتخبرينا لنحسدك .. فنحن الان مشغولون بالاشفاق عليكي من عناء المحاوله

هوميروس يقول...

ده ليه معني واحد بس ثورة الحرية اللي بتشتعل عند الواحد كل شوية وياإما بتنطفي لوحدها ياإما الواحد يعمل زي ما بتقولي ولأفضل الحل بتاعك هيبقي مفيد جدا

shababik يقول...

لية لأ؟ جربي وابقي قوليلي ع النتيجة

Guevara يقول...

ليت كلّ من استطاع فعل

sha3'af يقول...

ههههههههههه

ده ايه التحريض ده كله؟
كلكم كده ماصدقتم ؟
طب حد يمسك فيا... يقول اقعدي؟

لأ و كلكم عاوزين أجرب و تاخدوا النتيجة ع الجاهز

أيا مستغلين


عموما

أنا أكيد
و قريب ان شاء الله
هأعملها

بس في لحظة أكثر مناسبة

Epitaph يقول...

حتحني تاني
وحترجعي
مش حتقدري تبعدي
يبقي خديها من قصرها
وخليكي
البلد دي احسن من غيرها
:))

فنجان قهوة يقول...

ماذا لو ...........
و جنون الأطفال فى عينيك

asadma7bos يقول...

انا اسف للمداخلة اللى على سهوة ولكن وردنا ان القطار اللى كنت انت ممكن تركبة حدث لة حادث عرضى واسفر عن مقتل 58 نفس زكية بغير نفس واطاحت حكومة التكنوقراط برئيس هيئة القطارات ونائبة وكانو هم كبش الفداء ما لم يتضح انهم يحملوا الجنسية الكندية او الموزمبيقية

sha3'af يقول...

epitaph:
مشكلتنا دايما اننا بنحكم على نفسنا و على احاسيسنا من قبل ما نجرب

مين قال اني هاحن ؟
و مين قال ان البلد دي أحسن من غيرها ؟
أنا ممكن أصدق أنها لا تزيد سوءا عن غيرها ، لكن انها أحسن
لأ

عارفة يا ابيتاف
احنا محتاجين نخرج شوية من غسيل الدماغ اللي معمولنا من و احنا صغيرين ده
محتاجين نكتشف معنى الوطن بجد
معنى الحنين بجد - لو حصل - ، و محتاجين نرسم المعاني بالنسبة لنا من اول و جديد
و نعرف يعني ايه عن تجربة و اقتناع حقيقين


فنجان قهوه:
وحشتينا
و جنون الاطفال اجمل ما فيه قابليته دوما للتحقق

asadma7bos

ههه
كالمعتاد
آل و ابيتاف تقول البلد دي احسن من غيرها

عموما حتى لو كان القطر دي نهايته
المهم ان الواحد يتحرك و يشوف قدره
حتى لو كان موتة غير أنيقة في قطر دليل اهمال و تسيب

lastknight يقول...

حلم التحرر من كل القيود و القواعد .. حلم القفز من على الحافه فى حالة طيران حر .. كشف المجهول .. اقتحام الحد الأقصى من كل شىء .. المتعه و العذاب ..
حلم أنسانى رائع .. عن نفسى حاولته من قبل أكثر من مره . و لاتعتبريه تحريضا .. لكن النتيجه أيا كانت .. ستكون راااائعه
فى رائعة أنتونى كوينى .. زوربا اليونانى .. يتسائل زوربا الحكيم الهمجى محدثا زميله الأستاذ المتعلم .. قائلا : أنت لديك كل شىء .. لديك كتب , مال , أسره , كل شىء .. لكن أتدرى ماذا تحتاجه فعلا ؟؟ يرد الأستاذ المتعلم مستفسرا .. : ماذا أحتاج
فيرد زوربا الحكيم الهمجى : الجنون .. الأنسان يحتاج لشىء من الجنون .. فبدونه لن يستطيع كسر أغلاله ليصبح حرا

pharoinlove يقول...

تبقى رحلة حكايا

pharoinlove يقول...

ala fikra ana andi zerof mekhaliani mesh adr aktib wala adkol aa elnet khales belmonasba enti amala eaaaa

sha3'af يقول...

lastknight:
تعرف
بيتهيألي ان النزعة دي - و اللي كانت تعتبر نزعة وقاحة و قلة أدب ع الأقل في عرف أهالينا لمجرد التفكير فيها - بقت موجودة اليومين دول و بشدة في نفس كل واحد و واحدة فينا

ما أعرفش ايه اللي حصل
بس يظهر ان الواحد زهق م القيود
اللي ساعات بتوصل للطريقة اللي بيفكر و يحلم بيها
لحياته
لمستقبله


بالنسبة للجنون
لدي منه الكثير
لا يحتاج الا فقط اتاحة جزء بسيط جدا أمامه لينفذ إلى االعالم الخارجي

و يظهر ان وقتها قرب

pharoinlove:
اهلا يا باشا منور
حمد لله ع السلامة
أكيد هابقى أقول ان كانت حكاية و لا لا
هانت

ماشى الطريق يقول...

ما ينفعش لللأسف

غادة الكاميليا يقول...

متنسيش ياشغف تقوليلي ع الميعاد لأني محتاجه للبعد ده وفي اللحظات دي متنسيش تاخديني معاكي

sword يقول...

فكرة الهروب و ترك كل شيء و البدء من جديد..كلاكيت المرة المليون..انتى مصدقة ان دا حل؟..ما اعتقدش انك مصدقة دا و لا هو جزء من تركيبتك.

sha3'af يقول...

ماشي الطريق:
sword:
معاكم حق
كان كلام و خلص

غادة الكامليا :
لو كنت ماشي خدني معاك
ماشي الطريق ممكن ياخدنا يمشينا معاه احنا الاتنين- بعد اذن الباشا طبعا -

غير معرف يقول...

أنا هاقولك إيه اللي هيحصل
أنا الوحيدة من بين كل اللي ردوا عليكي هقدر أقولك
هقولك أد إيه الضياع اللي هتعيشي فيه وقد إيه هتلاقي نفسك غريبة وسط الناس حتى لو كنتي قريبة من أقرب إنسان لقلبك
هقولك قد إيه الدنيا هتلطم فيكي يمين و شمال و مش هتقدري تنطقي بكلمة آآه ولو نطقتيها غصب عنك هتاخدي أكتر فوق دماغك
مش هقولك قد إيه الإنسان مبيعرفش قيمة أهله إلا لما يتخلى عنهم وقد إيه كل لحظة و كل حاجة سبتيها وراكي هتبقى لا تقدر ولو رجعتيلها بعد الحنين هتلاقي نفسك لا بتنتمي للدنيا دي ولا لغيرها
والدنيا اللي هتبيعي دنيتك علشانها هتفقد كل بريقها لما تبقي جواها و هتحسي إنك وقعتي في مصيدة و إن الموت أهون من فقدن الهوية و اللي إنتي تخليتي عنها بإرادتك
و الأنقح من كده إنك هتقري كلامي ده و هتفتكري نفسك أنصح مني
مع إن اللي نصحني كان إنسان قريب قوي مني و قالي هتندمي و مصدقتش

sha3'af يقول...

إلى مجهولة الهوية
المسألة مش زي ما انتي فاهمه خالص ، و مش مسألة " حد " ممكن أكون معاه

المسألة كانت مجرد رغبة في الهروب من كل شيء

و بدء كل شيء من جديد
و معرفة من أنا

أسئلة وجودية يعني

بس برضه
و على رأي
sword
تركيبة شخصيتي ما تنفعش تعمل كدة



كلمة ليكي انتي بقى :
العالم ما انتهاش
و مهما كانت الأخطاء اللي الواحد ارتكبها في ماضيه
ممكن جدااا يعيد حساباته مع نفسه
و يحاول يبدأ من جديد ، و هوه عارف انه استفاد م اللي فات