السبت، يناير 13، 2007

لو حد عنده إجابة و أسباب وجيهة ياريت يقولها

هل من حق شادية المطالبة بتدمير أفلامها بدعوى أنها اعتزلت ؟
هل من حق ورثة بيكاسو - مثلا - شراء لوحاته و حرقها ؟
ماذا لو استطاع ماركيز تجميع كل أعماله المنشورة في العالم و إلقائها في البحر بدعوى أنه هو مبدعها ؟
لن يرضى سبيلبيرج عن أفلامه ، و لسوف يتسلل إلى كل أرشيفات العالم و يدمر ابداعه
هل حكى لك أحدهم عن رواية ما أو كتاب ما --- لم يكن بقدر الجودة المطلوب - بل ربما كان ركيكا
لكن هناك نقطة ما بعينها جذبتك إليه
ابحث ، ابحث ، فلن تجده --- فمن حق مؤلفه / بالتأكيد / إخفاء أي أثر له
و أخيرا --- هل حاولت فتح صفحة نت ما ، أو فتح لينك مداونة ما
مداونة قد تكون ارتبطت بها و بما فيها من أعمال
أو مداونة تذكرت فجأة أن هناك تدوينة ما فيها قد تساعدك على تخطي ما تواجهه الآن من مشاكل
أو قد تمنحك ابتسامة دافئة
أو مداونة استفززك اسمها لترحل في عالمها و أعددت نفسك لاكتشاف كون جديد
و إذ بك تجد أنها مغلقة ، أو محذوفة ، او لم يعد لها وجود في فضاء النت ، بدعوى أن من حق صاحبها فعل هذا و أنه بهذا لا يضر أحدا
----------------------------------------------------------------------
كلما تكررت معي تلك النقطة الأخيرة
و كلما فكرت في احتمالية حدوث النقاط الأخرى
، تذكرت التتار و هم يعبرون على الكتب في النهر
تذكرت كل جريمة متعمدة لالغاء إبداع بشري - أو محاوله له - مهما يكن من شأنه
--------------------------------------------------------------------------
و باختصار شديد : ما خرج منك لم يعد ملكك وحدك ،
و تدميره أو اخفاء آثاره نقض لذلك الميثاق الضمني الذي وجد بينك و بين قراءك الفعليين و قرائك المحتملين كذلك
---------------------------------------------------------------------------
إلى الأساتذة اللي لغوا مداوناتهم
و إلى الأخوة اللي بيفكروا في رفاهية حذفها / على اعتبار ان الموضوع من أوله لآخره لعبة بقى ، و مادام أنا اللي كاتب فمن حقي أحذف
و إلى الأخوة اللي قافلين مداوناتهم
ارحموووووووووووووناااااااااااااااااااااااااااااااااااااااا شوية
اللي عاوز يعتزل يتفضل ، يكتب بوست وداعي و يسيب مداونته على حالها

هناك 16 تعليقًا:

غادة الكاميليا يقول...

على فكرة أنا معاكى في كل كلمه وبعدين اخوانا اللي عايزين يقفلوا مدوناتهم ياجماعه دى مش مذكرات مخبينها انتم قررتوا تنزلوا احاسيسكم وابداعكم لنا يبقى مش من حقكم انكم تتقفلوا الباب في وشنا مرة واحده من غير لااحم ولا دستور

كائن العزلة الكئيب يقول...

امممممممممممممم
اعتبرينى موافق

بيسوو يقول...

فعلا الموضوع ده بيضايقني جدا بس بلتمس الاعذار للناس دي لانها حصلت معايا كتير جدا...حاجات كتبتها وكانت مالية دفاتر وبكل بساطة معجبتنيش قطعت الدفاتر ورميتها
المعنى...اننا منعرفش الظروف الي خلت اي حد يعمل كدة

sword يقول...

" هل من حق شادية ان تطالب بمحو افلامها لمجرد انها اعتزلت ؟؟؟؟؟؟؟؟؟؟"
الاجابة نعم..لان كل اللى انتى اتكلمتى عنهم بعد كدا حاجات مختلفة عن الجملة الافتتاحية المستفزة اللى انتى بدأتى بيها الموضوع...
و من حق كل صاحب مدونة ان يقوم بمسح مدونته تماما و لا يحق لك باى حال من الاحوال الاعتراض على ذلك حتى لو ان المدونة تحمل لك لحظات معينة من الفرح او الحزن او تترك بصمات واضحة فى داخلك..
على فكرة البوست دا تكملة لسلسلة كتابات يبدو من الاعتراض على اشياء من باب الاعتراض..
بجد بجد حرقتى دمي

sha3'af يقول...

غادة الكاميليا ،
كائن العزلة ،
بيسوو

كده تقريبا بقينا أربعة

sha3'af يقول...

بيسو و :

موضوع الدفتر مختلف شوية
لأن دي حاجات انت ما شاركتهاش مع حد لسه ، فلسه في حيزك انت لوحدك

لكن لما حد يقبل انه يشارك معاك حاجة ، و بكل أنانية يجي يسحبها منك بعد كده من غير لا احم و لا دستور ، فالوضع يختلف كتير





sword :
الجملة الافتتاحية دي بالتأكيد ناس كتير يختلفوا أو يتفقوا حواليها ، لأن اختلافها بيمس الدين بشكل ما بالاضافة للابداع
يمكن من فترة كبيرة كنت هاتكلم بنفس طريقتك دي و أدافع
بس المسألة ان وجهة نظري اختلفت ---- لأن الحاجة اللي حد قدمها في ماضيه خلاص ما عادتش تخصه ، يعتبرها كانت منتمية لشخصية تانية غيره
لكن مش من حقه أبدا يطالب بحذفها
الانسان له الحاضر بتاعه و مستقبله
ماضيه ده بقى حاجة مش تخصه لوحده ، لكن تخص المشاركين له في الماضي ده
و لو كان الماضي ده أنتج ابداعا أو نشاط انساني ما
فخلاص ده بقى من حق البشرية كلها


و في رأيي / لو حتى كاتب أو فيلسوف أقدم على تقديم وجهة نظر أو نظرية هدامة ، و رجع تاب عنها ، برضه مش من حقه يحذفها
لكن اللي من حقه / و واجب عليه يعمله / إنه ينقضها في عمل تاني ، و يقدم اللي يدحضها

و ليس من حق أحد عمل ديليت لكلمة أو جملة قالها
و إلا من الأكرم انه ما يكتبش من الأساس





لو انت شايف كده أوكى
رأيك و انت حر ، بس مش ده اللي باعمله على أي حال
و ما كانش قصدي يعني أحرق دم سيادتك

sha3'af يقول...

كائن العزلة :
بالمناسبة ، مش عارفة أدخل أعلق عندك ع البلوج بقالي يجيي أسبوع
دايما ال
pop-up window
بتظهر مش كاملة
ما أعرفش ايه الحكاية دي

تسـنيم يقول...

بت يا شغف عندك حق يا بت أنا معاكي ..
واللي مش عايز يشارك حد في احزانه مكانش وجع قلوبنا من الأول.. البوست اللي المدون بيكتبه مش عبارة عن حرف والسلام.. لأ دي لحظة شارك أخرين حلوها ومرها ومن حق الأخرين عليه إنها تفضل يعني مش يوجع قلوبنا وفجأة يختفي وكأن شيئا لم يكن ..
أنا معاكي يا شغف.

سلامـــــــــــــه يقول...



انا بقي مش معاكي في ده

ممكن جدا ان الواحد يكون كتب شيء ما لغرض ما
وعند زوال الغرض ده ممكن جدا يبقي اللي كتبه ملوش اي لازمه
ممكن جدا ان الواحد يكون متبني فكر ما
وفي لحظه تفكيره يختلف
ساعتها صدقيني هيندم انه تبني الفكر ده
ساعتها فعلا مش هيلم كتبه اللي نشرها ويولع فيها
وده ببساطه لانه مش هيقدر يلمها
اما لو يقدر صدقيني مش هيتاخر عن ده
المهم في الموضوع انه مش هيعيد نشر الكتب دي
لو شاعر معين اكتشف في يوم من الايام ان القصيده اللي كان كتبها معادتش بتعبر عن اللي جواه معتقدش انه هيقولها في اي امسيه او لقاء ادبي
الحال ده بالظبط حال المدونين اللي بيحذفوا بلوجاتهم
لاي سبب ايا كان
هو جه يوم حب ان الناس تشاركوا لحظات معينه من حياته
ونتيجه لاي موقف او اي شعور تاني حس انه مش قادر يشارك الناس احساسه ده
فساعتها هيحذف بلوجه
وهو الوحيد صاحب الحق في ده
وده مش معناه انه بيقلل من اهتمامه بجمهور المتابعين ليه
لكن معناه انه محتاج انه يبعد عنهم شويه
.............
لو كتبتي بوست وبعد ما نشرتيه بقتره جالك واحد يقولك انك غلطتي خطأ املائي او نحوي في البوست
ساعتها بكل بساطه هتصلحي الخطأ ده
اما لو الخطأ ده كان خطأ عقائدي - لا سمح الله - او خطأ انتمائي
ساعتها هتحذفي البوست كله
.............
انا بجد مش عايزك تزعلي لاني حذفت البلوج بتاعي
بس عايزك تعزريني
لاني اكيد عندي سبب وجيه - بالنسبه لي - لده
.............
عزيزتي
دمتي بود

sha3'af يقول...

تسنيم :
صح جدااا
ماكانوش وجعوا قلوبنا من الأول



سلامة :
-----------------

film69 يقول...

ياسمين
كثيرا ما كنت أحزن عندما يقوم أحدهم بحذف مدونته ، وأحيانا كنت أرى أن ذلك يحدث من باب الابتزاز العاطفي و الرغبة في الاحساس بالتضامن عندما يسارع جميع الأصدقاء بالسؤال وإبداء التعاطف و البحث عن مكمن الخطأ ، وهل يمر هذا الشخص بأزمة ما ؟ وما نوع
تلك الأزمة ، فيشعر صاحب المدونة أنه ليس وحيدا ، وأنه سيعود بعد أيام من أزمته لممارسة التدوين أو لايعود على حسب قراره
ولكن هذه العملية بخطواتها المعفدة حينا لا تحمل وجه مقارنة مع حرق أفلام أو كتب أو دواوين شعر لفنانين أرادوا حجب أبداعهم لأنه في هذه الحالة هو ابداع ارتضى صاحبه نشره فأصبح ينتمي بالفعل لتاريخ الإنسانية
حتى لو اعتبرنا أن المدونات وإن كانت تعد نوع من الإبداع إلا أن الوسيط مختلف و الحالة والدوافع مختلفين ويغلب على التدوين حال اليوميات الشخصية وإن كان يتاح للجميع قراءاتها
فحجبها هنا من وجهة نظري يخضع في ناحية منه للجانب الشخصي ولا يقارن بحالة العمل الفني المكتمل
آسف للتطويل ، ربما احتاج مساحة أكبر لمناقشة هذا الموضوع
تحياتي

sword يقول...

سؤال بسيط:
مسحتى تعليق ليكي عندي قبل كدا ليه؟اعتقد زى ماانتى بتقولى انه مش من حقك..الامور لا تجزأ يا شغف

أُكتب بالرصاص يقول...

معلهش
اسمحي لي اختلف معاك

ما خرج مني ليس ملكي ..
معك حق
إلا إذا رأيت ان ما خرج مني سوف يؤذي الاخرين
وإذا كان في امكاني سحبه
لماذا لا افعل
إذا خرج مني شيء سيدمر الشباب ،
ويخرب البيوت
ثم وعيت لهذه النقطة
فواجب عليا اني انسفه نسفا


تحياتي مرة اخري

sha3'af يقول...

فيلم :
بصرف النظر عن الدوافع
فيه حاجة اسمها بوست اختتامي مثلا
أو بوست من أجل فترة الابتعاد دي
لكن مش حذف المداونة بحالها أو حجبها
خصوصا و إن فيه بعض المداونات ليها قدر من الأهمية من الناحية الابداعية ، و من ناحية النقد الفني كمان
و بصرف النظر أنا معترضة حتى على حد يجيي انهاردة يلعب معايا بلعبته ، بعدين تاني يوم يكسرها قدامي بدعوى انها من حقه
ماكانش شاركني فيها من البداية

sha3'af يقول...

sword:
اللي أانا شايفاه ان ده مش سؤال حقيقي على قد ما هو اصطياد لموقف مضاد لموقفي الحالي / و على الرغم اني ما بحبش الطريقة دي ، لكن السبب الوحيد اللي خلاني أشيل التعليق انك اتضايقت منه
و لو تفتكر ، أنا نزلت بعدها شبه اعتذار ليك في المداونة عندي

sha3'af يقول...

أكتب بالرصاص :
، سلامة :


لو كان ما خرج مني يؤذي الآخرين بشكل ما - كخطأ عقائدي مثلا - كما اقترح سلامة
فلن يكون الحذف حلا بحل من الأحوال ، لأن هناك بالفعل من تعرضوا لهذا الخطأ و ربما آمنوا به و حاولوا نشره ، بل لربما يؤدي الحذف إلى نتيجة عكسية

لكن الحل في وجهة نظري هو مواجهة هذا الخطأ بطريقته
فلو كان وسطه الكتابة أو الابداع ، يجب الرد عليه بكتابة أو ابداع كذلك ، لا حذفه ببساطة
و إلا طالبنا بحذف ثلاثة أرباع الإبداع البشري و الفكر البشري بدعوى أنه لا يتفق مع معتقداتنا