السبت، أبريل 07، 2007

ماحدش يفتح / اللهم إني قد بلغت

الفضول : قتل القطة
و هذه الأيام يخرب الأجهزة أيضا
رسائل تُبعث تلقائيا -على الإيميلات - و قد تصلك من شخص موثوق به كذلك ، لأنه ببساطة لا يعلم عنها شيئا
رسائل منوعة في كل فروع الثقافة و المعرفة :) بدءا من لينكات لمواقع ( ثقافية) / أيوة أيوة زي " فيلم ثقافي كدة ) و حتى اهتمامات أي منا العادية بالصور الطريفة ، أو الألعاب الشيقة ، أو مواقع جديدة لشيء ما
و الأكثر مدعاة للسخرية أنها قد تصلك من نفسك - ازاي ما تعرفش - ، فباختصار : ماحدش يفتح أي لينك ، أو يحمل أي صورة أو أي مرفقات مبعوتاله في رسالة ، حتى لو يعرف صاحب الايميل اللي مبعوت منه الرسالة شخصيا
إلا إذا طبعا لو كان فيه تنويه واضح في متن الرسالة بيقول ان فيه حاجة مبعوتة ، أو اذا كان فيه اتفاق سابق على ارسال مرفقات
خدوا بالكم من ثروتكم الانترنتية و الكمبيوترية يا جماعة
و خدوا بالكم من نفسكم برضة
أكيييد زي ما النزعات التخريبية دي موجودة ع النت ، موجودة في الحياة برضة
" اللهم اكفينهم بما شئت و كيف شئت "
:)

هناك 3 تعليقات:

تسـنيم يقول...

ههههههههههه هيا الإيميلات اللي بتوصلني من شهر ومليانة لينكات لمواقع وأخرها إيميل من نفسي أه وحياة ربنا معرفش إزاي لغاية ما قلت أكيد في حرف في الإيميل يفرق بس أنا مهييسة ومش واخدة بالي .. طلعت إيميلات فيها فيروسات وبلاوي؟؟؟ وجاية تقولي بعد شهر :| طب انا اللي منعني أفتحهم الزهق وإني ماليش مزاج.

تيب متشنكرين ومنبعتليكش إيميل متلغم.

Sokomonoce يقول...

اولا اشكرك على التنبيه
ثانيا الحاية فيها كثير لكن ايه اللى مخبياه لينا الدنيا صعب نعرف غير فى الوقت اللى ماحدش يتوقعه

غير معرف يقول...

شغف انا جايبلك البشري..

جهازك شبعان فيروسات علي فكرة .. نزلي ويندوز وحطي برنامج انتي فايرس وارشحلك KasperSky .

في حاجات اسمها worms دي زي لفايرس كده بس بتنتشر بطريقة أوسع عن طريق انها بتتعرف علي كل الايميلات اللي في جهازك سواء من الماسنجر او من المواقع اللي بتتصفحيها وتبدأ تبعت نفسها لكل الايميلات دي .. ونفس النظام بيحصل عند الناس اللي بينزلوا ال worm علشان كده بتلاقي ايميلات جيالك من نفسك ..

عابر سبيل :D