السبت، أبريل 14، 2007

عندما طل





و تكثف كلُ شيءٍ في احساس ٍ بالفقد ... لا تعرف ما اذا كانت أغانيه و ألحانه المفضلة تربتان على ذلك الفقد و تتركان جزءا منه في سمعها ، أم أنهم يتعجلان وجوده و يشكلان نوعا آخر من الفقد ... ذلك الذي تتساءل معه : لم أترك له أغنية أو لحنا أحبه ... ترى ، هل يتذكرني؟


كلامٌ كثيرٌ كتَبََتْه ------- و لأول مرةٍ من زمنٍ تبكي
كلامٌ كثير عنها ، عنه ، و عن آخرين و عن أشياء أخرى كذلك ... يملؤه الشجن و الفقد
لكنها عندما وجدته ... و على أفضل ما يكون وجدَته ... تلاشى كل شيء
و أدركت أن لديها شيئا ما يخصه .... وحده

هناك 12 تعليقًا:

تــسنيـم يقول...

مؤلم جدا أن يطل من شرفات الغيب ويترك في القلب سهامه ثم يرحل..

وأصعب منه ألا نترك له شيئا ليذكره بنا..


أحيانا نتمنى أن يطل وبعد الرحيل نتمنى لو أنه كان أخطأ الطريق من البداية ولم يأتي إلينا.



محبتي

21arestoo يقول...

كان الوداع ابتسامات مبللة
بالدمع حينا وبالتذكار أحيانا

Ezz يقول...

يكفيها أنها وجدت شيئا يخصه وحده..عز

هوميروس يقول...

مش عارف انا مش عايز اعلق علي البوست
بس انا مش لاقيكي ياشغف او ياياسمين عشان يكون التعبير ادق في الكتابات الاخيرة
فاكرة لما انتي قلتي لي حمد الله ع السلامه انا نفسي اقولهالك
كائن العزله كا ن بيقولي ان المدونات علي قد ما بتدينا مجال للتعبير الا انها بتستنزفنا كليا
انا حاسس اني في نفس الحالة اللي انتي فيها
بعافر اني اطلع نفسي
بكتب حاجات ما لهاش اي لزمه
بحس اني متورط في الكتابه
نفسي اقرا ياسمين

شغف يقول...

تسنيم
:)

يا ستي هوه يجي بس و مالوش دعوة حتى لو مشي تاني مالكيش انتي بس دعوة



أريسطو :
ده حئيئي




زودياك
:)



مستر إز:

عليك نووور




هوميروس:

بقالي كتييير ما حدش فرحني كده

هيه دي الناس و لا بلاش

معاك جداااااااا

و حاسة بنفس الككلام اللي بتقوله ده
و بقالي مدة عاوزة أبطل الخرف اللي بأعمله ده و أهدى كده شوية و أبدأ أطلع حاجات عليها قيمة شوية

على فكرة المداونات مالهاش ذنب ، احنا اللي بنستنزفها
و بنستنزف نفسنا فيها

يعني فرصة إنك تطلع أي خرف يخطر على بالك و تنشره ماكانتش متاحة قبل كده

ده ساعات حتى الواحد كان بيقعد ع الجهاز ، يلاقي حاجة بتطلع منه يروح مطلعها ع المداونة عدل


فاكر لما كنا بنقول في النادي اننا لازم نصبر ع الحاجة اللي بنكتبها و مش نستعجل عليها ؟
اننا لازم ما تاخدناش شهوة الكتابة ع الفاضي و المليان ؟ و نجمد قلبنا ع اللي بنكتبه و نحذف و لو نص اللي كتبناه ؟

المشكلة ان الواحد هدفه من التدوين تسرب منه

و بقى بيقول أي حاجة في أي وقت

ده غير ان الواحد بقى حاسس فعلا إن لغته في انحدار

محتاجة وقفة جااااامدة

شكرااااا ع المساندة يا هوميروس العزيز :)

بياترتس يقول...

الاغنيه روعه
الله عليها بجد والله عليكى لانك خلتينى اسمعها

ابن مرّ يقول...

تعرفي بما انكم فتحتوا الموضوع
كان ايه الهدف من فعل التدوين ذاته أنا طول عمري باكتب وكمان كتير مننا كده

بصراحة أنا تقريبا كل حرف في مدونتي كان رحلتي جوه نفسي في أزمه اتكثف فيها معنى كل حاجة وبدأت تتطور

فعشان كده أنا مش حاسس بمشكلة اني حتى أكتب بوست كل فترة طويلة جدا

أنا بكتب عموما عشان أفهم نفسي وأحقق توازني

وأفهم ناموس الكون
شفتي ازاي حتى هنا لما كنت بعلق على حاجة انتي كتبتيها اتكلمت عن نفسي

المهم


لو الهدف ضاع حتوهي جواكي

بس عموما المقطع يحوي كمية جميلة من التكثيف والاحساس

syzef يقول...

انا علي فكرة كنت مش هعلق ع البوست مش خوف يعني بس بجد انا كان عندي تعليق قريب من تعليق هوميروس بس مش للدرجه اللي هو بيتكلم بيها لان البوست مش موصلني لنفس احساسه المنعدم بيه ونفس احساسك اللي انتبتتكلمي عنه

انا عن نفسي بحاول بقدر الامكان اقلل من التدوين عشان مقعش ف نفس المشكله اللي انا كنت حسيت بيها فعلا ف فترة...حتي لو كنت مش هنتشر وهغيب وهبعد لان راي استنزاف التدوين ده فعلا رايي من زمان وقلته قبل كده لاكتر من مدون ..ان شغله قل جدا لان هدفه ب بقي التدوين حتي لو كان علي حساب قيمة وفنية النص

Aladdin يقول...

أحياناً اكتشف عبقرية ما في اللغة العربية أمن صلة بين "الوجد" و"الوجود"؟!

dandana يقول...

اليس جميلا انها وجدته.....؟

سيملؤها شعور بالفرح...بالرضا...ولو بعد حين

شغف يقول...

بياترتس
طبعا يا بنتي
أميمة



ابن مر:

معاك جدااا في اللي انت بتقوله

كلنا بنكتب على نفسنا و علشان نلاقيها
بس فرق انك تحول كتابتك عن نفسك أو مشاعرك أو أي شيء يخصك لابداع

أو مجرد انك تكتبه زي ما هوه و تحوله لمجرد معايشة حالة أو كتابة و السلام



سعيدة لمرورك



سيزيف :

بصرف النظر عن النص
هوه الواحد بيتكلم بشكل عام عن المرحلة دي

و يمكن اللي خلاني أوافق هوميروس جدااا هوه اني كاتبه النص ده من زمان ، و عارفه كويس ان قيمته مش قد كده ، و مع ذلك نزلته لمجرد ملو فراغ اني بقالي مدة مش باكتب


عموما كل اللي احنا محتاجينه التعامل ببعض من جدية مع الكتابة - زي ما الواحد كان بيعمل زمان - مش مجرد ممارسة الذات بغشم على صفحات المداونات

شغف يقول...

علاء الدين :

يا اكتشافاتك

يتعمل ع الاكتشاف ده لوحده كتابة حلوة


دندنة :

نتمنى