الأحد، يونيو 17، 2007

حَلِمتُ أني سأموتُ في الرابعة و الثلاثين
إلا قليلا
عشر سنوات هم ما لدي لأتنفس رحيق حياتهم
شخصٌ ما إلى جواري سيموت
زوجٌ ؟ حبيبٌ ؟ شخصٌ أثق به ؟
لا أعلم تحديدا
لكني أعتقده رفيقاً للحياة
لا أكثر
فروحي لم تُبد فرحا لوجوده في تلك اللحظة
سأموت و روحي لم تجد حبا ً
لكنها لن تبالي كثيرا

سيكون موتا بلا ضجة كبيرة
لن تنفجر السيارة أو تتشوه كثيرا بعد الاصطدام
فقط سنموت
و ظهري مستريح على ظهر المقعد و رأسي مرفوع
بعضٌ من الدماء الدافئة ستحتضن وجهينا
أمام بردٍ خريفي هاديء
موتا رومانتيكيا سيكون
يصاحبه الصوت الفيروزي هادئا و جميلا كالعادة

بعض ٌ من الرضا المشاكس ستعلنه روحي
فستفكر
و هي تتركني
أني لم أمضي بعيدا في خططي للحياة
لم أساهم في إنقاذ العالم
و لم أغير فيه كثيرا
لم أكمل مشروعي الصغير
لم أذهب إلى فرنسا كذلك
و لم تفتح إشاراتي كنوز العالم المخبوءة
لم أمارس متعة الحب
أو المخاض

و لم أضع الكثير من العلامات في الطريق
لمن سيأتون بعدي
لكنها ستصعد رغم ذلك بلا ضجة هي أيضا
مبتسمةً ربما
دونما أحزان ٍ كبيرة على العالم
أو أحزان ٍ صغيرة لأحلام ٍ لم تتحقق
سأموت ُ كعادتي : ساذجة ً --- متفائلة ً --- و راضية

هناك 15 تعليقًا:

Nada يقول...

من أعذب ما قرأت

تحياتي

حــلم يقول...

رقة متناهية ..حتى فى تخيل الموت

عوليس يقول...

شغل محترم
تحياتى

بياترتس يقول...

انتى عندك عربيه من ورايا
على العموم انتى اليومين دول كتباتك عاليه اوى
وانا بستمتع وانا بقراها

بالله المستعان يقول...

دوما اجد في مدونتك ما احترم به تفكيرك


بوست متميز


علي الرغم مم ما يحتويه من حزن

تسـنيم يقول...

صورة رائعة رسمتيها لحلم تمنين لو أنه لا يتحقق

فنفسك التواقة للحب التي نبحث عنه بشغف تقطر ألما وهي ترى ذلك الرفيق _الذي لم يجمع الحب بينك وبينه _وهو يلفظ أنفاسه معك وكأنه الدنيا ضنت عليكي أن ترحلي بمفردك فتجدي الحب في عوالم أخرى


نفسك المتمردة تئن وهي تراك لم تحققين ما أردتِ لها

شغف هي أضغاث وان كانت حقيقة فعشر سنوات كافية اتغيير وجع العالم


قبلاااااااااااااااتي

ME يقول...

رقيقة جداً و حزينة جداً

ليه كده؟

عنتر بن غلبان يقول...

كالعادة
اقرا
ابرق
اتنح
واقول الله


بوركت

شغف يقول...

nada

حلم

عوليس

بالله المستعان

عنتر بن غلبان :


شكرا جدااا

شغف يقول...

بياترتس:

أهي دي بقى الميزة اللي عرفتها
هأموت و عندي عربية
هههههههههه



تسنيم :
أراحنى رسم الحلم
و لم يعد يخيفني أن يتحقق

أعتقد أني أقوى الآن بعدما تجسد عدوي أمامي


me:
مش جدااا و لا حاجة
عبد الوهاب بيقول
: " من غير ليه "

كرانيش يقول...

بعد الشر عليكى ياقمر
وان كان الحلم هيتحقق فلسه بدرى
عالخمسه وتلاتين


اما بالنسبه للفنيات بتاعه الشغل فبيتهيالى انه حاجه كده شبه النثر
وممكن جدن نعتبرها خاطره

بالنسبه للاحساس اللى انا حسيته
حسيت بانقباض نوعا ما
اصلنا دايما بنخاف نجيب سيره الموت

بياترتس يقول...

عشان تعرفى ياشغف انى مبنساش
انا بدأت اجاوب على اسئلة التاج اللى انتى بعتيهولى
وحابه اشكرك واعتذر على التأخير

غير معرف يقول...

سأموت كعادتى
حتى الموت هنا يأتى كعادة أو شئ مكرور فى نص يبدو أنه يتكلم عن الحلم بينما هو تقرير ساخط - بهدوء - عن الواقع
أعتقد أول مرة لى أقرأ لكى فيها شعر و نثر كمان
كنتى مخبية الكلام ده فين
نص جميل مفاجئ
أحمد الحلو

هوميروس يقول...

شغف نيو لوك
في الكتابه طبعا
عموما حكاية رسم ملامح موت هادئ دي جديده بجد
بس من خبره قبل كده في الموت ما بين حوادث عربيات وغرق وسقوط من اعلي
بالنسبالي الغرق هو الحل الامثل للموت الهادئ
بس ياتري الواحد هيقدر يموت زي ما بيحب مع ان الواحد مش عايش زي ما هو حابب
اعتراض كبير بدون التدخل في خصوصيات ومن خلال لعنة التحليل مين بقي اللي متفائلة وساذجه وهادية؟

شغف يقول...

كرانيش:
حاجة شبه النثر ازاي يعني ؟
ما هو يا نثر يا مش نثر

و كمان اصلا يعني هوه خاطرة يعتبر فعلا

كويس اننا رجعنا لقواعدنا سالمين :)

و كمان مش عيب بنت الموت تخاف منه ؟ و لا ايه ؟




بياترتس :
تمام جداا




أحمد :

ايه يا بني ؟ مش داخل ككائن عزلة ليه ؟
و لا خلاص تنازلت عن الاسم و لا ايه ؟

مبسوطة ان النص عجبك
و مبسوطة أكتر عشان لقطت اللي فيها
"نص يبدو أنه يتكلم عن الحلم بينما هو تقرير ساخط - بهدوء - عن الواقع"




هوميروس :

بالعكس جدااا
الغرق مش موت هاديء ، لأنه بياخد وقت و بيبقى فيه مقاومة و عنف ما بينك و بين البحر و كده ، ده الا اذا كنت داخل و انت مستسلم
بس حتى لو --- هتلاقي ساعتها البحر نفسه هوه اللي بينقذك لو استسلمت له تماما


و نقطة الواد هايموت ازاي ، هوه بالظبط زي ما انت بتقول كده

اللي بعرف يعيش ازاي بيعرف يموت ازاي

و للأسف اللي زي حالاتنا مش عارف يعيش زي ما هوه عاوز يبقى برضة مش هايعرف يموت زي ما هوه عاوز

(المفروض ما اتكلمش على فكرة على اساس (ان الكاتب ميت بقى و الكلام اياه ده )


بس يااا لا

من خلال التحليل أقولك اني أولا ما قلتش هادية دي خااالص
قلت ساذجة متفائلة و راضية

ده اللي هوه انا

ايه عندك مانع ؟
و لا باين عليك مش بتعرف تحلل أصلا ؟