الأربعاء، يونيو 20، 2007

الراجل ده هايجنني 1









على الرغم من أن هذه ليست السياسة المتبعة هنا ، إلا أنني سأترك المشكلة الأولى للأخت : ز . م . ك دون تعليق مدة أسبوع ، ثم أقوم بالتعليق عليها

علما بأن مراسلاتي معها سارية لحل المشكلة بصرف النظر عن نقطة النشر على المداونة




الحب؟
لم أطمح له حقا على الرغم من كوني شاهدة ً على قصة الحب تلك التي نشأت بين أختي الصغرى و أحد زملائي بالجامعة و الذي تصادف كونه جارا لنا أيضا

تزوجت أختي الصغرى ، و تخرجتُ أنا من كلية التجارة ، و عملتُ بالحصة في أحد المدارس الحكومية مدرسة كمبيوتر
بعد بضع دورات قمت بأخذها
تمر السنوات ، كل سنة في مدرسة مختلفة ، وسط بشر جدد ، و من حين لآخر يبرز شبح ما لعريس يتقدم إلا أن ظروفنا لا تتناسب ، فينتهي الأمر أحيانا قبل أن يبدأ
ودون الخوض في تفاصيل - قد لا تفيد - لاخر هؤلاء ، و الذي تسبب في حدوث مشكلة بيني و بين بعض الزميلات لتلميحاته المتعددة لكل ٍ منا بإعجابه بها و نيته في التقدم ، صرتُ أدعو الله أن لا ينتهي العام الدراسي إلا و قد ارتبطتُ

و قد استجاب الله لدعوتي ، و تمت خطبتي إلى أحد زملاء أخي الذي يعمل باحدى القرى السياحية
هو --- طيب القلب ، مهذب ، و متدين ، كما قد ارتاح كل منا للآخر
لكن المشكلة تكمن في ابتعاد كلٌ منا عن الآخر من ناحية ، حيث أنه لا يأتي في أجازة إلا كل شهرين أو ثلاثة تقريبا ، و حتى عندما يأتي لزيارتنا ، فإنه لا يُسمح لنا بالخروج سويا ، أو الجلوس وحدنا بشكل أو بآخر
و من ناحية أخرى ، و ما يشكل مشكلة حقا هو تلك الأشياء التي تحدث منه بين الفترة و الآخرى و تجعلني أستشيط غضبا و مع ذلك أتحجر أمامه عن أخذ موقف منه
ففي بداية الخطبة كان يتصل بي كثيرا ، و كنت أشعر شغفه لمحادثتي ، بينما بعد ذلك صرتُ أنا التي أتصل به غالبا ، و على الرغم من ضآلة المرتب ، إلا أني أضيعه كله على شحن الموبايل لمحادثته ، و الذي ينهي لي رصيدي كله غالبا في مكالمة واحدة

و كثيرا ما أجده متضايقا – بسبب بعض مشاكل العمل كما يقول – لكنه لا يبوح لي بشيء ، فقط --- ينقل لي توتره و ضيقه
، و إن كنت أعتقد أنه يمكن أن يكون يبوح بمشاكله لأخته الكبرى

و عندما توفى أحد أقربائه البعيدين اتصل بي فجرا كي نذهب أنا و والدتي للتعزية ، بينما عندما تُوفي عمي قريبا لم يهاتف حتى أبي ليعزيه

إذا حدثت مثل تلك المواقف مع أحد الزميلات ، لكانت ستعاملني بالمثل على الأقل ، و تفعل معي ما أفعله معها ، و تقدره --- لكني أشعر بأنه لا يبالي بشيء ، و أني سأتعب معه كثيرا
و أن ابتعادنا عن بعضنا فترة الخطبة سيخبيء لنا الكثير من التفاصيل التي لا أعرفها عنه ، و التي ستجعلني أتضايق منه و أغلى منه غضبا بينما لا يعكر صفوه هو شيء

ماذا أفعل ؟ هل ألومه على مواقفه تلك و ـأتحدث معه بصراحة كما ينصح البعض؟ أم أستمر في غضبي المكتوم اتجاهه ، و أدع المواقف تنتهي مع الوقت ؟
أنا خائفة منذ الآن ، و أكثر خوفا مما قد يحمله لي المستقبل

المغلوبة على أمرها :
ز . م . ك

هناك 5 تعليقات:

شغف يقول...

و طبعا هذه هي التعليقات التي كانت موجودة هناك




Anonymous said...
ياحبيبه قلبي مت من الضحك وانا اتصفح النت واتكعبلت فى مدونتك مع كامل احترامى لحضرتك بس لفت نظرى حكايه حل تمشاكل دى ياختى حد ناقص وبما ان سوؤ الظن من حسن الفطن فطبعا مخى ودا وجاب المهم شكلك كدا اغلب من الغلب واصلا عايزا الى يحل مشكلكاعتقد انك زكيه ولماحه انا مش هاقلك سيبي الراجل دا واخرب عليكى زى ما بيقولوا لكن هاقولك امشى ورا احساسك وطالما ان العلاقه بينكم فيها كم التربص دا فالمستقبل مبشر وكماناعتقد من خبرتي القليله انك تحتاجى لعطف ورعايه لن توفرها شخصيه العريس دا ولا طبيعه عملهومتخيله كدا لما يعرف انك مدونه يا لهوووووى هايعملك فضيحهاكيد دا عايزك مركونة لما يخلص شغل بالسلامه ولا نت ولازفتت تحياتى وبالتوفيق ومتنسيش الاستخاره احسن من اى حد

June 20, 2007 4:10 PM


Anonymous said...
اقصد غير مبشر طبعافى ردي السابق اختك امانى

June 20, 2007 4:12 PM


تسـنيم said...
مستنية تعليقك يا شغف وتقريبا الأخت أماني جت هنا غلط ومش فاهمة الحكاية من الأول.. عموما مستنية تعقيبك على مشكلة ز.م.ك

وإليها ربنا يقدرك الخير ويرضيكي بيه

June 21, 2007 8:20 AM

شغف يقول...

بياترتس said...
المفروض اصلا
فى فترة الخطوبه محدش يحسس حد انه متلهف عالتانى
وكل واحد يحاول يحب التانى بالعافيه
هم يصبروا لحد ما يتجوزوا لان العشره غير فترة الخطوبه دى خالص
اما بالنسبه لحتة الوفاه وطريقه التعامل فيها

فمش مشكله لو هى طنشته خالص وكأنه مقلهاش حاجه
ولو كلهمها
تواجهه بموقفه من وفاة عمها
وتقوله انهم ممكن يتعاملوا فى المواقف دى لما يبقوا مع بعض احسن
وده رأى ياست شغف
ومستنيه حلك للمشكله يامصلحه هانم
هههههههههههه
وربنا يوفقك فى مشروعك ده

June 22, 2007 7:43 AM


شغف said...
أماني :

مبسوطة جداااااااا جداااااااا بتعليقك
عارفة ليه ؟
لأنك مش مدونة ، و بالتالي ممكن تكوني شايفه من بره أحسن

و نبهتيني لحاجات ما كنتش واخده بالي منها ، و أكدتي لي على صحة وجهة نظر ليوناردو و سلامة - مداونين - في الموضوع ده



ده أولا


ثانيا بقى يا ستي ، المشكلة دي مش مشكلتي ، و ما ينفعش تكون مشكلتي بحال من الأحوال أصلا

و صاحبة المشكلة مش مدونة و لا تعرف غير طشاش في النت على فكرة

بالنسبة بقى للمشكلة نفسها ، فأنا سايبة المشكلة الأولى - بناء على اقتراح سلامة - الاسبوع ده من غير ما أحط حلها الا الأربع الجاي ان شاء الله بعد الاقترحاات اللي بتوصل منكم الأول ، يعني نوع من جس النبض كده زي ما بيقولوا

و أكيييد هألفت النظر لرؤيتك للموضوع و لرؤية أي حد بيدخل هنا يعلق لما آجي أحط تعليق على المشكلة يا أماني

منورة

June 22, 2007 9:21 AM

شغف يقول...

شغف said...
تسنيم :
كويس جدااا يعني انها ورتني اللي اي و مش فاهم الحكاية من الأول - و اللي أصلا المفروض ان البلوج ده عشانهم في المقام الأول - ممكن يكون رد فعلهم ازاي






بياترتس:

آمين

و نطرح رؤيتك برضة الأربعاءالقادم إن شاء الله

June 22, 2007 9:24 AM


بنت القمر said...
الاخوة المدونين العطماء يمكن انا جيت غلط بس ليه هو فرح وداخله من غيركارت دعوة يمكن مركزتش فحكايه مشكله مين والمشكلهالاسبوعيه للكن يكفىنى شرف انى نصحت باخلاص ابقوا اتفضلوا اشربوا شاى فى مدونتى اللى لسه بروق فيها واجهز هى يعنى مش قد مقامكم العالى بس اوعدكم بالافضل ان
شاء الله,....امانى

June 23, 2007 3:45 PM


Rodrigo said...
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

June 25, 2007 8:57 PM


شغف said...
بنت القمر / أماني

و هو المطلوب يا اماني ، انك قلتي اللي عندك و نصحتي باخلاص
:)






rodrigo

eu visitei seu blog, mas não tive o interesse para traduzir e para lê-lo, eu quero saber também: como você reivindica que você gostou de meus bornes “árabes”? pode você ler o árabe? eu penso que a matéria inteira é justa um anúncio a seu blog e a seus t-shirts personalizados/traduzidos pelo google/

June 26, 2007 1:39 AM

شغف يقول...

الحزب الفهيمي العيسوي said...
كلمة قريتها قبل كده في كتاب كان ليه تأثير كبير جداً في حياتي
Attraction is NOT a choice
و كلمة تانية
Attraction cuts through anything
يعني لو انتي فعلاً منجذبة ليه بشكل كافي كنتي هاتعديله كل اللي عمله و الدليل على كده بنشوفه كل يوم في حياتنا
ياما بنشوف رجال بيعتدوا بالضرب أو الإهانة على زوجاتهم و الزوجة صابره ولو البوليس قبض على الراجل تلاقي الزوجة بتتابع الموضوع و بتعمل كل اللي تقدر عليه علشان يخرج
و الكلام ده مش في مصر بس ده في العالم كله
النقطة اللي عاوز اوصلها هنا إن الإنجذاب تجاه شخص ما عامل زي ثقل موجود على ميزان و الناحية التانية من الميزان عليها الأحداث اللي بتمر في العلاقة بين الشخصين
طول ما انتي منجذبة ليه هاتفوتي أي حاجة ممكن يعملها
و أنا شايف انه مجرد انك ارسلتي شكوى هنا يعني انتي مستنية حد يزقك على خطوة انتي عاوزه تعمليها
في العادة مش باحب أعلق على المشاكل لحد أن أسلوبي يندرج تحت مدرسة
in-your-face
بس كان لازم حد يوضحلك النقط اللي انتي جايز تكوني مش شايفاها

و مبروك يا شفغون على أول مشكلة ليكي و بكره ييجي عليكي اليوم اللي مش هتلاقي وقت لكل المشاكل اللي هاتجيلك
ربنا معاكي :D
تحياتي الفهيمية العيسوية

June 26, 2007 2:35 PM


بياترتس said...
شغف
كان فيه مشكله عايزه اخد رأيك فيها
هى مش ليه بس بجد مش عارفه احلها خالص
ومشكلتها كبيره بجد ومحيرانى
ممكن تكلمينى على الماسنجر قبل يوم السبت عشان مش هاعرف ابعتهالك ايميل؟
سلام ياشغف

June 27, 2007 2:02 PM


amy lee said...
معلش
ممكن تدخلي مدونتي وتكتبيلي ازاي ممكن احط اغنيه
لاني حاولت اعملها معرفتش
موسيقى يعني ف الصفحه

June 28, 2007 2:20 PM

شغف يقول...

Diyaa' said...
الأسبوع الأول عدي ومفيش رد يعني
أقول رأي متواضع لصاحبة المشكلة
بصي يا ستي ..مفيش أحلي من قعدات العرب ..بس ميكونش في واحدة معاكم تسخن القعدة ..يعني أختك الصغيرة كمحضر خير ومش تقفش فيه ماشي
ويا ريت مثلاً أخ ليه ولا حاجة يكون موجود بالصدفة
وتبدأي تعرضي مشاكلك عليه
لكن عايز أنبهك لحاجة...الخظوبة فترة تعارف..وبالتالي حرمانك منه ده شئ راجع للظروف المادية بدرجة أولي مش لطبع فيه..لأنه لو مش عايزك أو مستخسر فيكي مكانش أتصل من الأول..فالسبب غالباً إنه رابط علي وسطه الحزام عشان الجواز يتم
وفي احتمال تاني إنه يكون حس منك بحاجة تضايقه فبالتالي بيبعد عشان توتر الشغل ميخليهوش يتصرف معاكي غلط
فكلميه بصراحة ..وحاولي تفهمي إنه لو حكالك كل مشاكل الشغل هيجيبلك اكتئاب وخلاص..خصوصاً لو مفيش وقت إلا إنكم تقعدوا مع بعض ..يا دوب يعني
الخطوبة مش معناها احتكار الراجل للست أو العكس ..دي فترة اكتشاف ..كلما أمكن الكلام أو التواجد معاه ..فده شئ مستحب ..غير كده مش فرض علي حد فيكم إنه يكلم التاني كل يوم ..خصوصاً لو العملية فيها غربة وشقي عشان يحوش المهر ولا مصاريف الجواز..إلخ
يعني كوني صبورة علي عدم كلامكم
لكن في نفس الوقت كلميه في قعدة زي ما قلت فوق عشان لو في سبب مش واضح للبعد أو المعاملة اللي مش عجباكي ..يتوضح..واللي حاضرين من طرفك وطرفه دول زي محضر خير..يعني اللي جاني فيكم علي التاني بكل بساطة هيتكسف أدام أقرب الناس ليكم ويحاول يصلح من حاله
وفي الأخر أنا رغاي أوي وطولت علي الست شغف والأخت صاحبة المشكلة
وأتمني رأيي يكون مفيد ولو بنسبة 1%
سلام عليكم



وعلي فكرة ..مش شرط إن مفيش مشاكل وصلت إن العيشة مشمشي..بس أحياناً في ناس مشاكلها بتكون واسعة أوي علي إنها تتنشر في بوست ..حتي مع ضمان الخصوصية

وفي ناس بتهرب من مشاكلها ومش مستعدين يطرحوها
بس عموماً جزاكي الله كل خير وفعلاً إنتي عايزة دعاية وانتظام في التواجد والنشر..

July 1, 2007 11:17 PM


كرانيش said...
بسم الله الرحمن الرحيم

الاجابه

اكيد تصارحه
الصراحه ثم الصراحه ثم الصراحه

July 4, 2007 5:31 PM