الثلاثاء، أبريل 24، 2007

24 April 2007















المفروض كان افتتاح مداونة حل المشكلات ، ومحاولة تحديد موعد شهري لتنزيل مشكلة جديدة / أنا المهم عندي من


الكلام ده التعليقات اللي تحت ، عملتلها كوبي و باست هنا تمهيدا لحذف المداونة التانية ، و نبقى ناخد و ندي تاني إن شاء الله في مسألة حل المشكلات دي بعد ما أبقى زي بقيت خلق ربنا الطبيعين ببلوج واحد

هناك 11 تعليقًا:

عين ضيقة يقول...

طيب

IRC President يقول...

ألووو

شغف يقول...

hkhالتعليقات الللي كانت هناك :


سلامـــــــــــــه said...

الف مبروك الافتتاح يا ستي شغف
وكويس جدا انك عملتي كده في الوقت ده بالذات
التهنئه دي كانت اولا
اما ثانيا بقي
انا عندي مشكله
ممكن الاقي عندك الاذن المصغيه ليا؟؟
مشكلتي باختصار شديد اني اعرف صديقه احسبها مخلصه
وفعلا بحترمها جدا
واعتقد ان كل تعاملي معها كان يشوبه احترام متبادل
وذات مساء
تبخرت تلك الصداقه
ويكأنها لم تكن
دورت عليها-الصداقه- كتير وقليل
ولم اجدها
ماذا تفعلي لو كنت مكاني؟؟؟
اكيد هتقوليلي اسالها ايه اللي حصل
هقولك سالتها وبرضه معرفتش
ولانك اكيد تعرفيها فياريت تساليها بالنيابه عني
وياريت تجاوبيني بالنيابه عنها برضه
انتظر ردك علي احر من الجمر
.......
علي فكرة
هي اسمها ياسمين
وبيدلعوها يقولولها يا شغف
تعرفيها؟؟؟
.......
شكرا علي حسن انصاتك
ولك جزيل الشكر
مرسله لسيادتكم
س. س
الشرقيه
.................
عزيزتي
دمتي بكل ود



April 25, 2007 8:35 AM


عوليس said...
ممممممممممم
فكره حلوه
مبروك يا حلاله العقد

April 25, 2007 10:58 AM

شغف يقول...

Leonardo said...
فكرة غريبة وخطوة مش سهلة ياشغف ..
اللى أعرفه من كتابتك فى مدونتك إنك بتاخدى الأمور بجدية ..
يعنى مش فاتحه البتاعه دى علشان بس أى نصايح أو كلام فارغ مابيفيدش
الفكره جت لك منين وليه ؟
إيه مؤهلاتك اللى هتستقبلى المشكلات على أساسها وتحاولى تلاقى حل مناسب يساعد صاحب المشكلة ؟
وللا مش هتبقى لوحدك وهيبقى عندك ناس دارسة أو أصحاب خبرة يساعدوكى؟

وللا كان قصدك إن ده بس يبقى باب للفضفضه مش أكتر بالنسبة لأى حد عايز يرغى عن نفسه وعن مشكلاته الخاصة اللى -عادة- مابتهمش حد غيره؟

إيه الفرق اللى بتقدميه أو ناوية تقدميه فى المدونة هنا بين إن اللى حاسس بأزمة أو بيواجه مشكلة معينه يكتبها فى البلوج بتاعه أو فى مذكراته وبين إنه ييجى ويكتبها هنا؟

اعذرينى لو فيه نبرة هجوم شوية فى كلامى بس موضوع المدونة دى من أول مره شفتها أول ماعملتيها مش مقتنع به قوى وعايزك تتكلمى أكتر عن الفكره وجت لك إزاى وإيه اللى شجعك على تنفيذها وإيه بالظبط اللى ممكن تقدميه وإيه اللى ممكن تكونى مستنياه من المدونة دى ؟

مستنى إنك ترغى شويه وياريت كمان تكتبى بوست تانى بعد الافتتاح فيه كل تفاصيل دى , مش كفايه أبدا الكلام المقتضب ده :)

April 26, 2007 8:44 AM

شغف يقول...

تسـنيم said...
شغف: لأ أبوس ايدك أنا حاجزة من زمان وماشية في العلاج بلاش تشتتي نفسك مع مرضى تانين.


محبتي

April 26, 2007 9:31 AM


شغف said...
عزيزي س. س

أنا سألتها و هيه استغربت جداااا ، و قالت ان ما فيش حاجة من دي حصلت
و بالتالي كانت النتيجة ان فيه ناس بيتهيألها حاجات ما حصلتش

و عليه

أنصحك يا س انك تاخد اسبرينة بحبة مية و تنام كويس و تاكل كويس عشان مش تجيلك التهيؤات دي تاني





عوليس:

أشكرك يا باشا



تسنيم :
يا بنتي على ما ناس تانية عندها مشاكل تعرف الطريق ل هنا تكون أمورك اتحلت بإذن الله يا قمرة
يعني مش فيها تشتيت و لا حاجة

:)

ادعيلنا انتي بس المسألة تنجح

April 26, 2007 2:30 PM

شغف يقول...

شغف said...
ليوناردو :


على الرغم اني مش بأحب أمدح في حد قدامه

لكن غصب عني مضطرة أقول إنك واحد من ناس قليلة جدااا كل مدى بأكتشف إن رؤيتي فيهم من أول مرة كانت صح و إنهم ناس بيفهموا بجد و ممكن الثقة في كلامهم و نظرتهم للأمور



هوه أنا هأرد عليك هنا و آسفة يعني مش هأعمل بوست تاني بالكلام ده ، لأني أعتقد إن مش أي حد يعني بيهتم بنقطة زي كده

المهم بقى

الفكرة دي أصلا بقالها مدة طوييييييييلة جدااااااااا في دماغي
يجي من حوالي ست أشهر كده و لا حاجة

في الأول كانت واقفة ع التصميم
، بعدين سلامة - جزاه الله خيرا - عملي التصميم ده ، بس ده كان في وقت الحماس كان انسحب مني غير اني كنت في حالة نفسية مش ولابد
فحطيته للمداونة الانجليزي حتى حين ، بعدين جبته من يومين و قلت أشتغل هنا بقى شوية


السبب المباشر للمداونة دي مش فاكراه قوي

بس اللي فاكراه يمكن إني جيت في فترة كان فيها بعض زمايلي بيعانوا من مشاكل مختلفة ، و كنت بأحس إني لما بأتكلم معاهم الوضع بيفرق

بالنسبة لهم من ناحية انهم بيشوفوا وضعهم أفضل و يقدروا ياخدوا خطوات همه مرتاحين ليها
و بالنسبة لي برضة لأني بأحس ان كوني ساعدت في حل مشكلة بيدي إحساس حلو جدااا و يخلي الواحد قادر يتسامى على مشاكله هوه الشخصية حتى و قادر يشوفها أحسن



بالنسبة بقى للنصايح

فبيتهيألي دي آخر حاجة ممكن الواحد يفكر فيها

يعني أسلوب اغسل قدميك و نم مبكرا ده أصلا أسلوب شبه عقيم

و قليل ما بينفع


ايه مؤهلاتي اللي على أساسها هأستقبل المشكلات ؟
سؤال ذكي جداا

بس يمكن اجابته هاتكون متواضعة شوية قدامه

و يمكن هابدأها من أحد الخيارات اللي انت طرحتها تحت :

انه يبقى باب للفضفضة لأي حد عاوز" يرغي عن نفسه و مشكلاته اللي ما بتهمش حد غيره "

مسألة " ما تهمش حد غيره " دي في حد ذاتها جزء من الإجابة

بمعنى : إن ساعات كتير الواحد بيبقى حاسس بإنه بيتخنق مع مشكلته و مش قادر يلاقي حل ليها - مش لأنها صعبة - لكن لأنه عادة حاسس إنه شايلها لوحده
و إنها ما تهمش حد غيره
و بالتالي هوه شخصيا ما يهمش حد غيره

و مجرد ما يبدأ في البوح بيها ل ( شخص ) ما و يحس ان فيه حد ( مهتم ) يسمع ، فاحساسه الاحباط - اللي هوه أهم عامل في رؤية الانسان لمشكلته و تعامله معاها - بيقل و يمكن ينتهي ، و هوه نفسه ممكن يلاقي الحل حتى من غير مساعدة من حد

الفرق بقى يا عزيزي بين انه يكتبها في مداونته أو هنا

هوه في النقطتين دول :
شخص
و
مهتم

بمعنى
إن غالبا اللي بيكتب في مداونته - ده لو قصرنا الموضوع على اللي عندهم مداوناتهم و بيكتبوا فيها - بيكتب غالبا مش على اعتبار انه طالب لمساعدة حد
على العكس
كل شخص عنده مداونة غالبا بيبقى فيه احساس بانه عنده سلطة عليا ( سلطة إنه كاتب )و أي شخص داخل عنده حتى لو أسدى بنصيحة أو بتعليق فهوه ( قاريء)
مش عارفة أوصلهالك إزاي ؟
بس لما أي حد بيكتب -مهما كانت المشكلة اللي بيفضفض بيها على مداونته - فبيكتب بسلطوية فيها تمنعه هوه نفسه من الشكوى المجردة - من غير سيطرة من وعية - من انه يقول : أنا تعبااااااااان
أنا عندي مشكلة و طالب حل


ايه بالظببببط اللي ممكن أقدمه هنا ؟

المسألة طبعا مش هاتكون مجرد عرض لمشكلة من ن .ن و لا س.أ و أدي الحل السحري ليها أهوه يا جماعة


يمكن الاستراتيجية اللي ناوية أتبعها
استراتيجية تبصير قبل أي حاجة

بمعني

إن فلان يفضفض و يتكلم عن مشكلته الفلانية

دوري يتلخص في اني أولا أسمع كويس
ثانيا أبدأ في الأسئلة

لأن فيه مشكلات كتير بيبقى ظاهرها غير أسبابها الحقيقية
و ممكن تكون أصلا المشكلة مشكلة متوهمة بس في تحتيها مشكلة تانية صاحبها مش قادر يشوفها أو مش قادر يعترف بيها لنفسه و بيغطيها بس بمشكلة تانية

و من خلال الآخد و الرد ده - أتمنى - تظهر الأسباب الحقيقية ورا أي مشكلة و من ثم بداية البحث عن حلول ليها


طبعا كلامك مش فيه نبرة هجوم على الإطلاق ( تذكر أن الهجوم و ما ينم عنه نية بالأساس ، و لا أعتقد أن لديك مثل هذه النية )

بيتهيألي يعني تساؤلات طبيعية تماما و في مكانها

لو فيه حاجات لسه غامضة أو نسيت أقولها
أو حاجة عاوز نتناقش فيها
فياريت يعني
كلي آذانٌ مصغية :)

April 26, 2007 3:43 PM

شغف يقول...

عنتر بن غلبان said...
أولا مبروووك وألف مبروك
مبروك واحدة ليكي وألف لينا يا ست شغف
ثانيا: انت عارفة قد ايه انا عندي ثقة فيكي وفي نصايحك وتحليلاتك واني لجأتلك قبل كدة في مشكلة ضخمة عندي وانت فعلا ساعدتيني وقتها
شكرا على الخطوة الجريئة والجميلة منك


بوركت

April 27, 2007 10:52 PM


Leonardo said...
شكلك فاهم يانُصّه !!
على رأى هانى رمزى :)

عموما فيه شوية اقتراحات بقى

أولا :
تعملى بوست طويل شويه تتكلمى فيه برغى وبساطه عنك وعن المدونة دى
حتى ولو شوية أفكار غير مكتمله عن تصوراتك -مثلا- لنوع المشاكل اللى ممكن تتعرض عليكى ..

فى رأيى إن البوست الأولانى والوصف اللى فى أول المدونة جافين شويه
حاجه كده زى برنامج الكمبيوتر بتاع phsycologist Eliza
فاهمانى ؟

ثانيا إنك تهتمى بقى بالدعاية شوية
تصممى شوية بانرات ولينكات ونرش كل الحاجات دى فى المدونات
إلا بقى لو كنتى عايزة المدونة دى تبقى ع الضيق كده


ثالثا :
ثالثا أتمنى لك التوفيق بقى
:)

April 30, 2007 6:38 PM

شغف يقول...

طريق المسلم said...
السلام عليكم
مبروك المدونة الجديدة وياريت تكون حل لمشاكل ناس كتيرة
وانا ليه سؤال ياريت تجوبينى عليه
:::
ليه فى ناس كتيرة بتبخل على غيرها فى ان تفهمها حاجة مش فهماها
اكيد انتى فهمة انا اقصد ايه واخيرا
السلام عليكم ورحمة الله وبركاته

May 9, 2007 1:50 PM


Comment deleted
This post has been removed by the author.

May 10, 2007 1:21 AM


غادة الكاميليا said...
أظن أنى بدأت حياة جديدة بسببك يا شغف لأنك انتى اللى خلتينى أنفذ اللى كنت خايفه أنفذه وأظننى شفيت الآن شغف بجد شكرا ليكى أنا دلوقتى وزى ماقلت عندى قدرة نوعا ما إنى أبدأ بنفسي ومع نفسي

May 10, 2007 1:47 AM


safa7_karmooz said...
طب انتى فتحتيها

والمفتاح ضاع منك ولا ايه؟؟؟

May 11, 2007 11:34 AM

شغف يقول...

الوردة السوداء said...
شغف
هو انا المفروض ابعتلك المشكلة فين؟
يريت تقولى

يعنى اكتبها زى كومنت؟
ولا ايه

May 15, 2007 11:09 AM


david santos said...
It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

May 15, 2007 1:39 PM


شغف said...
عنتر بن غلبان :

تشكر



طريق المسلم :

ما تقدرش تعمم أحكام كده
مافيش حاجة اسمها : " فيه ناس كتيره بتبخل " و الكلام ده

يعني ممكن جدااا تكون فاهم موقف ما غلط ، أو ان يكون الشخص اللي انت متخيل انه بخل عليك بمساعدته مشغول في حاجة أهم ، أو ما أخدش باله ان مساعدته ليك هاتفرق ، و ممكن تكون انت نفسك مش طلبت منه المساعدة بصورة صحيحة

" التمس لأخيك ألف عذر "
مش كده و لا إيه ؟



سفاح كرموز :
:)

ناوية أعمل قفل و مفتاح جداد بس



David Santos
------

May 15, 2007 2:58 PM

شغف يقول...

شغف said...
ليوناردو :

أولا : شكرا جدااا على المساعدة

ثانيا : أنا دورت على برنامج إليزا ده شفته ، و كان فعلا
a kind of fun

ثالثا :
انت نبهتني لنقط مهمة جدااا
و في نفس الوقت حطتني في حيرة

يعني فعلا ، نويت أعمل برأيك في تنزيل بوست مستفاض
و عمل شوية بانرات و كده
و محاولة الدعايا و الكلام ده

بس لاقيت فعلا إن عنوان البلوج مش مناسب خالص - على عكس اعتقادي في البداية

لاقيت اني محتاجة اسم يسمع و يدل في نفس الوقت

اسم قصير و لافت و دال

و عماله أفكر مش لاقيه

بيتهيألي دي نقطة مهمه دلوقتي
و هاتهم في البانرات و الدعايا
زي ما هاتبقى عامل مهم في البوست اللي احنا اتفقنا اني أنزله ده

ادعيلي أعرف أوصل لشكل أفضل أعيد البداية بيه
:)

May 15, 2007 3:05 PM

شغف يقول...

شغف said...
غادة الكاميليا :

فرحانة لإحساسك ده دلوقتي

بس عاوزة أنبهك بس
انك مش شفيتي تماما
لسه شوية

بس مع الوقت يعني هتلاقي الموضوع بيخف ، حتى لو ظهر على فترات متباعدة





الوردة السودا :
هوه يفضل لو تبعتي المشكلة على الميل
shaghafon@gmail.com

بس لو عاوزة تكتبيها هنا ، فمافيش مشكلة

:)

الحلين موجودين يعني عشان لو حد مش عنده ايميل أو مش عنده بلوج أو حتى مش عاوز يقول هوه مين

عادي يعني اللي يريح ، المهم إن المشكلة توصل
و نحاول نشوف لها حل

May 15, 2007 3:13 PM


farafesh said...
الف مبروك
يا شغف على المدونه الجديده

بس دلوقتي فات يوم اربعاء ولم اجد
اي حل لاي مشكله ذاي مني قولتي

ولا ايه .ولا ايه

والف الف مبروك

May 16, 2007 5:11 PM


semsem said...
الف مبروك يا جميل
بس ما وعدكيش اكون زبونه عندك
اصلى بخلص على مشاكلى اول باول

May 19, 2007 8:41 AM


amy lee said...
مبروووووووك
مدونه جمممميله
وفكره حلوه

June 28, 2007 2:00 PM


Anonymous said...
السلام عليكم ورحمة الله وبركاته

July 22, 2007 7:12 AM


shomo3 said...
هاى فكره حلوه
وسوف اراسل عندما تتوفر لدى اى مشكله

July 22, 2007 7:16 AM