الأربعاء، يونيو 06، 2007

6 June 2007 الأربعاء


Get my banner code or make your own flash banner







طبعا ، مر الأربعاء الأول من الشهر الأول على افتتاح المداونة - كما لاحظ فرافيش و أبدى في تعليقه تحت - دون نشر أي مشكلات ، و لا أي حلول

و هذا راجع لسبب بسيط جدااا

و هوه أنه لم يصلني حتى الآن شيئ

و الذي يرجع بدوره لسبب من ثلاثة :

إما أنه ليس لدي أي شخص أي مشكلة ، و العيشة مشمشي مع الجميع ، و لا حد بيشتكي و كده يعني

و إما لأنه ليس لدى أحدٍ ثقة في تلك الفتاة غريبة الأطوار التي أعلنت فجأة عن استقبالها للمشكلات و الشكاوى لمن لا تعرفهم و لا يعرفونها و لا يمتون لها بصلة

و إما لأنه - كما قال ليوناردو - لم يتحقق لهذه المداونة المسكينة الانتشار بعد ، نظرا لانعدام الاعلانات تقريبا ، و قلة أي معلومات عن هذه المداونة

*********************************

هذا هو الأربعاء الثاني ( للشهر الثالث ) في عمر هذه المداونة

و نحاول نجاوب ع السؤال المهم :

و ايه اللي ممكن - أو بتحاول - تقدمه المداونة دي ؟

ببساطة و بكل وضوح

الانصات و محاولة الفهم - - كخطوة أولى

أعتقد إن المشكلات اللي ممكن التعامل معاها هيه المشكلات اليومية اللي ممكن تقابل أي حد فينا

في الدراسة ، الشغل ، العلاقات الانسانية بمستوياتها و على رأسها علاقة الانسان بنفسه و بحياته

عندك مشكلة ؟

احكي ، ابعت ايميل فيه اللي تاعبك

أنا هأسمع ، و أسألك أسئلة معينة ممكن تساعدك - و تساعدني - في إضاءة جوانب المشكلة و معرفة خفاياها

و ما تنساش ، إن ممكن جدااا إنك تشكي من مشكلة ، مع انها مش هيه مشكلتك الحقيقية ، لكنها مجرد واجهه بتخبي وراها المشكلة الحقيقية اللي خايف تواجهها

دي الخطوة الأولى

بعد كده

نحاول نحدد جوانب المشكلة دي ، و مؤاثراتها المختلفة

و ايه منها اللي ممكن نلعب فيه عشان نشوف له حل

في الآخر بقى ، نبدأ في وضع خطوات

أو تصورات و فروض معينة

نبدأ نطبقها و نشوف ايه اللي هاينفع منها

***************************************

أعتقد إن أهم من الحلول اللي ممكن تتوافر لمشكلة ما ، هوه احساس الانسان بإن فيه حد جانبه و بيسانده ، و لو حتى بمجرد فهمه ليه

و أنا بأحاول أكون الحد ده لكل من يريد

و بيتهيألي برضة إن اللي قالوا " تحديد المشكلة هو نصف الحل " ، و " في معرفة الخصم نصف النصر " كانوا ناس بيفهموا ، هانحاول نسمع كلامهم في المداونة دي

******************************

المطلوب دلوقتي :

لو حد بيفهم في حكاية البانرات دي ، و اللوجو ، و الكلام ده ياريت لو يساعد

و يعمل بانر كويس كده و يحطه عنده

وأنا عملت بانر فوق أهوه على قدي فياريت لو كل اللي عنده مداونة و مر من هنا يحطه عنده

و طبعا ، لو أي حد عنده مشكلة ، و عاوز حد يسمعه ، و يشاركه ، و يحاول يساعده ، فياريت يبعت بالمشكلة ، إما على الميل

و إما حتى يكتبها في التعليقات

و التعليقات متسابه لأي حد ممكن يعلق

و لو فيه حد عنده مشكلة و مش عنده موقع خاص بيه ، فيختار

anonymous

في الجزء الخاص بالتعليق

و يسيب تعليقه / مشكلته ، و يكتب أي حرف يرمز ليه بعد ما يخلص

*****************************************

و شكر خاص ل ليوناردو على نصايحه و مساعدته

*************************

تحديث :

مش عارفة من غير ليوناردو و سلامه و ابن عوف و كل الناس اللي الواحد لما بيعوزها بيلاقيها بجد دي ، الواحد كان هايعمل ايه

ده البانر اللي صممه ليوناردو

وده الكود بتاعه


و ده البانر اللي صممه سلامة وابن عوف




وده الكود بتاعه

ياريت أي حد عنده مداونة يا جماعة يحط واحد من البانرات دي عنده على جنب كده

تحديث الخميس 16 أغسطس 2007 :

الناس اللي حاطة البانرات دي عندها ع البلوج

يا ريت يتم تغيير اللينك الموجود داخل كود البانر إلى :

http://well-lightedarea.blogspot.com/search/label/solving%20problems

بدلا من :

http://maramelnoor.blogspot.com/

هناك 4 تعليقات:

شغف يقول...

و دي التعليقات اللي كانت هناك :


سلامـــــــــــــه said...

عزيزتي شغف
تحليلك للمشكله دي بيبشر بالخير للمشكلات الجايه
تحليل منطقي
واسلوب للحل كويس برضه
بس في رايي ان المشكله مكانتش ان المدونه مخادتش الانتشار الكافي ليها
بل علي العكس هي خدت الانتشار الطبيعي لاي مدونه جديده
علي الاقل بالنسبه للمدونين المحيطين بيكي
كلهم عرفوا بالمدونه
وكلهم عرف المحيطين بيه.. وهكذا
كل واحد فينا -تقريبا- حط اللينك بتاع المدونه بتاعتك عنده
وفي ناس عملوا اعلان ليها زي هنا مثلا
انا في رايي الشخصي ان المشكله كانت ان الناس مش فاهمه ايه اللي ممكن انك تقدميه ليهم
او بمعني اخر كانت عايزة تشوف مشكله اتعرضت قدامهم علشان يشوفوا طريقه تناولك انتي للمشكله وازاي قدرتي انك تساعدي في حلها
او بمعني اخر كانوا عايزين حد يقدم علي التجربه دي قبلهم
ولان مفيش حد عايز يبقي هو الاول.. فكان الطبيعي ان مفيش حد عرض مشكلته اصلا
وحل المشكله دي بيفكرني بحديث اذاعي للراحل العظيم (بابا شارو) كان بيتكلم عن ازاي قدر انه يخلي الاطفال يشاركوا في برنامجه اللي بيحل فيه مشاكلهم
فقال انه اعلن عن البرنامج وقعد شهر مستني ان حد منهم يتصل بيه او يبعتله , ولانه موصلوش ولا جواب فاضطر انه يعرض اي مشكله باسم طفل وهمي من الاطفال وحلله المشكله وطلب من الاطفال انهم يشاركوا في حل المشكله دي
وكانت النتيجه انه لقي مشاركات من الاطفال ومن اهلهم كمان
الشاهد من الحكايه اللي انا بحكيها ان الناس مستنيه حد يسبقهم بخطوة في الاشياء اللي هم مش عارفينها
..................
حاجه تانيه عايز اقولك عليها
موضوع بوست كل شهر ده اعتقد انه صعب شويه
يعني انا عايز تحديث في مدونتك علشان ادخل عليها باستمرار
اما اني استني شهر من بوست للتاني فده كتير فعلا
يعني مثلا ممكن نقول مرتين في الشهر مبدئيا
او نقول انها هتبقي كل ما يكون هناك جديد.. وده احسن
..................
بخصوص البانر اللي انتي عايزاه ده
انا يا ستي متطوع باني اعملك واحد بس بعد ما اخلص امتحاناتي.. اوك؟
..................
شغف
متنسيش تفكري في اللي عمله بابا شارو
..................
عزيزتي
دمتي بود




June 6, 2007 2:50 PM

شغف يقول...

Leonardo said...
وأنا مع سلامـــــه

ناس كتير ممكن تتردد فى إنها تاخد الخطوة الأولى
ولازم زقّة !!

وبرضه فى حكاية بوست كل شهر دى أنا متفق معاه , صحيح إحنا لسه فى الأول وحتى البوست الأولانى ده لسه ماجاش :)
بس احنا بنتكلم فى المستقبل يعنى إن شاء الله

أما عن البانرات فبيتهيألى إنه من الأفضل لو اتصمم أكتر من بانر بأكتر من شكل وتصميم ومقاس
ويبقى فيه قسم هنا فى المدونة خاص بالبانرات وأكوادها علشان تسهل على أى حد عايز يحط إعلان المدونة فى البلوج بتاعه
يبقى يختار ساعتها الفكره والشكل والمقاس اللى يعجبه

وكبداية ع الضعيف كده لأنى ماليش فى التصميم خالص أنا عملت بانر ع الماشى فى المدونة عندى لحد ما سلامــــه يفضى ويعمل كام تصميم حلو كده


فيه حاجه كمان

ماتشوفى حاجه تانيه غير محمد فؤاد الله يخليكى !!
ياريت تبقى موسيقى بس على ذوقك كده

وإلى الأمام ياشغف :)

June 6, 2007 8:30 PM


Leonardo said...
إيضاح لنقطه صغيرة

اللى أقصده من الزقة واللى بيتهيألى سلامـــه كمان يقصده مش إنك تعملى زى بابا شارو بالظبط وتفبركى مشكلة وحل

إنما الزقّة فى إنك تفاتحى إنتى أى شخص تعرفيه -مثلا- وتبدئى الحوار معاه وتقنعيه بنشر مشكلته وحلها هنا
مع إخفاء الاسم أو التصريح به حسب رغبة صاحب أو صاحبة المشكلة

الفكره إن الخطوة الأولى تيجى من ناحيتك, مش شرط من ناحية الجمهور

June 6, 2007 8:34 PM

شغف يقول...

سلامـــــــــــــه said...

أي خدمة يا ستي أدخلي خدي الكود من عندي من المدونة تحت الفلاشة بتاعتك

..................

واشكري ابن عوف.
.................
عزيزتي
دمتي بود


June 8, 2007 3:10 AM


شغف said...
معاكم حق جدااا
لازم الواحد يكون
intiative
دايما
( لو حد عنده كلمةعربية بديلة للاستخدام السلس ياريت يقول :) )


المهم

هوه يظهر كده فعلا ان الواحد هايبدأ من المتاح ليه ، و من المشكلات اللي أعرفها للناس اللي أنا أعرفهم بصورة شخصية ، و إن كانت الحكاية دي محتاجة لمفاوضات عشان آخد الاذن من حد منهم


_____


بالنسبة لتوقيت نشر البوستات

فكرت في الحكاية دي و لاقيت إن ما ينفعش أصلا لا اللي أنا قررته ، و لا اقتراحتكم حتى

لسبب بسيط
ان مسألة بوست كل شهر دي كانت تنفع على أساس اني كنت بأفكر في عرض مشكلة كل شهر - خصوصا على ما الواحد يلاقي ناس بدأت تبعت -
لكن أصلا مش ينفع ، لأن محاولة الحل مش هاتيجي على مرة واحدة

يعني فعلا لازم أكتر من مرة يتم نشر المستجدات و التطور في حل المشكلة
مش مجرد أدي المشكلة و أدي الحل
لأن - زي ما اتفقنا قبل كده - مش معايا الفانوس السحري اللي هايغير كل حاجة بكلمتين تلاتة في بوست


و لا هاينفع حكاية مرتين في الشهر برضة ، لأنها نفس الشيء تقريبا

و عليه

فهانقول بقى اننا نخلي في بوست كل أسبوع

كل أربعاء برضة

و ندي مدى كل مشكلة شهر كمتوسط يعني لحد لما نوصل لأساسيات للحل


-----------
بالنسبة لعمو الأستاذ محمد فؤاد :-D

فيمكن حطيت الغنية دي لأني حاساها متناسبة مع الموضوع بس مش أكتر

بس عموما ربنا ييسر كده ، و أعرف أنفذ تعليمات تحميل الأغاني على البلوج ، و أحطلكم مزيكا حلوة ان شاء الله

June 8, 2007 9:39 AM

شغف يقول...

شغف said...
صحيح

الأكواد بتاعة البانرات ، كل ما أجي أحطها في compose
تطلع بانر مش كود بالنسبة للبانر اللي انت يا ليوناردو عملته

، و تطلع كود مش كامل بالنسبة للبانر اللي خدته من عندك يا سلامة

مش حد يعرف ايه السبب ؟

June 8, 2007 9:42 AM


سلامـــــــــــــه said...

اولا يا ستي بالنسبه لموضوع توقيت
البوستات ده فاللي انتي قلتيه يعتبر حل مثالي

وبالنسبه للبنرات
فاعتقد انها سهله يعني اننا نعملك شويه اشكال كويسه
والكود بتاع البنرات لما تحطيه في صفحه البوستات بيتقري كانه كود
html
وده بيخليه يظهر كانه بانر مش كود
ولو الصفحه معرفتش تقراه هتخليه كود مش كامل
اما الحل بقي فلاني مش هعرف اكتبهولك هنا علشان الاكواد فانا هبقي اشرحهولك علي الميل
اوك؟
...............
هو انا مش عارف اللي عملته ده صح ولا غلط
بس انا سمحت لنفسي اني ادخل عندك اصلحلك الاكواد في البوست
وخايف لتزعلي لاني مخدتش اذنك
بس ده اللي حصل
...............
في حاجه تانيه؟؟؟؟
احنا في الخدمه يا شغفون
...............
عزيزتي
دمتي بود


June 8, 2007 12:07 PM


amy lee said...
انا حطيت بانر عندي اهو
لان بجد موقعك جنان
اسنمريي

June 28, 2007 2:03 PM