الأربعاء، سبتمبر 26، 2007

استبحس -- على حبة برد -- على شوية صداع

" تتعدد الأحداث -- و تتعدد المصادر
فتضيع الحقيقة
مصدرٌ واحد للحقيقة
" الرافدين " -- مصدر الحقيقة
( قناة الرافدين العراقية )
**************************
" الواحد أول ما يبدأ يقول للبنت اللي بيحبها
" انتي ضهري "
و " أكتر حاجة بتعجبني فيكي هيه عقلك "
و الكلام ده ،
يبقى خلاص ما عادش بيحبها و " هايفك " منها "
( رامز جلال في حوار له مع " هالة سرحان )
***************************
" العالم دي مش صايمة و لا ايه ؟
طب يراعوا مشاعر الناس الصايمة "
( تعليق حانق لأحد الشباب في الميكروباص على ملابس الفتيات العائدات ظهرا من الجامعة )
***********************
" البلد دي فيها حكومة
البلد دي فيها قانون "
( بداية أغنية عاطفية ربع كم ل واحد اسمه " طارق الشيخ " )
تحديييييييييييث :
الأغنية - مع التحفظ على المسمى - لواحد اسمه " طارق الشريف " ، و العهدة على مجهول الهوية الذي صحح الاسم بالتعليقات

هناك 6 تعليقات:

M.R يقول...

هههههههههههه

هي دي بقى التعددية

عدى النهار يقول...

دى أغنية من غير أكمام خالص
:)

بنت القمر يقول...

هاي شغف معلش يا قلبي اصل اللينكات كلها طارت لما غيرت التيمبليت ووصلتلك باعجوبه تحياتى وسلامتك من الاستبحس
وعموما انا ضفتك تانى في الفيفوريت لينكس
ومتركزيش ازى في التلفزين عشان اخرته فعلا استبحس
هههههههههههه

شغف يقول...

m.r

ده قصدك على أي جزء منهم ؟ و لا كلهم و لا ايه ؟

عدى النهار :

اه ، هوه الواقع انها لا يستر جسدها شيء من أصله :)


بنت القمر :

المشكلة اني ما باركزش خااالص أصلا ، يعني نادرا لما فيه حاجة بتلفت انتباهي عشان أتفرج عليها

فبالتالي الساعة و لا النص ساعة اللي بأقعدها بأخد القنوات كده كعب داير

و أدي النتيجة : استبحس من النوع التقيل

غير معرف يقول...

حضرتك هوة اسمه طا رق الشريف مش طارق الشيخ زي ما اخويا العزيز الصغير قاللي
هذا للتوضيح
دة
طارق الشيخ معروف هوة شارعكم مش بيمشي في توك توك ولا ميكروباص ولا ايه؟

شغف يقول...

شكرا على التصحيح

ما هو استبحس بقى :)