الأحد، مارس 30، 2008

البحث عن المشاكل

في الحقيقة الفترة اللي فاتت ، و ما بين وقت و التاني كنت بألاقي نفس فكرة " حل المشكلات " - اللي بدأتها منذ فترة -موجودة بأشكال متنوعة ، و ظريفة جدااا في كتير من المداونات ، فبدأت أجمعهم ، لو حد مهتم يعني

/

و طبعا ، شكرا جزيلا ل بنت القمر ، لأنها لما لاقت اني مهتمة أعرف مين تاني بيلعب في نفس الملعب ، بدأت من حين لآخر تبعت لي لينكات لبعض مداونات من دي

شكرا بجد

You are an angel /


من المداونات اللي اتصادفت فيها ، مدونة " نفساني " على مكتوب


و هيه للاستشارات الأسرية ، الاجتماعية ، و النفسية



كذلك موقع لحل المشكلات من وجهة النظر الشرعية




كان فيه برضة موقع مجانين دوت كوم ، و ده كان سلامة وصاني أدخله ، خصوصا و إن المشرفين عليه أطباء نفسيين و متخصصين



و طبعا أكيد فيه موقع رضوى " مشورة نفسية "




كذلك فيه موقع طبيب نفسي ، و ده مش حل مشكلات قد ما هوه عرض لبعض النظريات و الأمراض النفسية




بالصدفة اتعرفت على صاحبة بلوج " احكي و هأسمعك " ، و طبعا عجبني الاسم جدا و تعريف المداونة البسيط المباشر ، و إن كان بلوجها مش بلوج مشكلات بالمعنى المتعارف يعني





أظرف حاجة بقى فكرة بلوج " اعترافات ليلية " اللي وصلتني ليه بنت القمر


فصاحبه أو صاحبته حط اليوزر نيم و الباس ورد ، و سمح لأي حد عاوز يفضفض أو يشكي انه يسجل دخول ، و يكتب اللي هوه عاوزه ، بعدين يخرج تاني ، و لا من شاف و لا من دري

بيقول صاحبها /تها في تعريف المداونة :

" المدونة ديه مش هاتبقى زى أى مدونة لانها هاتكون مدونة بتاعتنا كلنا مدونة كلنا نقدر نتكلم فيها ونعترف نعترف باى حاجة مضايقانة أى حاجة نفسنا نتكلم عنها أى مشكلة واقفة فى طريقنا ونفسنا نزيحها المدونة ديه ليكم وليا وعلشان نعترف بأمان كل واحد هايكون معاه اليوزرنيم والباسورد يدخل يحط البوست ويخرج ولا كأنه كتب حاجة اعترف براحتك واستنى ردودنا مش أنت لوحدك اللى عايز تعترف .. كلنا عايزين نعترف وانا سميتها اعترافات ليليلة علشان كلنا بنستخدم النت بليل مااحنا كلنا عارفين أن اليل دائما حليم ستار"


و في اعتقادي البلوج ده له مستقبل جامد


مداونة تانية برضة كانت عرفتني بيها بنت القمر اسمها " رسائل فريدة "





***********************************************************************


بس بقى ، كده الواحد اتطمن ان البلد فيها ناس ممكن تساعد كتير ، يموت و هوه مستريح :)


و لو نتكلم جد ، يبقى نقول إني مش عارفة ، هل أكمل وضع البوستات اللي بتناقش المشكلة اللي فاتت / و اللي مأمنة بذاتها مدى طويل لكثرة الرسائل بيني و بين صاحبتها ، و اللي كان بيتم دمجها أحيانا و الاختصار منها قليلا في الفترة السابقة ، و مع ذلك لسه بقيتها موجود / ؟

و لا مش مهم أنشر بقيتها عشان ما أزهقش الناس معايا للتركيز على مشكلة واحدة / بس دي طبيعة المسائل هنا أصلا /

، و في نفس الوقت ، بصراحة مافيش حاجة وصلتني غيرها ؟

و لا أتناسى الموضوع كله من أساسه ؟ ، خصوصا و فيه ما شاء الله يعني بلوجات كتيرة بتركز على نفس نقطة حل المشكلات ، و منها ما هو جدير حقا بالاعتبار
و لا أسيب المكان مفتوح لأي حد عنده مشكلة ، أنا تحت أمره يعني ، بس نبطل ننشر في البلوج ظ


صحيح الوقت نفسه هوه اللي ممكن يجاوبني على الأسئلة دي ، بس محتاجة رأي كل من يعبر من هون

هناك 8 تعليقات:

بنت القمر يقول...

((((((((((((:
يا كسوفي!!
Iam an angel
your word is s a big honer
thank you sweety
اعتمد علي حدسك وقوة احساسك في تمييز الحقيقي والزائف في تلك المدونات
بالهنا والشفا
نخدمك يوم فرحك
((((((((((((:
تحياتي
اشكر كلماتك الرقيقه مرة تانيه

ابن فطومة يقول...

بأي حال من الأحوال أرجو أن تستمري حتى لو في بلوجات كتير بتعالج الموضوع ده.
لأن ولا كثرة العيادات منعت فتح عيادات جديدة ولا كثرة المدونات منعت فتح مدونات جديدة.

وبالنسبة للنشر أنا مش شايف في أي ممل. حتى لو كانت مشكلة واحدة، لأنك مبتنشريش كل يوم نفس المشكلة. بالعكس أنا شايف الموضوع مثير وحريص على متابعته والاستمتاع بتحليلك (مجاملة مستترة;)

تحياتي

محمود

syzef يقول...

أنا رأيي انك تكملي في الموضوع وفكرة النشر من عدمها هي اللي ممكن تتناقش..لكن انك تستمري ف مساعدة حد محتاجك ده شئ أكيد

ف أحيان كتيرة تحليلاتك نفسها للمشكلة بستمتع بيها جدا جدا..وحتة الملل دي انتي اللي ممكن تحدديها..يعني ممكن كواليس الحل كلها ما تتنشرش ..الحاجات اللي تحسي انها ممكن تفيد زائر المدونة او تمتعه تنشريها ولو الموضوع ماكانش فيه جديد وبتحاولي تركزي علي نقط قلتيها قبل كده لصاحب المشكلة ومحتاجة تأكدي عليها يبقي تكون بينكم انتم وبس

لكن استمرارك ده شئ أكييييييييييد

شغف يقول...

بنت القمر :
العفو ، مين اللي يشكر مين فينا ؟ :)

ابن فطومة :
معاك حق
أنا كنت بس عاوزة أطمن
Am I on track or out ?
يعني الجزء ده من المدونة مهم لحد ، و لا ممل و طويل ، و أحتفظ بيه لنفسي و بس


و مش شكرا على المجاملة ( الواضحة ) على فكرة :> ، ما بنحبش المجاملات هنا


سيزيف :
تمام جدااا
، خلاص يبقى زي ما قلت نشيل الزوائد و التأكيدات
و نتابع نشر المشكلة

شكرا يا جماعة
كان مهم و لو شخص واحد بس يكون يهمه الجزء ده م المداونة

Leonardo يقول...

كنوع من التوكيد المعنوى بس ..
المشكلات والحلول هنا مش هى اللى فى أى موقع تانى لأن كل موقع وله صاحب وأسلوب وأفكار .. واضح ؟
....

شوفى دى كده

http://lh5.google.com/leonardoblue7/R_gNf_sVTvI/AAAAAAAAAJM/wpmwxO_Lrjw/Final_thumb%5B1%5D.gif

تامر حسني هاعيش حياتي 2009 يقول...

أنا رأيي انك تكملي في الموضوع وفكرة النشر من عدمها هي اللي ممكن تتناقش..لكن انك تستمري ف مساعدة حد محتاجك ده شئ أكيد

ف أحيان كتيرة تحليلاتك نفسها للمشكلة بستمتع بيها جدا جدا..وحتة الملل دي انتي اللي ممكن تحدديها..يعني ممكن كواليس الحل كلها ما تتنشرش ..الحاجات اللي تحسي انها ممكن تفيد زائر المدونة او تمتعه تنشريها ولو الموضوع ماكانش فيه جديد وبتحاولي تركزي علي نقط قلتيها قبل كده لصاحب المشكلة ومحتاجة تأكدي عليها يبقي تكون بينكم انتم وبس

لكن استمرارك ده شئ أكييييييييييد

شات ودردشة يقول...

أنا رأيي انك تكملي في الموضوع وفكرة النشر من عدمها هي اللي ممكن تتناقش..لكن انك تستمري ف مساعدة حد محتاجك ده شئ أكيد

ف أحيان كتيرة تحليلاتك نفسها للمشكلة بستمتع بيها جدا جدا..وحتة الملل دي انتي اللي ممكن تحدديها..يعني ممكن كواليس الحل كلها ما تتنشرش ..الحاجات اللي تحسي انها ممكن تفيد زائر المدونة او تمتعه تنشريها ولو الموضوع ماكانش فيه جديد وبتحاولي تركزي علي نقط قلتيها قبل كده لصاحب المشكلة ومحتاجة تأكدي عليها يبقي تكون بينكم انتم وبس

لكن استمرارك ده شئ أكييييييييييد

شغف يقول...

عُلم و يُنفذ يا جماعة
طبعا في حالة لو وصل أي مشكلات جديدة
و شكراا جداا على الردود