الأحد، يونيو 01، 2008

كان لابد أن تقترب من الضوء

قالت لي إحدى زميلاتي يوما أن من يرسم منظرا يجب أن يكون محبا ً للمنظر في ذاته ، لا لتلاعبات الضوء عليه

ستة عشرة لوحة
فنانٌ واحد


منظرٌ واحد محدد


و بداية اكتشاف لحقيقة فنية جديدة ليست في النسب أو التكوين ، بل : فقط ... الضوء




الضوء ...
هو حقيقة الألوان
مرحى عزيزي " نيوتن "



جذبني شغف " مونيه " بتتبع خيوط الحقيقة
ليؤكد جانب آخر من جوانبها


فهاهي حقيقة فنية أخرى تتبدى : حقيقة ضوئية


و مدرسة تتقدم مدارس الفن الحديث و تبدأها




أحاول تطبيقا

:


يجب أن نرى أنفسنا على حقيقتها ، لا تلاعبات الضوء عليها



يجب أن نرى أحبائنا كما هم ، لا تلاعبات الضوء عليهم


يجب أن نرى ظروفنا و حياتنا كما هم ، لا تلاعبات الضوء عليهم


الشمس تدور
و معها يتغير موقع الإضاءة و شدتها
الضوء يجعل ما كان مظلما أو باهتا يتألق ساطعا

و ما كان مضيئا يتحول إلى الظل أو مجاهل اللامبالاة

ما تداخلت فيه الظلال و الأضواء في غموض ساحر ، و سكرة آسرة إلى ظلٍ واضح ، أو ضوءٍ عادي مباشر


و ما منحه الضوء لونا ذهبيا إلى لون فضي



أهذا ما نسميه : تجربة ً و تعلماً و فهما و إدراكا لما يمر بنا في الحياة ؟

فقط ، عندما يكشف الضوء عن جزءٍ آخر من الحقيقة الحياتية ليضعها تحت أبصارنا واضحة ً لا لبس فيها ؟


بل ، هل نتعلم الدرس فنعلم أنها مخاتلات الضوء لا أكثر ؟

أم نتمسك بأننا توصلنا للحقيقة النهائية بعد طول ضلال ؟

أن كل ما مضى كان دربا من الخديعة ، و أن الحقيقة بأيدينا ، حتى إذا ما اختلفت الأضواء و الظلال مرةً أخرى صحنا بثقة أن إدراكنا السابق كان كذبا و أن الحقيقة تتبدى جلية لا لبس فيها ؟



لم أكن غالبا من هواة الأعمال التأثيرية .... لكنه فقط ... سحر الحقيقة الذي يقوده الضوء و عينا " مونيه " و شغفه
إنها حقيقة الضوء






* اللوحات و الصورة الأخيرة : منظر لجسر واترلو بلندن


* اللوحات من أعمال الرائد التأثيري " كلود مونيه "


*قام مونيه برسم ما يقرب من ثلاثين لوحة بنفس الطريقة متتبعا تأثير الضوء لكتدرائية روين بفرنسا


Rouen Cathederal

هناك 15 تعليقًا:

صباح الخير يا مصر يقول...

شغف
****
الضوء يجعل ما كان مظلما أو باهتا يتألق ساطعا
و ما كان مضيئا يتحول إلى الظل أو مجاهل اللامبالاة
هذا هو حال الدنيا.....المهم ان نكتشف الاماكن المضيئه للصوره دون ان ننسى اكتشاف المظلم منها
تحياتى

تسـنيم يقول...

روعة ولا تعليق

بنت القمر يقول...

شغوفتي... انتي خسارة في البلد دي.. رغم اني بحبهااوي!!
الاختيار جميل
جبتي الصور دي منين يا كوبه؟؟!!
عجبني ربطك بينها وبين اليشر
تحياتي

محمد صبحى يقول...

بوست هايل بجد

شغف يقول...

صباح الخير يا مصر :
بالظبط

تسنيم :
شكرا و لا تعليق :)


بنت القمر:
البركة في جوجل سيرش
هوه أنا كنت بأدور عليها أصلا عشان أشوف إزاي " مونيه " قدر يرسم نفس المنظر بأكتر من طريقة ، و يا ترى هايقلد نفسه ، و لا هأتكون كل لوحة فيهم خلق بذاته ، و مش خلف ظني فيه :)



محمد صبحي :
شكرا

عين ضيقة يقول...

يجب أن نرى الضوء أولا
لا تلاعباته

بس شكرا كتير لمونييه بجد على المتعة دى لأ على الدهشة دى

واكيد شكرا لاختيارك

ووحشتينى تانى بقى

bassma يقول...

شغف الجميلة .. جميلة جدا كمان .. ما اللي يعمل تدوينة زي دي يمزج فيها بين ضوء التأثيرين الانطباعيين و تداعياتة علي جسر و نفوس بشر و قبل الاتنين انعكاساته علي مساحات اللوان تشوفها عنينا و يحسهاعقلنا ويفكر في تفاصيلها قلبنا .. يبقي اكيد بني ادم جميل .. جميل جدا كمان :)

M.R يقول...

نعمة هي تلك القدرة على الاقتراب أو لابتعاد من الأشياء عموما لإدراك علاقاتها.. ربما ندرك بعض أنفسنا كما يقول النابلسي " أحن إلى ذاتي صباحا و في المساء.. و غاية قصدي في العولم رؤيتي"

و إن كان الضوء يتلاعب و الظلام لا يبين و نحن الحقيقة تبحث عن نفسهافهل من الممكن اللجوء لغير المساحة الرمادية بين الضوء و أثره أو بين الظلام و فعله..

أيا كان... و قد أصبحت ما انا عليه ما زلت لا أعلم هل أحسن من (يقع) على وجه من أوجه الحقيقة أو أتمنى له الرحمة..

تحياتي

شغف يقول...

عين ضيقة :
يجب أن ( يكون عندنا استعداد ) لنرى ( المشهد نفسه بكل حالاته و تحولاته ، جمالياته ونقاط ضعفه ) لا تلاعبات الضوءعليه :)

أما الضوء نفسه ، فبديهي رؤيته
ما يفرق حقا هو ما يمنحه للمنظر ، و تفاعلاته معه

:) اظهري يا بنتي ع الميل قلت لك خلينا نعرف نتكلم بقى




بسمة :
:) يا نهااار !! ايه ده كله ايه ده كله ؟
يا بنتي انتي كده دمرتم تواضعنا
وجودك ذاته هنا مفرحني ، يبقى معاه الكلام الحلو ده كله كمان ؟

شغف يقول...

m.r
و لهذا أحب الفن التشكيلي
لأنه يعلم المرء أن يبادل الابتعاد بالقرب ثم الابتعاد حتى يدرك العلاقات المخبوءة التي تجمع أجزاء اللوحة و تمنحها سحرها
/ ثم لإدراك علاقتها بذلك الذي يحوم حولها لتمنحه بعضا من معرفة بذاته كذلك


كلامك يشي بموقف أخالني أعرفه جيدا
ذلك الذي يدور حول ( الحقيقة ) و يرفض أجزائها المتناثرة في العالم أو ( وقوعا ) في شباكها ، منتظرا ثمة ( تخليصا ) مما ( قد أصبح عليه المرء )

لا أعرف هل أدرك حقا ما (وصلت إليه ) لأني في موقف مشابه ؟ أم أنك تتحدث عن شيء آخر لا أدركه ، و فقط أحاول إيجادا لمن يقع في نفس الورطة / الحرية / الاختيار / المصير

********
المهم
سيبك من خزعبلاتي
فين البلوجين بتوعك ؟ اتقفلوا ليه ؟ و ليه لازم دعوة عشان أشوف حاجة منهم ؟

M.R يقول...

إنك بالفعل تعرفين الموقف.. جدا، هذا إن أمكنني إضافة ( محاولات الهروب الفاشة ) إلى مثلث الحرية / الاختيار / المصير ، لننتقل من الزوايا الحادة إلى أركان أكثر ابتعادا عن بعضها، و أضلاع أربعه تحاول الوصول إلى الشكل الاكمل الخالي من الزوايا.. ربما لتصبح الورطة هي الحقيقة الوحيدة المؤكدة.. ربما

***

مافيش يا ستي صعبان عليا أقفله فقلت أتجاهله لحد ما أنساه و يموت هو لوحده.. و طبعا مافيش حد مدعوا و لا حاجة.. حركة يعني

شغف يقول...

عندما تجد نفسك قد أصبحت فعلا في مثلث : الحرية / الاختيار / المصير ... لربما تحاول هروبا فاشلا جدا للاتجاه العكسي الذي أتيت منه ، و لا فائدة ، فيصعب إغماض عينيك عن ما رأيته واضحا أمامك ، أو عدم المعرفة و التفكير لما قد اجتزت هيكله المقدس بالفعل ، فجرؤت بالتفكير فيه ، و ادراك الخديعة ، ثم ، الكف عن ما كنت تفعل ، أو محاولة التفكير في مما لم تكن تفعله من أجله

كارثة الأشكال الهندسية أنه لابد لها من زوايا حتى لو اختلفت تقديراتها
و كارثتنا أننا نحاول ألا يحتوينا شكل هندسي
أو أن نكون زوايا في شكل أو آخر نوقن بعبثيته

نعم ... الورطة هي الحقيقة الوحيدة

*******************

على فكرة ، بأتضايق جدا من الناس اللي بيحذفوا بلوجاتهم ، أو يقفلوها بأي طريقة

خلاص يعني ، اللي طلع من الواحد طلع في وقته و خلاص
عاوز تهجر البلوج ، فسيبه و تجاهله و اعتبره بقى كيان قائم لوحده منفصل عنك
ما تنزلش جديد يا عم
بس ما تحذفش اللي فات
مش كفاية إن إحنا كبشر مقدر لينا اننا نتحذف ؟ خلي ع الأقل حاجة منا تقول اننا عدينا من هنا
مش هانبقى احنا و الزمن علينا

M.R يقول...

ممكن اصدقك لو قؤلتيلي ليه الناس بتحب تكتب بالرصاص

شغف يقول...

أولاً : عشان الناس مش عندها ثقة كفاية في نفسها إنها تكتب بالجاف على طول
فبتكتب بالرصاص عشان لو غلطت في حاجة تمسحها / لو كلمة أو حرف أو كده
و اللي بيحصل إن لو فيه حاجة غلط فعلا ، فبيستخسروا الكلام اللي اتكتب ، و بيشطبوا عليه شطبه خفيفة و يكملوا كتابة
الحقيقي في الكتابة بالرصاص هوه فكرة إمكانية التراجع نفسها
مش استخدامها
نقطة الثقة اللي بيديها في الكتابة : إنك عندك فرصة للتراجع
مع إن ناس كتيييييييييير جدااا مش بيحاولوا يستخدموا الفرصة دي نفسها
بس كونها موجوده هوه ده الأمان

غير كده بقى
القلم الرصاص أريح جدااا في الكتابة
و مريح نفسيا كمان أكتر من الجاف بلونه المميز
غير إنه مش بيهدل ايد الواحد حبر
و مش بيطفح و يغرق الدنيا

و ممكن تكتب بيه في الفضاء الخارجي كمان :) في حين إن اخفاض الجاذبية بيمنع الحبر من النزول في القلمة الجاف :)


********

إنت كده خلاص مارست راحة فكرة إنك كتبت بالرصاص و إن عندك الامكانية انك تمسح اللي كتبته
بس مش هايجرا حاجة يعني لو سبت الصفحة للذكرى ، و قلبتها و كتبت في صفحة جديدة
ع الأقل في يوم من الأيام هاتقلب في كراستك و تسترجع ذكرى خطك و قلمك الرصاص و تفتكر إن كان ممكن تمسح الكلام ده ، لكنك ترفعت عن كده

AyA يقول...

رائعة

الللوح والتعليق على اللوح رائع