الأربعاء، سبتمبر 23، 2009

ايه بجد ؟

لما كنا بنتمشى ع الكورنيش ف اسكندرية انا و بنت خالتي ، سمعنا مناقشة ساخنة بين اتنين ، و واحد منهم كان بيقول للتاني :
" يا أخي أغرب كلمة ممكن بنت تقولها لولد ..... "
و لاقيتني أنا و بنت خالتي بنقول من غير وعي في نفس واحد و احنا بنبص للبعض : " ايه ؟ "
و طبعا جاوبنا الصمت الرهيب ، لأنهم ما كملوش كلامهم ...
يا ترى سمعونا ؟ و لا احنا اللي فتناهم في مشينا فما سمعناش قالوا ايه ؟

بس فعلا فعلا فضلنا طول الطريق يحرقنا الفضول ناحية اللي الولد ده كان هايقوله ...
و يا تري ايه أغرب حاجة ممكن بنت تقولها لولد ؟
أو العكس ؟

حد عنده رد ؟

هناك 6 تعليقات:

عدى النهار يقول...

وكأن البنات كلهم بنت واحدة والولاد كلهم ولد واحد
!

يوسف يقول...

أغرب كلمة بنت ممكن تقولها لولد هي:




"بخ"!!!

كرانيش يقول...

ههههههههههه
يااااادى الفضول
انا كنت فاكره انى انا بس اللى فضوليه
طلعتى انتى كمان يا ياسمين
بس انتى عارفه ؟
انا لو مكانك كنت رحت سالتهم طبعا
وكانت تبقى دى اغرب حاجه تعملها بنت

syzef يقول...

أغرب كلمة ممكن بنت تقولها لولد

(انت الولد الأول ف حياتي)

والعكس برضه صحيح..وغرابة الكلمة مش ف انها اتقالت علي فكرة..غرابتها ف اننا بنتعمد نصدق أحيانا

تحياتي ياشغف لكِ ولفضولك المميز

غير معرف يقول...

"ما تيجي نتجوز عرفي!"

M.R يقول...

بصراحة لو ينفع أقؤلها هنا كنت قؤلتها