1- أكتب كتيييير ... وأطلع على الأقل سيناريوهين سينما ، وواحد منهم ع الأقل يتم إنتاجه
2- أكتب كتيييير ... أجرب قلمي حتى ف حاجات جديدة ... حاسة بدلوقتي حالا ف اللحظة اللي أنا فيها دي بحالة شره للكتابة .. فربنا يحفظها عليا نعمة ويحفظها من الزوال
3- الكتابة ثم الكتابة .. ثم الكتابة
4- إني أبطل كلام عن الحاجات السلبية ... وأبطل كلام عن أي حد وأي حاجة وحش ... عشان ع الأقل ما ألقطش ...
5- أخلص قراية الكتب اللي عندي وأتخلص من معظمها ومايبقاش عندي غير أربع خمس كتب مثلا واللي همه ممكن أشتغل منهم مستقبلا ف حاجة
6- أخلص الأفلام اللي على اللاب كلها وأحذفها ...
7- أسافر ... ألف مصر السنة دي وأشوف حتت فيها ماشفتهاش قبل كده ... ونخلي أمنية السفر لخارجها للسنة اللي بعد اللي جاية بقى
8- أبدأ أحوش وربنا يكرمني بفلوس كويسة عشان أجيب شقة ف القاهرة بتاعتي .. ولو هيحصل بعد عدد ما من السنين ..
9- مجموعة "لاعزاء" تنزل وأبدأ أعمل أمسيات لقراية شغلي وحفلات مناقشة وكده .. ويكون فيه حاجة تانية بتتكتب عشان تتنشر لاحقا ..
10 - أقابل ناس بتفهم كتيير ويبقى فيه توافق بيني وبينهم .. نحس بخفة وجود بعض ومتعته وقادرين نتكلم ونسمع ونفهم بعض
11- تحديد حاجة خيرة ممكن الواحد يعملها ... والبدء في فعلها خلال 2015 .. حاجة تبقى صادقة ومش مفتعلة وتكون مفيدة للناس .. عشان الواحد يطلع من دايرته الأنانية شوية .. وأعرف أحدد وقت أعمل فيه الحاجة دي ..
ليست هناك تعليقات:
إرسال تعليق