11 سبتمبر 2001
كارثة في عُرف العالم كله
كارثة في عُرف العالم كله
30 سبتمبر 2005
العالم يستنكر حق المسلمين في الغضب من أجل رسولهم / و تكريم فلمنج روز بجائزة " بطل الوعي " لنشره للرسوم
مش تنسوا تشوفوا الست المستفزة دي
هل الدمار و الارهاب ماديان فقط ؟
وجهة النظر الغربية
الفيلم الوثائقي عن الرسول فيلم أمريكي
ردنا العربي
هل حقا مسلسل " سقف العالم " ل نجدت اسماعيل أنزور هو ردٌ على الرسومات المسيئة ؟
هناك 6 تعليقات:
مرحب شغف
كل سنة وانت طيبة ورمضان كريم
سأرد على الجزء الخاص بمسلسل سقف العالم لاني اتابعه
المسلسل رائع جدا حتى الآن
والحقيقة ان الاخوة السوريين ممتازين جدا في المسلسلات التاريخية سواء كتابة او اخراجا وتصويرا
ومتابعة اي عمل تاريخي بإخراج سوري يعد مكسب كبير لاي مشاهد
وارجو الا تعتبريني متعصبة للدراما السورية
فقد تابعت لهم عدة اعمال واثلجت صدري هذه الاعمال صراحة
مسلسل سقف العالم لم ينتهي عرضه حتى نعرف هل هو رد على الرسوم الدينماركية ام لا
ولكن مارأته حتى الآن يتحدث عن رحلات ابن فضلان والفترة التاريخية التي وجد فيها ابن فضلان
وحتى يكون نقدنا موضوعيا للعمل الفني فعلينا ان ننتظر حتى تتظح معالم العمل ولن اقول لننتظر حتى ينتهي ولكن على الاقل حتى تعرض حلقات كثيرة منه
تابعت عدد كبير من الردود على المقال الوارد بموقع العربية وتععجبت من اكثر الردود التي بادرت بالهجوم على العمل ومخرجه رغم ان العمل لم يكن قد بدأ عرضه وقت كتابة هذا المقال
نحن العرب هكذا لانعرف كيف نقدر المبدعين
ونجدت انزور مخرج مبدع ومعروف
ويجب علينا ان نستثمر كل طاقات مبدعينا ونحترمها
ولكن ماحيلتنا ونحن شعوب متخلفة لانستطيع الرد على الاساءات التي توجه لنا الا بالسباب والصريخ
لانعرف كيف نرد رد عملي
لماذا لايتم تحويل هذا العمل لعمل سينمائي كبير يوجه للغرب
ولو ان الغرب يعرفون تاريخنا اكثر منا
وعند انتهاء العمل سيكون لي عودة
تحياتي
سلام عليكم
أحترم غيرتك علي دينك وعصبيتك لأن ليها مبرر قوي
بس شايف بصراحة إن لعبة الرسومات المسيئة والأفلام والإهانات دي بقت مملة
بمعني
المسلمين في عصرنا ده عمرهم ما أتحدوا لأجل التعاون ما بينهم عشان يعيشوا في رخاء ويكونوا أقوياء اقتصادياً
فهل تتخيلي إنك لما تقوليلهم عاقبوا رسام علي رسمة أو كاتب علي كتابة هتلاقي المليار مسلم مقاطعين أمريكا أو الغرب من أول اللبان مروراً بالفياجرا لحد الأسلحة ؟ تقدري نقدر نعمل كده ؟ لأ لأن الأمة دي مخوخة والأمل في اللي جاي
دعواتك بقي
وأعتقد إن حكوماتنا المصونة بتسمح بالهليلة والتداول في المسألة دي كنوع من تشتيت انتباه الناس عن النهب والفساد والتعذيب وكل حاجة بتحصل غلط في حق البلد
ويمكن التوريث كمان
ليه لأ ..فمش عايزين ندي الموضوع أكتر من حقه لأن من أيام الرسول عليه أفضل الصلاة والسلام وفي ناس بتشتم..لو المسلمين أقوياء جوه بلادهم هيعرفوا يفرضوا علي البلد اللي خرجت منها الإهانة إنها تعتذر اعتذار عملي وتدينا فرصة نرد عليه بالحسني وناخد فرصة زي ما عمرو خالد حاول ونشرح الدين ليهم أو علي الأقل نبين ليه دي إهانة وفين الصح وفين الغلط
عمرو خالد لما راح الدانمارك مراحش متنرفز ولا راح ياخد بتار الدين الأسلامي من المعتدين..فإحنا عايزين ناس كده ناس متاخدهاش بالعاطفة ومن الأخر أمة تجبر الأخرين علي احترامها
وللأسف أمتنا لا تجبر حتي جحر نمل علي احترامها
المهم جهدك مشكور وربنا يهدي المسلمين ويصلح الحال
رديت عليكي في تعليقك عند فريكيكو علي فيلم مدينة الملائكة
سلام عليكم
بيلا :
هوه أنا حافظة لساني لحد دلوقتي لأني فعلا مع وجهة نظرك : لازم الواحد ما يحكمش على الشيء و لا يدي رأي فيه إلا بعد الانتهاء منه
و على فكرة أنا م الناس اللي بيحبوا الدراما السورية جدااااا ، خصوصا لقدرة الناس دي على استخراج الجمال من التفاصيل
بالنسبة للردود الموجودة في موقع العربية ، فأنا ما استغربتش قوي ليها لأنها في المقام الأول رد على " كلام " أنزور و افتراضاته النظرية للشغل اللي عامله
بس يمكن استغربت من تنوعها العجيب ، بصرف النظر حتى عن المسلسل
فيه ناس راده بإن العرب مالهمش حضارة أصلا ، و إن أنزور بيحاول ينسب ليهم حاجات مش حقيقية و بيضيع وقته كده
و يمكن نقطتك الأخيرة اللي بتتكلمي فيها هيه أصلا الغرض من اليوتيوبس اللي حاطاها هنا
نقطة ازاي احنا بنتعامل مع مشاكلنا و بنرد عليها ، و ازاي همه بيرموا زهرهم صح
يعني حتى اليوتيوب اللي مُعنوناه " وجهة النظر الغربية " --- حاسة إن اللي عامل اليوتيوب بيتكلم من خلال منطق مرتب و واضح ، و في نفس الوقت عامله بطريقة حلوة جداا قادرة توصل اللي هوه عاوز يقوله من غير كلام كتير
عموما أنا ما أتكلمتش عن المسلسل برضة
أنا بس بأتساءل
و في الآخر نشوف
ضيا :
أنا ما قولتش عقاب و لا يحزنون
و أصلا أصلا
أنا حاسة إن الموضوع خد أكبر من حجمه من ساعة ما طلع
لأن دي هي وجهة نظر ناس كتييييييييير جدااااااااا من زماان في الغرب خصوصا
كل اللي حصل إن وجهة النظر دي انتقلت من صفحات الكتب ، و من الكلام المرسل لرسومات مش أكتر
النقطة هيه نقطة المقارنة بين تصرفاتنا و ردود أفعالنا و طريقتهم همه
أنا ما فكرتش أني أنزل حاجة عن الموضوع ده أصلا غير بعد ما شفت فيلم وثائقي عن أحداث 11 سبتمبر
و شفت ازاي الناس دي قادرة إنها تجذب العالم كله في صفها
و لما شفت الأغنية العجيبة العبيطة دي عن موضوع الاساءة للرسول
و على فكرة بقى
أنا رافضة يمكن تسميتها " إساءة " - كما يتناولها المسلمون - بالظبط زي ما رافضة تسميتها " نقد بناء " - كما يحلو للبعض منهم الترديد
صح لأنها متتسماش ..مجرد هراء
بالعربي كده هجص مش بيودي ولا بيجيب وميردش عليه إلا المسلم اللي راضي عن علاقته بربنا وبالتالي بيوصل لمرحلة إنه يقدر يدافع عن دينه
مش كله يتكلم وبعد كده بنغوص في لعنة الكسل تاني ومنتحركش ولا خطوة غير ربما بعض الخطوات للخلف
المهم أنا مش بنكر اهتمامك أنا بتكلم في المجتمع اللي لفت انتباهه حاجة معرفش يجتمع علي رد ليها ومش هيجتمع إلا لما يجتمعوا علي أخلاقيات ومبادئ تحكمهم الأول
ويجتمعوا علي الخير مش علي مسلسلات رمضان
تحياتي
والسلام ختام
بالظبببببط
إرسال تعليق