لما كنا بنتمشى ع الكورنيش ف اسكندرية انا و بنت خالتي ، سمعنا مناقشة ساخنة بين اتنين ، و واحد منهم كان بيقول للتاني :
" يا أخي أغرب كلمة ممكن بنت تقولها لولد ..... "
و لاقيتني أنا و بنت خالتي بنقول من غير وعي في نفس واحد و احنا بنبص للبعض : " ايه ؟ "
و طبعا جاوبنا الصمت الرهيب ، لأنهم ما كملوش كلامهم ...
يا ترى سمعونا ؟ و لا احنا اللي فتناهم في مشينا فما سمعناش قالوا ايه ؟
بس فعلا فعلا فضلنا طول الطريق يحرقنا الفضول ناحية اللي الولد ده كان هايقوله ...
و يا تري ايه أغرب حاجة ممكن بنت تقولها لولد ؟
أو العكس ؟
حد عنده رد ؟
هناك 6 تعليقات:
وكأن البنات كلهم بنت واحدة والولاد كلهم ولد واحد
!
أغرب كلمة بنت ممكن تقولها لولد هي:
"بخ"!!!
ههههههههههه
يااااادى الفضول
انا كنت فاكره انى انا بس اللى فضوليه
طلعتى انتى كمان يا ياسمين
بس انتى عارفه ؟
انا لو مكانك كنت رحت سالتهم طبعا
وكانت تبقى دى اغرب حاجه تعملها بنت
أغرب كلمة ممكن بنت تقولها لولد
(انت الولد الأول ف حياتي)
والعكس برضه صحيح..وغرابة الكلمة مش ف انها اتقالت علي فكرة..غرابتها ف اننا بنتعمد نصدق أحيانا
تحياتي ياشغف لكِ ولفضولك المميز
"ما تيجي نتجوز عرفي!"
بصراحة لو ينفع أقؤلها هنا كنت قؤلتها
إرسال تعليق