لماذا تحول فعل المقاومة إلى وعظ أو استعطاف ؟

أكثر ما يثير حنقي في الأفلام العربية هو مشاهد الاغتصاب و الاعتداءات

فتجد أن كل ما تفعله الأنثى ( الهدف ) هو أن ( تزق ) المعتدي عليها دفعات واهية بيدها ، أو تصرخ صراخا مكتوما يغري بها المعتدي أكثر و أكثر على ( رقة ) هذا الصراخ و ضعفه

أو تبكي و تسترحم ذلك الذي يعتدي عليها بتذكيره بأخواته ، و الست الحاجة والدته ، و إن حرام عليه ، و ارحم دموع عنيا ، إلخ إلخ !!!!

و كأن كلماتها ( المؤثرة ) ستحيل الوحش إلى أمير نبيل يرجو الصفح من السماء عن مجرد تفكيره في مثل هذه الجريمة الشنعاء !

كل مرة يتحفني الحظ بهذه اللقطات ، إلا و أجد دهشتي و امتعاضي يخرجان على الرغم مني :

" ايه ؟ مش عارفه ( تعضه ) ؟

و الا ( البرستيج ) هايبوظ ؟

مش عارفه ( تخربشه ) ؟

و الا يمكن المونيكير يتبهدل ؟

مش عارفة تقلع الكعب العالي اللي عمال يوقعها ده و تديله بيه ؟؟

مش عارفه تشيل ( المسكنة و قلة الحيلة ) دول من على ملامحها ، و تبص له في تحدي و غضب ؟

مش عارفه تمسك أي حاجة من اللي حواليها دي تخبطه بيها على دماغه ؟ "

يتوالى غيظي و حنقي لأجد أمي أو أختي الصغيرة تذكرني :

" أفلام عربي "

الأضل سبيلا ، هو أحد الأفلام القديمة الذي كان يتناول المقاومة في بورسعيد ، و فيه يهجم الضباط الأجانب على أحد البيوت ، و يقوم أحدهم بإغتصاب البطلة ( كانت سميرة أحمد بيتهيألي ) ، فتعبر مقاومتها الواهية ( اللي هيه عياط و زق ) عن قلة حيلتها و استسلامها ( النفسيان أولاً و قبل كل شيء ) ؛ و بعد أن يتم الاغتصاب ، تقوم ( الهانم ) بقتل نفسها !!!!

طب لما انتي شجاعة كده و مش هامك الموت ، ليه مش قاومتي بعنف ، و خطفتي سلاحه موتيه بيه ، أو عملتي أي منظر يعني ؟

ليه تعاملتي مع الموقف كحتمية ، مش كإحتمال بإيديك إنك تستبعديه حتى لو كانت النتيجة الموت ؟

ده الفيلم عن المقاومة !!!!!!!

مش : إذا كان من الموت بدٌ

فمن العجز أن تموت جبانا ً ؟

و بصراحة أصلا : من العجز أن ( تعيش ) جبانا

لماذا لا يتم مواجهة الانتهاك و القهر و الإهانة و الإذلال

( و لا أقول : الدفاع عن الشرف / لأن الشرف يتم انتهاكه بشكل أعمق و أوسع من مجرد إعتداء فردي ، مع كل فساد يعيث به أحدهم في الأرض كلها و لا يجد من يوقفه )

بصورة أكثر جدية في تلك الأفلام التي ترسخ صورة الضحية التي لا حول لها و لا قوة ، و أقصى ما تستطيع فعله هو أن تقتل نفسها بعد أن يستمتع المعتدي عليها بما أراده منها ؟

الأنكى من هذا ، أن منطق ( الوعظ و الاستعطاف ) مصاحبان دوما لكل ( أصحاب الحق ) / ( الشرفاء ) / ( من لهم قضية يدافعون عنها ) .... فتجد البطل /أو البطلة / يذهب إلى خصمه الشرير ، فيلقى عليه موعظة أخلاقيه عظيمة ، و يحذره ، ثم يتطور هذا ( الحديث الودي ) بين الخير و الشر إلى تهديد من البطل بأنه سيفعل كذا و كذا و كذا ، الذي يستغله الخصم أفضل استغلال فيأخذ حذره و احتياطاته ، بل ؛ و يستطيع تدبير فخ معاكس للبطل !!!!

هل فعل ( مقاومة الشر ) عبارة عن خطب وعظية ، أو كلام منمق عن الشرف و الخير و الضمير ؟

أين التفكير و التخطيط ؟

أين الفعل ؟

هل اقتصرت نبضات الفعل في أفلامنا على الكلام فقط ؟

بل ؛ هل اقتصرت نبضاته في حياتنا نفسها إلى الكلام الثوري / و بالأحرى ( الولولة ) / على كل شيء دونما أي نية حقيقية لأي فعل حقيقي ؟

--------------------------------

تحديث :

الفيلم العربي سالف الذكر كان فيلم " بورسعيد " ، و كانت الممثلة هي " زهرة العلا " و ليست " سميرة أحمد "

شكرا ل " يحيى المصري " لتصحيح المعلومة

اقتناصٌ ليلي

انتفضتُ من مكاني بسرعة

وقعت أشيائي على الأرض ، فلم أهتم ... هرولت لأغلق النور ، و فتحت الشباك على مصراعيه

كنّ ثلاثة تقفزن و تدُرن و تصحن بنشوة :

" الدنيا بتمطر ، و عزيزة بتنشر "

مددتُ ذراعيّ بأقصى ما أستطيع ... كان المطر يتساقط حقا بغزارة تناقض ذلك الهواء الكسول الذي لا يستطيع مداراةً لرائحته الصيفية

جعلت المطر يصافح وجهي و شعري ، و لم أبالي بدخوله الغرفة أو تسلله إلى السرير

مرّ نظر إحداهن بي ، انتبهت لوجودي فابتسَمَتْ خَجِلة ، لكنها لم تكف مع زميلتيها قفزا و دورانا و رقصا بطريقتهن الخاصة :

" الدنيا بتمطر ، و عزيزة بتنشر "

قاومتُ رغبتي في الابتسام لها .... ركزتُ في عينيها أكثر ... و أكثر ... ثم ، في روحها أكثر و أكثر

و حدث ما أردت

تركتها ذاهلة ً على إبتسامتها و هي تنظر لي من الشباك ، بينما أقذف بـ ( شبشبها ) الصغير من قدمي ، أمتع قدميَّ بملمس التراب المبلول ، أهز شعري يمنة و يسارا متدللة ً على المطر الذي يداعب رأسي ... أقفز و أدور و أرقص رقصتي الخاصة ، و أنا أصيح بأعلى صوتي مع زميلتيها :

" الدنيا بتمطر ، و عزيزة بتنشر "

Non ti Muovere

*" قالوا لي : هان الود عليه

و نسيك و فات قلبك وحداني

رديت و قلت : بتشمتوا ليه ؟

هوه افتكرني عشان ينساني ؟ "

أتغنى لذلك الذي لم يأت بعد ... فأعتب و هو بعد لا يعرفني

**" لمحة النور بتظهر في الطريق ، ليه ما بتاخدش بإيدينا ؟ "

تتراءى على البعد إشارات و لمحات قدرية تمنحني فرحا ً و أمنا ً
تقترب خطوة
خطوة واحدة فقط
فأجفل ... أبدد فرحي عن عمد ، و أضع تابوها مقدسا اسمه " الافتعال " أحذر من الخطو إلى دائرته

أحذر من شجرة " مالم يأت بعد " المحرمة ، أهادن زمني ، و أقصر يدي عن ثمرة شهية لم يتضح بعد أحقيتي بها ، أو أوان الاقتراب

***" أقع في خطأ إيقاعي : فأحول ما يتردد في خلفية عقلي و مشاعري من لحن ٍ مصاحب إلى لحنٍ أساسي في غير التوقت السليم لذلك "

أتأمل ذاتي : لي مدة طويلة كذلك اختزلتني إلى لحنٍ بعيد مصاحب للحن ٍ أساسي سمج
لي زمنٌ بعيد و قد استبدلت النغمات و الإيقاعات ، و عبثتُ في اللحن عبثا خربه
فأحاول تقوقعا لأعاود لملمة ما هرب مني ، أحاول صمتاً لأعاود عزف لحن أكثر رقيا من لحنٍ سيطرت عليه البدائية و العشوائية و الاستسلام

***************************************

العنوان

Non ti Muovere
اسم فيلم إخراج " سيرجيو كاستيليتو " / تمثيله مع " بينولب كروز "
* أغنية " محمد عبد الوهاب " ، ألحانه طبعا ، كلمات " أحمد رامي "
** أحد تساؤلات المذيعة " سوزان حسن " تعليقا على رواية " الطريق " ل نجيب محفوظ / صوت العرب / برنامج " بين الحقيقة و الخيال "
*** من مذكراتي الخاصة

كان لابد أن تقترب من الضوء

قالت لي إحدى زميلاتي يوما أن من يرسم منظرا يجب أن يكون محبا ً للمنظر في ذاته ، لا لتلاعبات الضوء عليه

ستة عشرة لوحة
فنانٌ واحد

منظرٌ واحد محدد

و بداية اكتشاف لحقيقة فنية جديدة ليست في النسب أو التكوين ، بل : فقط ... الضوء

الضوء ...
هو حقيقة الألوان
مرحى عزيزي " نيوتن "

جذبني شغف " مونيه " بتتبع خيوط الحقيقة
ليؤكد جانب آخر من جوانبها

فهاهي حقيقة فنية أخرى تتبدى : حقيقة ضوئية

و مدرسة تتقدم مدارس الفن الحديث و تبدأها

أحاول تطبيقا

:

يجب أن نرى أنفسنا على حقيقتها ، لا تلاعبات الضوء عليها



يجب أن نرى أحبائنا كما هم ، لا تلاعبات الضوء عليهم

يجب أن نرى ظروفنا و حياتنا كما هم ، لا تلاعبات الضوء عليهم

الشمس تدور
و معها يتغير موقع الإضاءة و شدتها
الضوء يجعل ما كان مظلما أو باهتا يتألق ساطعا

و ما كان مضيئا يتحول إلى الظل أو مجاهل اللامبالاة

ما تداخلت فيه الظلال و الأضواء في غموض ساحر ، و سكرة آسرة إلى ظلٍ واضح ، أو ضوءٍ عادي مباشر

و ما منحه الضوء لونا ذهبيا إلى لون فضي

أهذا ما نسميه : تجربة ً و تعلماً و فهما و إدراكا لما يمر بنا في الحياة ؟

فقط ، عندما يكشف الضوء عن جزءٍ آخر من الحقيقة الحياتية ليضعها تحت أبصارنا واضحة ً لا لبس فيها ؟

بل ، هل نتعلم الدرس فنعلم أنها مخاتلات الضوء لا أكثر ؟

أم نتمسك بأننا توصلنا للحقيقة النهائية بعد طول ضلال ؟

أن كل ما مضى كان دربا من الخديعة ، و أن الحقيقة بأيدينا ، حتى إذا ما اختلفت الأضواء و الظلال مرةً أخرى صحنا بثقة أن إدراكنا السابق كان كذبا و أن الحقيقة تتبدى جلية لا لبس فيها ؟

لم أكن غالبا من هواة الأعمال التأثيرية .... لكنه فقط ... سحر الحقيقة الذي يقوده الضوء و عينا " مونيه " و شغفه
إنها حقيقة الضوء

* اللوحات و الصورة الأخيرة : منظر لجسر واترلو بلندن

* اللوحات من أعمال الرائد التأثيري " كلود مونيه "

*قام مونيه برسم ما يقرب من ثلاثين لوحة بنفس الطريقة متتبعا تأثير الضوء لكتدرائية روين بفرنسا

Rouen Cathederal

Few steps up

I don't like forwarded messages, that's true, but I have recieved a nice one . I admired some specific points in it which I do agree with greatelly. Without much speech, here they are:

*

When you realize you've made a mistake, take immediate steps to correct

it

*

When you lose, don't lose the lesson

*

Remember that great love and great achievements involve great risk

*

When someone asks you a question you don't want to answer,smile and ask, 'Why do you want to know

*

Love deeply and passionately. You might get hurt but it's the only way to live life completely.

*

Smile when picking up the phone. The caller will hear it in your voice

*

When you say, 'I'm sorry,' look the person in the eye.

*

When you say, 'I love you ,' mean it

( Actually I don't prefer words to convey feelings, I may re-write the sentence as follows:

When you love, mean it )

مبرر جيد لوجود الجحيم

أتكلم بيقين ،
كمن سقط سقطته الأخيرة :
كلنا سفلة
و هو يعلم ذلك تماما
يمرر أصابعه في قلوبنا
و يثبت الدناءة
فيزهو
ما أكرم الصراصير
تلتصق بالحذاء
مرة واحدة و تموت
- إلى عبثٍ ، مادام في العالم خيرون

مقطع من قصيدة " يتشظى " -- مصطفى عبادة / أحد أعداد مجلة الثقافة الجديدة

أهم مما قد مضى

- " ما هو أفضل يوم في حياتك ؟ "
ترددتُ كثيرا أمام السؤال ، و بعد تفكير عميق اهتديتُ لإجابتي :
( أفضل يوم في حياتي لم يأت بعد )
و كنت مسرورة بها
لكني الآن أدرك شيئا آخر
--------------------
" إزيك يا " مِس " ؟ "
سلمت عليّ و قبلتني بود ، بينما فضحت عيناي عدم تذكري لها ، فردت :
" كنتي بتراقبي علينا إمبارح ، و شديتي اللجنة ، و سحبتي ورقتي ، و مش خليتي حد يغش "
تذكرتُ كل شيء دفعة واحدة ، فاسترسلتُ معها في ذكر بعض التفاصيل
" ماتغشيش تاني "
ابتسمتُ لها بجملتي الساذجة تلك التي لا محل لها في آخر يوم بالامتحانات
بعدما ذهبتْ ، ندمتُ أني لم أقل لها أنها فتاة جيدة و تستحق ما هو أفضل من الانتظار في ذيل القائمة ، و أنها يمكنها أن تكون علامة مهمة في هذه الحياة .. فقط لو حاولت ، و أنها يجب أن تكون أكثر ثقة في نفسها و عقلها و قدرتها على الفهم ، و أن .........
ثقل الندم عليّ ، فألقيته تحت أقرب سيارة مسرعة ، و تذكرتُ فقط أني ابتسمتُ لها

*****************

ابتسامةُ عينيه تصافحت و ابتسامة عينيّ ... ابتسمتُ له ، فرد الابتسامة بأحسن منها ثم نظر للآرض مدخرا نشوته في حصالة عمره الصغيرة بينما أسرعت أمه و صديقتها الخطى جاذبة إياه من محاذاتي
أما نشوتي فأخذتُ في توزيعها من جديد على أطفال آخرين تختبيء الابتسامات بأرواحهم كي تطل من أعينهم

*****************

" شاب مرح و خدوم و أخلاقه كويسة قوي و بيساعد الناس كلها ، فضلت أدعي له هوه و اللي زيه "
" مش كل الشباب بالصورة السيئة اللي بنشوفها ، فيه منهم كتير شباب صالح و بيتحمل المسؤلية "
" الدنيا لسه بخير "
كانا يتبادلان الرضى ورائي ، بينما أعطيتُ الفتاة إلى جواري قطعتها الفضية التي أصرت على منحها لي ، كي لا يأخذ ( الكمسري ) النقود دون إعطائي الباقي
" يا بنتي هآخد الفكة اللي انتي دفعتيها ، و أدفع الصحيح اللي معايا ، و كده يبقى كل واحد خد حقه "
تنازلت قليلا عن إصرارها
" متشكرة قوي ..... مع السلامة "
اتحدت الابتسامتان و أنا أودعها و أنزل من الميكروباص

**************

- " ألو ؟! "
" مين معايا ؟!"

رقمٌ غريب ، إضافة إلى عدم مهارتي في تمييز الأصوات عند البدء ، أُضيف إليهما شعوري بشيء من توتر و حذر يبدوان بوضوح على ملامح الصوت
" من يومين جاتلي رسالة م الرقم ده "
" رسالة ؟! رسالة إيه ؟ "
" رسالة لطيفة الصراحة : ( يملى أيامك فرح ) "
تذكرتُ :
" آه ... آسفة جدا ... بعت فعلا الرسالة دي لواحدة صاحبتي ، يمكن غلطة في الرقم و لا حاجة "
....
ثم
" عموما مادام جاتلك ، يبقى اعتبريها كانت مبعوتة علشانك "
بعدما فتشتُ أرجاء الموبايل بدقة لأكتشف عدم ورود رسالة منه إلى ذاك الرقم ، إضافة لبعد تركيبته تماما عن تركيبة كل الأرقام الموجودة على الموبايل ، أمّنَتْ أمي على كلامي :
" تبقى الرسالة مبعوتالها فعلا ... ربنا عاوز يقولها كده دلوقتي ، و انتي سبب "
فكرتُ قليلا :
( هذا يومٌ صحو لانتقال الاشارات ، لعل القدر سعيدٌ اليوم فقرر توزيع حلواه و ابتساماته على الجميع )
( هذا أفضل كثيرا ً ) ... همستُ له

************

( ما هو أفضل يوم في حياتك ؟ )
سأحرص على أن تكون إجابتي واحدة دوما :
أهم مما قد مضى .. هو اليوم ... لا ما سوف يأتي
أفضل يوم في حياتي هو اليوم
فهذا ما أملكه ، و ما يمكنني فعلا الامتنان له إذا ما أردتُ ذلك

2) النزول إلى الأرض

نظرة فابتسامة ثم إعجاب

ثم همسة حلوة و غزل جذاب

ثم نار غيرة و حرقة أعصاب

و مشاكل تحرق اليابس و الأخضر

!!!!

في أوقات عقلانيتي الشديدة كنتُ أتغنى بإنطلاق مع " الساهر " بهذه الأغنية المرحة التي لا تعني بكلماتها الماكرة خفيفة الظل ، و لحنها السريع المتحرر سوى تحرر صاحبها تماما من ذلك الداء ، و رثاؤه المستعلي على غيره ( المساكين ) ممن يحملونه : داء الحب !!!

قديما كنتُ أغني معه ، و أنا أعتقد أن ( الناس ) لا تحب بإخلاص ربما ، أو أنهم يحبون ( معايشة الدور ) لا أكثر ، أو أنهم لا يحبون بالطريقة السليمة التي ( بالتأكيد ) سأحاول الوصول إليها عندما أحب !

أما الآن ، فإذا غنيت معه ، فأغني و أنا أكثر فهما و تعاطفا ، فلقد أدركتُ أن ( الدور ) كبير حقا و صعب و معقد ، و لن يستطيع إتقانه أي شخص

!

--------------------

عندما اقتربتُ قليلا منه فيما مضى / الحب/ ، وجدتُ شيئا آخر تماما غير ذلك الذي تتحدث الأغاني و الأفلام و المسلسلات عنه

وجدتُ شيئا أعمق و أكثر أهمية في الواقع

و هو ما جعلني - قريبا - أتفهم تلك المكانة التي نوجهها كجنس بشري نحو هذه المشاعر حتى و إن بدونا ظاهريا عقلانيين أو متحفظين بشأنها

ذلك الشيء هو تلك " الحساسية" لتي يكسبنا إياها الحب

فالحب هو العلامة التي تقول لنا أننا نستحق ، و أننا جديرون حقا بلفت الانتباه ، و بالحياة ، لأن هناك من أحبنا بالفعل ؛ إذن فهناك ما يقول لنا أننا جيدين ، بل ، و مميزين

و من ناحية أخرى ، فالحب هو تلك المرآة التي نرى فيها ذاتنا ، و تعكس لنا عيوبنا و نقائصنا

فترى صورة ذاتك في أي كلمة أو تصرف يصدرهما الطرف الآخر ، فتشعر بالسعادة حينا ، و بالكآبة و الوحدة و الرفض أحيانا أخرى

و ذلك التصرف أو الكلمة - البسيطين جدا - يبدأن ببساطة في إستدعاء تلك المشاعر و الخبرات التي صاحبتك منذ الطفولة

فكلمة لوم أو انتقاد واحدة تستدعي الخبرات المشابهه المخزونة لتعضدها في منح الشعور بالرفض و الاستياء

التوقف عن إبداء الاهتمام ، أو عن المشاركة ، و لو لوقت ما ، يستدعيان كل المواقف المشابهه التي شعر المرء فيها من قبل بالهجر و عدم الأمان

و كأن كلٌ منا يأخذه شريكه دون أن يدري إلى تلك اللحظة التي كان متروكا فيها تحت المنضدة يبكي دون أن يهتم أحد به أو يعيره انتباها

أو إلى تلك اللحظة التي شعر فيها بالإهانة و الضعف و قلة الحيلة عندما تحلق بعض الصبية حوله و أوسعوه ضربا

و بالتالي ، يعني هذا تقويض ذلك الشعور الرائع الذي يمنحه إيانا الحب عند بدايته : أننا نستحق !

و هذا بدوره قد يدفع المرء إلى سلوك عدواني غير مبرر تجاه الطرف الآخر ليسحب منه هو أيضا الشعور بالأمن و الاستحقاق

و ندور في حلقة مغلقة .... و

( حرقة أعصاب و مشاكل تحرق اليابس و الأخضر )

******************

المشهدين

من فيلم
The Eternal Sunshine of the Spotless Mind

1) الخروج من الجنة

و أنا أكتب البوست الماضي ، خطر بذهني أن المرء يلف و يدور كثيرا ثم يعود إلى نفس النقطة من جديد : الحب و العلاقة مع الجنس الآخر ! و هو نفس ما كان يستهجنه المرء من قبل فيما يخص الأغاني و الأفلام التي تتخذ من هذا الموضوع ذاته محوراً أساسيا و وحيدا في أغلب الأوقات


ليست المسألة مسألة منتجي الخطاب الإعلامي الذي يرتقي في أحيان قليلة ليتحول إلى خطاب فني حقيقي ؛ بل في مستقبلي هذا الخطاب أنفسهم / نحن


و تساءلتُ : لماذا ؟


لماذا تروقنا قصص الحب أكثر من غيرها ؟


لماذا يجذبنا الحديث عن الحب أكثر من غيره ؟


و لماذا يُعد الحدث الأسمى و الأكثر تميزا في حياة المرء ، و ما يمكن أن يعده بسعادة متفردة هو أن يحب ؟


ثم


لماذا تتغنى " شادية "


" مين السبب في الحب ، القلب و لاّ العين "


ثم لا يكلف أحدهم نفسه عناء الإيضاح لنا :


" مين السبب في إنتهاء القصة ، و تجرع خيبة الأمل ، و من ثَم فقدان الثقة في الذات و في معنى الحب نفسه ؟ "





لماذا يردد " أحمد السقا " كلامه في الفيلم / و نردد من ورائه / عن تفرد أول حب ، أول كلمة " بحبك " ، أول لمسة ، أول قبلة


و لا يتحدث أحد عن أول جرح ، أول صدمة ، أول سوء تفاهم ، أول شعور بالرفض و الهزيمة ؟


و لماذا يعتقد الجميع أن ( أعداء النجاح العاطفي ) لابد أن يكونوا عبيدا للظروف و لتقلبات الزمان ، سواءا كانت العائلية على غرار " روميو و جولييت " ، أو القَبَلية على غرار " مجنون ليلى " أو المادية و الاقتصادية و الوضع الاجتماعي ، كالأميرة و ابن الجنايني ؟





*******************************************


* عنوان البوست اسم مسرحية ل " توفيق الحكيم "

شيء مفقود 9)

انا بجد الفترة الاخيره كنت بحاول احافظ على هدوئى اكتر وقت ممكن
بس المشكله ان اخواتى برضو بيستخفو بيه
اخر موقف باه حصل واللى تقريبا هد كل اللى عملته
مع انى من جوايا حاسه انى يعنى ممكن اكمل
نفسى اكسب اللى حواليه مكونش شخصيه منفره
اللى حصل ان اختى فى ورق ليها ضاع كان فى شنطه انا اخدتها معايا ا
وشلت الورق حطيته على مكتبى ونزلت لانى كنت مستعجله فماما شالت الورق حطته فى درجى
اختى باه مش لاقيه الورق فضلت تزعق وتشتمنى
وكمان ماما عايزانى ادورلها على الورق
قلت لها لما تتكلم معايا كويس هقوم
لقيت ماما بتزعقلى هى كمان وعايزانى اقوم ادور على الورق
اتنزرفزت منهم وعليت صوتى عليهم فجه بابا وطبعا سامع الزعيق من بره وهو مبيحبش الصوت العالى
فى الوقت ده
اختى لقت الورق وبرضو لسه بتزعق
بابا سالنى فى ايه قلتله
كعاده بابا انه بيرمى اى غلط على ماما واى مسئوليه وهو طبعا لا فضل يزعق لماما ويتخانق معاها
وكمان عايز يمد ايده عليها طبعا مش قادرة انسى نظرة ماما ليه انى انا السبب
مع ان ماما بجد كانت مع اختى عليا باسلوب مبالغ فيه نزفزنى وطبعا انا رحت لبابا
وقلت له انت كده محلتش المشكله وطبعا زعل منى ومبيكلمنيش دلوقتى
بجد انا مش عارفه اعمل ايه عندى اراده بجد انى ابقى احسن
انا الفتره اللى فاتت كنت كويسه جدا وكمان كالعاده بعمل مصالح اخواتى واجيبلهم اللى عايزينه من مصروفى
بس فوجئت باختى اول طلب اطلبه منها تقوللى لا
عايزة تاخد ومتديش وكان ده الطبيعى او انا اقل من انهم يحترمونى
وسلااااااااااااااااااااااااااااااااااااااااااااام

إمضاء

(ن)

******************************

العزيزة (ن) :

أولا : مافيش حاجة بتتصلح بين يوم و ليلة
و طبيعي يبقى فيه انتكاسات و صعوبات من فترة للتانية

ثانيا :
احنا كده هاندخل على محور والدك و والدتك عشان نبدأ نحل فيه هوه كمان
لازم تحطي في إعتبارك نقطة مهمة جدا :
من أهم الخطوات / بعد تحديد المشكلة / إنك تبطلي تلومي اللي حواليكي و ظروفك اللي فاتت
/ مهما كانت و مهما كانوا /
و إنك تعتمدي على نفسك في الحل ، و ما تنتظريش مساعدة من حد
يبقى لازم : نفهم --نتفهم ، و يمكن نتعاطف --- نقرر واقع --- بعدين نتعامل معاه زي ما هو
يعني
فيه نظرية بتقول بإن القهر نوع من التسلسل اللي بيمارسه من هو أقوى مع اللي تحته مباشرة
يعني مثلا
رئيس العمل يقهر الموظف اللي تحتيه ، فالموظف ده يقهر زوجته ، فالزوجة تمارس القهر و الضغط ده على ابنها الكبير مثلا ،
فالابن يمارس ده مع أخوه الأصغر اللي بدوره ممكن يطلع ده في صورة عدوانية تجاه حد من زمايله مثلا ، أو تجاه كلب أو قطة حتى
و هكذا -----
و بما إن والدك بيحمل والدتك عادة مسؤلية أي حاجة - مهما كانت - بتحصل في البيت ، و يعمل مشاكل معاها عليها
فطبيعي إنها تمارس ده اتجاهك و تيجي مع أي حاجة و أي حد عليكي

والدك م النوع اللي شايف إن الست هيه اللي بتبقى مسؤلة عن اللي جوه ، في حين إن مسؤليته هوه بتتركز ع اللي برة
و شايف إن دورها إنها تحافظ على بيت جوه هادي ، و أولاد متربيين كويس ، و إنها تعرف تحل مشاكلهم بهدوء
والدك شايف إن والدتك سلبية و بيعمل مشكلة معاها على ده / و عنده حق جزئيا / و طبعا ما حاولش يحل المشكلة اللي بينكم
لأنه شايف إن مش دي مسؤليته إنه يحلها
و كل اللي بيعمله إنه بيعنف اللي شايف إنه مسؤل عن الإشراف عليها / مش أكتر / اللي هيه والدتك
والدتك سلبية ، و بترمي عليكي الأخطاء أكتر م اللازم
و بتعقد المشكلة ما بتحلهاش
ده صحيح
و والدك هوه كمان بيعقد المشكلة أكتر و بيعمل مشكلة تانية عليها كمان
ده صحيح برضة
ماحدش فيهم قادر يحتوي أو يفهم أو يقرب
ده كمان صحيح
عذرهم الوحيد يمكن هوه سلسلة من المشاكل اللي بينهم الموجودة من قبل ما تتولدي انتي نفسك
و عدم تفاهم و قرب ما بينهم
و أكيد أكيد ، ماحدش منهم حاسس إنه مرتاح أو مبسوط في حياته ، و عشان كده ده كله بينعكس عليكم في الآخر
----------------------------------------------
أعتقد يعني إن تكوين أسرة ، و إن الواحد يبقى عنده زوجة كويسة مرتاح معاها ،
و أولاد كويسين مريحينه و مقدرينه حلم أي واحد
و برضة أي واحدة بيبقى حلمها إنها تلاقي الزوج الطيب الحنين اللي يساندها و يبقى ضهرها وقت المشاكل أو الأزمات
تخيلي بقى لما أهم حلم عند أي واحد و أي واحدة بيتهد يوم ورا التاني قدام عينيهم
/ بالتأكيد همه سبب رئيسي في ده /
بس برضة ما يمنعش إنك تخرجي من دايرة مشكلتك الشخصية و تبصي على أزمتهم همه اللي أكبر بكتييير من مشكلتك
إنتي لسه صغيرة ، و لسه قدامك حياتك اللي تكونيها ، و عندك إدراك نوعا بمشاكلك و بتسعي إنك تحليها ،
و إن شاء الله هاتتحل و هاتبقي أحسن
لكن همه ؟
اللي جاي من عمرهم مش قد اللي راح
و اللي راح راح في مشاكل و عدم راحة و تكسير للحلم / أو أحلام عدت و ما قدروش يوصلولها /

-----------------------------------------------------
عاوزين نتفق تاني إن دي حياتك انتي اللي عاوزة تغيريها بصرف النظر عن أي سلوكيات أو محبطات حواليكي
ده تحديكي إنتي
و دي مسؤليتك انتي الشخصية
و بالتجربة عرفتي إن لا والدك و لا والدتك ممكن إنهم يحلوا مشكلة أو إنهم يتعاملوا بشكل ايجابي
يبقى خلاص نتعامل مع الواقع ده زي ما هو
يبقى ما تدخليش حد منهم في مشكلة بينك و بين اخواتك
و ما تنتظريش منهم حل أو مساندة
انتظري من نفسك بس إنها تبقى أقوى و أحسن و أكثر صبر و حكمة
و يمكن بالعكس كمان ، انتي اللي تحاولي تساعديهم بعد كده
قومي صالحي والدك ، و قوليله انك مقدرة انه كان جاي في صفك لما عمل مشكلة مع مامتك
و إنك كنتي متضايقة م الموقف اللي انتي كنتي فيه و عشان كده قولتيله كلام مالوش لازمة
و لما يهدى و يصفى ناحيتك
خديه في صفك ، و قوليله إنك مش عاوزة تشتكي حد منهم دلوقتي في المشكلة اللي عدت
لكنك عاوزاه يساعدك إزاي تتعاملي مع أختك كويس ،
و إزاي كان ممكن ليكي إنك تعدي الموقف ده من غير ما يتحول لمشكلة زي ما حصل
على فكرة هايقدر منك جدااا إنك جيتي تسأليه و تستشريه
/ و حطي في إعتبارك كويس إنك مش بتسأليه عشان تحلي المشكلة اللي بينك و بين أختك في المقام الأول ،
لكن بتسأليه بغرض واحد محدد : هوه انك تقربي منه ،
و تحسسيه إنك مقدراه و محتجاله ،
و في نفس الوقت إنك عندك رغبة حقيقية في القرب و الحل ، مش في عمل مشكلات /
و لو لاقيتيه بقى كويس معاكي
قوليله إن مامتك طيبة و حرام يفضلوا عاملين مشاكل مع بعض
و افضلي كلميه بذوق و اتحايلي عليه عشان يقوم يصالحها ، و يخليها تصالحك هيه كمان
-------------------------------------------------

بالنسبة لأخوكي ، أنا بعت لك الرد المرة اللي فاتت
جربي اللي قولتهولك ، و بعد كده ابقى قوليلي ايه النتيجة
-----------------------------------------------------
أما بالنسبة لأختك بقى
فاللي حصل يا ن هوه إنك بعد ما بدأتي تكوني فعل بذاتك ، رجعتي تاني عشان تكوني رد فعل للي حواليكي
لاقيتيها بتشتم و تزعق
رحتي عاملة زيها
و زعقتي ، و رفضتي تساعديها في التدوير ع الورق
و بقت هيه أقوى منك
لأنها قدرت تأثر عليكي و تخليكي مجرد رد فعل ليها
مساوي في ( السوء ) ، و مضاد في الاتجاه
طب كان ممكن تعملي ايه ؟
بصي هوه فيه حلين :
واحد منهم مثالي شوية ،
و هوه انك كنتي تقومي تدوريلها ع الورق و انتي ساكتة من غير ما تردي بو لا كلمة ،
و تقوليلها انك مش غلطانة في حاجة و مع ذلك دورتي ع الورق و استحملتي شتيميتها عشان إنتو اخوات
و التاني بقى كان ممكن يرد لك حقك في الشتيمة اللي اتشتمتيها دي ، و يحسسها بغلطها ، و يشتمها بالذوق ،
كان ممكن تدوري معاها ع الورق و تديهولها
و تقوليلها أنا مش هارد عليكي عشان مش من مستوايا إني أتكلم بالأسلوب ده و لا أستخدم الألفاظ دي
و بس
الجملة دي على فكرة هأترد لك اعتبارك جدااا و هاتوقفها عند حدها
و في نفس الوقت مش هأتخليكي جواب شرط لسلوكياتها
: لو اتكلمت عدل ، هاساعدها / لو فضلت كده ، مش هأساعدها
لأ ---- حاولي تفصلي بين ده و ده
-----------------------------------------------------

بالنسبة بقى لكونك بتلبي طلبات اخواتك من مصروفك ، و أختك رفضت انها تعمل طلب طلبتيه
فعاوزين في البداية نفرق بين حاجتين مهمتين جدااا :
فيه فرق بين هدية تجيبيها لحد عشان تقوليله من خلالها إنك راغبة في إنكم تبدأوا علاقتكم بصورة طيبة فيها ود
و إن الهدية دي محبة منك للشخص ده
و فرق بين إنك تشتري طاعة أو رضا حد بالهدايا ، و تتقي شره و تخضعيله بيها
في الحالة الأولانية إنتي قوية و بتمارسي إرادتك الحرة في سلوك إيجابي
في الحالة التانية بتبقى ضعيفة ، و معتمدة على هداياكي إنها تشتريلك ود اللي حواليكي

أنا لما قلت لك هاتي هدايا لاخواتك ، قلت لك كده على أساس إنها بداية كويسة تبدأوا بيها من تاني مع بعض
لكن مش معنى كده إن أي حاجة يطلبوها منك تنفذيها
من حقك تقولي لأ ع الحاجة اللي شايفة إنك مش هاتقدري أو مش عاوزة تعمليها
دي نقطة

النقطة التانية بقى ، إن مش عشان أختك قالت لك في أول طلب طلبتيه لأ ، يبقى خلاص الدنيا خربت
لاحظي إنها ما اتعودتش على ده قبل كده
و فيه حاجات ممكن تيجي ع المدى البعيد
لو طلبتي منها حاجة و مش رضيت تعملها ، التمسيلها العذر إنها مش فاضية أو مش قادرة تعملها
لكن برضة واصلي
و من حين للتاني اطلبي منها بذوق تعمل لك حاجة أو تجيبلك حاجة
و لو مش رضيت اصبري عليها
و لو هيه طلبت منك حاجة كان في مقدرتك تعمليها اعمليها
و مش دايما تنفذي اللي بتطلبه هيه ، و لا ترفضي باستمرار برضة
و وقت ما ترفضي حاولي تحطي سبب
آسفة مش هاقدر أعملك كذا عشان كذا :
و لما هيه تيجي ترفض تعمل لك حاجة طلبتيها منها ، اسأليها
ليه ؟ انتي مشغولة ؟
- كمثال -
و لو قالت لك آه
اقبلي برحابة صدر و قوليلها خلاص مش مشكلة دلوقتي
شوية عن شوية ، هاتلاقيها ابتدت تقدرك ، و تتعامل معاكي أحسن
شوفي كده و قوليلي ايه اللي حصل
-----------------------------------------------
فاكرة يا ن حكاية السلحفة اللي كسبت الأرنب في السبق ؟
كسبته عشان عارفة إن المشوار طويل ، و إن مش نطتين تلاتة هاتبقى عند النهاية
لأ --- لازم تتبع الخطوة بالخطوة و تصر على خطوتها البطيئة الصغيرة
لحد ما تلاقي نفسها في الآخر عند النهاية هيه اللي كسبانة
و المشكلة بقى إن بإيدك تبقى الأرنب الخسران ، و بإيدك تبقى السلحفة الكسبانة
لأن الأزمة إن القفزات العالية ممكنة بس في حالات الضيق و الغضب و الهدم
لكن البنا محتاج صبر السلحفة
و انتي عاوزة تبني مش تهدمي
--------------------------------------------
و بما انك بتحبي كاظم بقى
ففاكرة أغنية اختاري ؟
بيقول فيها
و طوييييييييييييييييل جدااااااااااااا مشواري
:)
خليكي كاظمية و حطي ده في إعتبارك كويس جدا
و ما تستعجليش النتايج
و روقي كده
****************************

لو عندك مشكلة أرسلها إلى

shaghafon@yahoo.com

أو اتركها بالتعليقات

Message in a Bottle

ليس عنوان فيلم فحسب ، بل طقسا ً مارسناه منذ بضعة أشهر
كانت هي صاحبة الفكرة ، و تحمسنا جدا لها
" لن أكتب عن رسائلنا التي قذفنا بها للبحر "
تتبعنا النَهي الخفي المصاحب لنفي " لن " ، و لم تكتب إحدانا
أمام البحر ... جلسنا نكتب
لم أدر تحديدا ما الذي ينبغي عليّ كتابته ، فروح الكتابة لم تكن معي هناك
و لم أدر تحديدا إلى من أكتب ؟ هل لمن يمكنه أن يجد رسالتي بعد وقتٍ قصر أو طال في أي مكان ؟
لحبيبي الغائب الذي لا أدري له على وجه اليقين اسما و لا ملامحا ؟
للبحر ؟
لمرافيء الموانئ البعيدة - كبطلة الفيلم ؟
لله ؟
للكون ؟
كان صوت " إيديث بياف " في أذني المصاحب للموج الذي يرسل بتحياته المائية المتناثرة ، و رائحة الحرية المنبعثة منه إلى وجهي ، و جلوس ثلاثتنا على الكورنيش بزجاجاتٍ فارغة إلى جوارنا ، و صمت يوجه تركيزنا إلى أيادينا التي توحدت مع أقلامنا و أوراقنا ... يعني الكثير في ذاته
و كنت مستمتعة
فقط ... صرتُ أرتب أولوياتي و رغباتي الحياتية ، و أحررها آمالا ً سأعمل على السعي لها
ثم ؛ بعضٌ من حيرة تجاه بعض الأشياء
ثم ؛ رسائل مركزة لكل ما خطر على بالي عندما ابتدأتُ الكتابة !
لم تكن الكتابة ذاتها هي صدقي وقتها بقدر ما كان الطقس المشترك نفسه
( كان المفروض بقى نحط الإيميل أو حتى رقم الموبايل مع التوقيع في الآخر )
قالت ضاحكة بعدما وقفنا على الصخرة و قذفنا بزجاجاتنا لآخر مدى استطاعته أيادينا بعد وضع رسائلنا المغلفة بكيس بلاستيكي داخلها و أغلقناها جيدا
نسجنا على نَولِها بعضا من الجمل الضاحكة الأخرى

بين الحين و الآخر صارت تتساءل إحدانا :
( يا ترى رسايلنا راحت لفين دلوقتي ؟ )
( يا ترى حد لاقاها ؟ )
( يا ترى لسه محفوظة زي ما هيه ، و لا الأزايز اتكسرت على أي صخرة ، و المية شربت كلامنا أو السمك أكل ورق رسايلنا ؟ )
تمنيتُ :
( ليت المياه تشرب كلماتنا لتهمس بها طوال البحر و عرضه في كل ما يصله من بلاد و بشر
و ليت الرياح تسمع همسها ، فتثرثر بما سمعت كلما ذهبت إلى أي مكان و لمست أي شيء و ألقت ببركتها على أي نبت )

" عاوزين نروح اسكندرية تاني و نحضر رسايل تانية نبعتها في البحر "

قالت

ألا نفعل بالفعل ؟
كان طقسا ً شعريا ً جميلا ً مارسناه ، لكن ... ألا نمارسه كلما ضغطنا أيقونة
Publish
على بلوجر ؟
ألا نقذف برسائلنا المحملة بأفكارنا و أحلامنا و أمنياتنا ، و مشاعرنا ، و طقوسنا الخاصة أحيانا ، في زجاجةٍ شفافة على المداونة ؟
ألا نجد نفس مصير رسائلنا البحرية أحيانا : فلا نعرف إلى أين وصلت الآن ، من ربما يكون قد قرأها ، و في أي البلاد هو ، و هل مازالت على حالها أم أن زجاجها قد تكسر ، و تشرب بعض سطورها شخص ما أو لاكها قليلا ثم لفظها مع الوقت ؟
لا نعرف هل رسائلنا سيتم اكتشافها بعد وقتٍ قصير أم طويل ، هل ستظل زجاجاتنا البُلُجية محتفظة برسائلنا وقتا طويلا أم ستتحطم على أحد الصخور ؟
هل ستظل هناك بعد خمسين عاماً مثلا ليجدها شخصٌ ما و يقرأها ، أم سيُفقد أثرها مع انتهائنا نحن ؟
و ها أنا ذي أقذف بزجاجتي هذه المُحملة تساؤلات إلى البحر الانترنتي ، و أنا أعلم تماما أن الأهم من التساؤلات ... الأفكار ... الأمنيات ... هو تحريرها من داخلك إلى العالم الخارجي لتحيا حياتها الخاصة
فقط : ضعها في زجاجة ، و ألقها إلى بحر ٍ ما !

السلام عليكم ؟ إذن أنت متعصب!!!

بُهت صديقي المسيحي عندما استهللتُ كلامي معه بها ، و على مدى ثلث ساعة كاملة ، راح يحاول إقناعي أن جملة " السلام عليكم " ما هي إلا خطاب متعصب يصر به المتحدث على توكيد هويته الدينية بها ، بل؛ و فرضها على الآخرين ... و أنه واجبٌ على المعتدلين / و على اللادينيين كذلك / مجابهة " التطرف" و " التعصب" الذي تبدأه الكلمات !!!
بصراحة شديدة ، كنت في قمة استمتاعي ، فلم يسبق و وجدتُ – إلا فيما ندر – من تشكل له الكلمات قيمة / فضلا عن أهمية حقيقية/ و هب للدفاع عن ما يعتقده فيها مثلما فعل ، و ندر أن يجد المرء من يتناقش معه بحماس حقيقي ، ف" تكبير الدماغ " و " الركود " صارا سمة أساسية للكثيرين ..... لكن هذا كله لا يمنع اختلافي الشديد معه !
لن أجادل في نقطة : هل من الخطأ أن يعمد المرء على توكيد هويته الدينية في سلوكه الحياتي أم لا، لأني ببساطة أرى / رأي واقع و عين لا رأي عقل / أن الجميع يفعل ذلك ، حتى الملحد نفسه يعمد إلى صدم المجتمع و تأكيد هويته اللادينية ، كما يفعل الديني ، بل أكثر ....
فالجملة – رغم أن الإسلام هو ما جاء بها – إلا أن معناها بشكلها البسيط هذا "السلام عليكم " ، لا تشير إلى أي مدلول ديني / اللهم ما أدى به إرتباطها كصورة ذهنية عند العرب بالمسلمين ، و عند الأجانب بالعرب /
هي فقط تؤدي إلى رسالة مدلولها : أتمنى لكم الأمن و السلام ، و لا أبغي بكم شرا
و تذكرتُ على الفور تلك الحكاية ، عندما سافر الشاطر حسن بلادا غريبة ليصل إلى ست الحسن و الجمال ، و كان لزاما عليه أن يمر من سكة " أمنا الغولة " ، فألقي عليها السلام
أتذكر جملتها جيدا : " لولا سلامك سبق كلامك لأكلت لحمك قبل عضامك " J

*************************************************

" لوجه الله تعالي ، أرجو نشر هذه المعلومة : لا تستخدموا كلمة " باي" ، لأنها تعني " في رعاية البابا المقدس " "

انتشرت هذه الرسالة كأوف لاين بين الايميلات لفترة ، وصلتني ، و حذفتها و لم أهتم كثيرا
فوجئتُ بأحد الزملاء و هو يحكي :
" الرسالة دي وصلتني ، و من يومها و أنا لما بآجي أسلم على حد قبل ما أمشي ما بأقولش " باي " ،
بأقول " في رعاية البابا المقدس " على طول ! "
و بالطبع لم أتمالك نفسي من الضحك ، أمام تلك المفارقة ، و أمام الحكي الجاد جدا لزميلي و فطنته كذلك

*********************************

منذ عدة أيام ، وقع في يدي موسوعة ظريفة جدا عن الأوائل ، أول من فعل أو اخترع أو قام بشيء ما .... و ذُهلت حقا لكل ما أتت به البشرية من عجائب عن طريق التراكمات و المساهمات التي أتى بها الأفراد ، و الحضارات ، و الثقافات ، و الديانات و الشعوب – على الاختلاف الشديد بينها و تنوعها ، و أدى بنا إلى لحظتنا الراهنة هذه
من محام ٍ في باريس يرتدي الروب الأسود للمرة الأولى ليذكر القاضي بذنبه عندما أعدم شخصا يعلم تماما برائته ... لتتوحد أرواب المحامين باللون الأسود في كل محاكم الدنيا
لإمبراطور صيني تقع أوراق الشجرة في الماء أمامه ، ليمنح العالم اكتشافا اسمه " الشاي "
لمرشح في الحزب الجمهوري الأمريكي في القرن التاسع عشر ، يستخدم حزبه أول حرفين من اسم بلدته في الدعاية الانتخابية ، لتصير بعد ذلك كلمة
O.k.
استخداما عالميا معناه " كل شيء على ما يرام "

لطرحةٍ بيضاء ليلة العرس تستخدمها كل عرائس الدنيا ، و هي تقليد إغريقي بالأساس
لجمل بعينها في الديانات المختلفة ، لبوذا و كونفيشيوس و المسيح و محمد ، صارت اقتباسات معروفة و مستخدمة في اللغات كلها ، دون أن نعرف تحديدا أصولها الأولى :

" من الأفضل أن تضيء شمعة بدلا من أن تلعن الظلام "

"كلٌ يعطي مما عنده "
" الأعمال بالنيات "
" الغنى غنى النفس"
" أحب لأخيك ما تحب لنفسك "
" كما تدينون تدانون "
" ليس بالخبز وحده يحيا الإنسان "
إلخ ، إلخ
هيا ، فلنَغُص في تواريخ الكلمات و الأفعال و ملابستها لنكف عن كل ما هو جزء من ثقافة ما أو دينٍ بعينه !!!

*********************************
* " السلام عليكم "
- " مساء النور "
أتعجب و أستكمل طريقي
* " السلام عليكم "
- " يسعد مساكي "
أهز كتفي دَهِشة و أمضي
* " مساء الخير "
- " و عليكم السلام "
لا يصلني العجب بعد ذلك ، فغالبا - في الواقع و الحقيقة - لا أحد يستمع لأحد حقا
لا يهم " السلام عليكم " أو " مساء الخير " أو " أهلا ً و سهلا " أو مهما يكن التعبير المستخدم ، فلقد افتقدت الكلمات معانيها ، و صارت إشاراتٍ لتحية ليس أكثر
هل عاد أحد يستحضر معنىً للفظ حين يتلفظ به ؟
صارت تمتمات متبادلة كناية ً عن استمرارية الوجود الإنساني لا أكثر ، دونما قصدٌ حقيقي لإنارة المساء لذلك الشخص ، أو منحه سلاما رمزيا يحمله معه ليومه ، أو سعادةٍ يتمناها أحدنا للآخر
استغرقتُ في حقيقة الأمر وقتا طويلا جدا حتى أستطيع تمييز و فهم جملة " يسعد مساكي " من تلك الجملة المتآكلة السريعة التي تُقال و لا أسمع منها سوى وسوسة السين فحسب !
و بعيدا عن السلامات و التحيات
يتناثر ذات السؤال يوميا كثيرا جدا :
* " ازيك ؟ "
و غالبا أيضا لن ينصت أحد للإجابة المعروفة سلفا ، و التي ستكون " الحمد لله " أو " كويس " أو " الله يسلمك " ، و كالمعتاد أيضا ، بتفريغ كامل لهذه الجمل من معناها / ترديد حواري لا أكثر
مجرد حوار متجاور جبري الاستخدام
نوعٌ من الـ
Adjacent Pairs
كما يسميها قاموس اللغويات
و إذا ما حركت فمك فقط دلالة على أنك تتحدث ، و لم تقل شيئا في الواقع ، أو رددت بأي شيء مرتجل ، فغالبا ستكون النتيجة واحدة ، فلا أحد يكلف نفسه عناء الانصات أو انتظار إجابة حقيقية لما قد سئل عنه ! لا أحد يهتم في الواقع غالبا
*********************************
تشعب بنا الحديث قليلا
لكن ما أريد قوله و التركيز عليه ، هو أنه لا يهم ما إذا كنت تستخدم
" السلام عليكم "
أو " السلام لكم "
لا يهم ما إذا كنت تستخدم
" الحمد لله "
أو
" نشكر الله "
لا يهم ما إذا كنت تقول
" و اللهِ "
أو
" صدقني "
لا يهم إذا ما كانت
" يسعد صباحك و المسا "
أو
" صباحك سكر "
:)
فقط....لا تعطني سلاما لفظيا محملا بشحنة بغض أو نفور أو استعلاء
فقط .... أن تقولها بروحك لا بلسانك ، فقط ... أن تقصد ما تقول و تكون صادقا فيه حقا
هذا هو ما يصنع الفرق

****************************

بعضٌ من توارد الأفكار

هنا

شيء مفقود 8

اهلا شغف
بجد حلو جدا الاسلوب اللى قولتيلى عليه انى اتبعه مع اخويا
بس فى حاجه مهمه
ازاى انى اقدر اعمل حدود فى الكلام واجبر اللى بتعامل معاه سواء اخويا او غيره
انه يلتزم باسلوب معين وكلام معين
انا جربت قبل كده اقول لاخويا نقى الفاظك وكلامك بس كان بيستهزا بيا
ويتكلم زى ماهو عايز
الكلام ده مرة برضو حصل مع زميلى اللى كنت حكيتلك عليه
على فكرة انا مبسوطه جدا انى قطعت معاه ومع ناس كتير كانو زيه فعلا بيقللوا ثقتى
فى نفسى
وبجد بشكرك جدا
سلا م يا جميل

******************
بصي يا( ن)
لما تيجي تقولي لأي حد بيتكلم :
" نقي ألفاظك و كلامك ،
، ايه الألفاظ اللي بتستخدمها دي"
أو أي من الجمل أو الكلمات المشابهة ، فاعرفي إن الرسالة اللي بتتوجه له فعلا
مش هاتكون :
" من الأفضل أن تكون لغتك أجمل "
لكن هاتكون
كالآتي :
" انت شخص عديم الذوق ، متدني المستوى "
اللي هتتاخد كإهانة ، أو تعالي من اللي بيتكلم على المُخَاطب ، و بالتالي رد فعل المتوقع هوه السخرية و الاستهزاء اللي انتي اتكلمتي عليهم دول
ماحدش بيحب حد يحسسه إنه أقل أو أدني / حتى لو هوه فعلا كده ، و حتى لو الكلام مقصود بيه حاجة تانية فعلا
و عشان تكسبي حد ، يبقى لازم تطلعي من المنطقة دي ، من جواكي الأول ، قبل ما يكون من سلوكياتك
-------------------------------
طب نعمل ايه ؟
الأسئلة يا (ن) هي الحل
انك تسألي و تخليه هوه بنفسه يجاوب و يوصل للحاجة اللي انتي عاوزة تقوليها
يعني هنا مثلا
لاحظي اني قلت لك تبدأي معاه بسؤال :
انت قصدك تشتمني و تهيني ؟ و لا لبسي مش عاجبك فعلا و عاوزني أغير منه ؟
كمثال
، و ممكن تكملي الحوار كله بالشكل ده
تفتكر لو حد شتمتك و قالك اعمل كذا ، هاتحب تعمل اللي بيقول عليه ؟
عارف ايه أكتر حاجة ممكن تخليني أسمع كلامك ؟

كده يعني

ده هايوصله معلومة محددة مفادها : إنك عندك استعداد تتغيري في الحاجة اللي مش عاجباه قدام انه يغير الحاجة اللي مش عاجباكي ، و شرط ان انتو الاتنين تحترموا بعض

ثانيا بقى :
حافظي على ال
eye contact
بصي في عنيه و انتي بتتكلمي
ده بيدي مصداقية و جدية أكتر لأي كلام بيتقال
و كأنه نوع من الوعد الضمني اللي العين بتقوم بيه
غير إنه بيعمل تواصل حقيقي بين الناس ، و إدراك أكبر لإنفعالتهم و ردود أفعالهم

الأهم بقى من ده و ده ، إنك تحافظي على هدوئك و على صوتك هادي و نبرته طبيعية و عادية
مهما كان كلامه مستفز أو صوته عالي ، حاولي تمسكي أعصابك لآخر مدى و احتفظي بشعور كده بإن
" عادي -- مجرد مناقشة مش عاوزة أعصب نفسي فيها "

نقطة أخيرة :
الصمت ساعات بيبقى وقعه أفضل من الكلام
لما يخلص كلامه استني شوية كام ثانية كده قبل ما تبدأي الكلام ، عشان ما تتكلميش بانفعال
و وقت ما تكوني مش قادرة تكسبي بكلامك ، فاسكتي ، مش تندفعي في سكة مش عارفة فين أخرها
عشان ما تخسريهاش

اللي بأقولهولك ده محتاج تدريب و تدرج ، و مش هايجي مرة واحدة
بس أول ما تبدأي تطبقيه في مختلف المواقف في حياتك ، هاتبدأي تحسي الفرق

**********************

لو عندك مشكلة أرسلها إلى

shaghafon@yahoo.com
أو اتركها بالتعليقات

الحب... لعبة ، الحب... كأبليكاشنز الفايس بوك !

الحب لعبة ...
Love is just a game.
هكذا بالإنجليزية يشتد وقعها و يقوى رنينها ...
رفضتُ المعنى السلبي للجملة من قبل ، و وجدتُ لها معنى إيجابيا لابد من تحققه :
" يجب أن تلعب ( مع ) من تحب ، لا عليه ، و أن تلعب (لـ ) صالحه و لصالح علاقتكما معاً "
بدا حينها أن اللعبة اختيار ، يمكن الترفع عنه
لكني حينما فكرتُ قليلا ، وجدتُ أن اللعبة موجودة و مستمرة - و إن اختلفت طريقتها و مداخلها - في الحب بشكل أساسي ، حتى و إن أنكر البعض قبوله لها
فكلام الحب ذاته أكثر أنواع اللعبة انتشاراً ، و لن يخرج عن كونه لعبة
الزهور و الهدايا و الأغنيات جزءٌ من اللعبة
العالم الخاص الذي يبنيه الحبيبان معا : بنسق كلامهما ، و مزاحهما ، و تعبيراتهما الخاصة ... جزء ٌ من اللعبة
إدعاء اللامبالاة و عدم الاهتمام أحيانا ، جزء من اللعبة
الاختفاء غير المبرر أحيانا أخرى ، جزءٌ منها كذلك
محاولة إثارة غيرة الآخر لعبة
النظرة و الهمسة ، و اللمسة - إن وُجدت - جزءٌ من اللعبة
محاولة التوازن على حبل الذات / الآخر لعبة ، و هي أخطر جزء فيها على الإطلاق
و هكذا ... فالحب أصلا ما هو إلا لعبة ، على من يلعبها معرفة نوعيتها و قواعدها فحسب
فالحب أيضا بالضبط كالأبليكاشنز على الفايس بوك
Applications on Face book site
لا يعني تفضيلك لأحدها تفضيل أصدقائك أيضا لها ، و مشاركتهم لك إياها ، حتى لو أرسلت لهم دعوات للانضمام
فهناك نوع مفضل غالبا من الأبليكاشنز / الألعاب لدى كل شخص ، و الذي لا يشعر عند ممارسته له بغضاضة
و هناك من الألعاب / الأبليكاشنز ما يشعر المرء بسخافتها و عدم رغبته في وجودها على صفحته الخاصة
و عليه ، فيجب منذ البداية تحديد ما هي تلك الألعاب التي تحبها / و مدى اتقانك لها و استمتاعك بها طبعا - هذا غير حاجتك لها - / و هل يشاركك الآخر الذي أنت على وشك منحه اللقب / " حبيب " / لها أم لا من البداية


هل صفحتكما المشتركة تحمل نفس الأبليكاشنز ، و تهتمان كليكما بإستخدام تلك الأبليكاشنز ؟ أم أنها ظاهرة لأحدكما و خافية على الآخر ؟ أو أنها موجودة لكليكما ، لكن أحدكما يستسخفها و لا يحب ممارسة أي نشاط عليها ؟

***********************************
محاولة تطبيقية تجريبية لتحليل نوعية الأبليكاشنز التي أستمتع شخصيا بوجودها في اللعبة :)
:
أفضل تلك الأبليكاشنز المعتمدة على مشاركة الأفكار و التوجهات و محاولة استكشافها أكثر
" i think "
مثالٌ جيد لذلك

ضع رأيك بحرية في أي شيء ، و على الآخر إعلان موافقته أو إعراضه ، و التعليق التفصيلي ، ثم مناقشة مثمرة موضوعية صادقة بعد ذلك
أحب الاهتمام المتزن :رسالة بأمنيةٍ صباحية جيدة مع زهرة من
" Say it with flowers "
أو من
" Good Morning"
Applications
أو تواجد من حين لآخر بكلمة عابرة عادية جدا ، أو سلام عابر مع زهرة ما على حائطي ، يمنح لحظاتي رونقها
ملحوظةٌ ما ... لي ، عليّ ، تخص أي شيء مهما يكن ، توضع في الملحوظات الملصقة
Sticky Note
سيكون شيئا رائعا
الحوائط الإضافية لا جدوى لها ، و لا حميمية تُذكر
يكفي حائط واحد يستند المرء بظهره عليه ، فمن سيترك عليه شيئا ، سيترك ما يخصك أنت وحدك حقا ، و ما يريد توجيهه لك وحدك
ليست هناك أي حاجة لما هو فائق
لا
Super Wall
و لا
Fun Wall
فستنكب نفسك بكل ما يمرره الآخرون من يدٍ ليد دونما تفريق غالبا ، و هو ما لا يهمك عادة ً ، و يزيد بريقه من عدم اهتمامك به
لا حاجة لـ " جني الأمنيات " ، فلا حاجة لبذل الوعود أو الإسراف في الأمنيات ... يكفي أن يقدم المرء ما لديه و ما هو مستعدا له حقا لحظة بلحظة
لا حاجة لكل هذه الاختبارات عن كل شيء و في أي شيء ، فالحياة أكبر و أصدق اختبار
لا حاجة لمعرفة أي الابتسامات هي ابتسامتك ، و تشبه أي نوعية قهوة أو نسكافيه أنت ، و أي نوع من الأزواج ستكون ، و مثل أي الشخصيات التاريخية هي شخصيتك ، و ما مدى درجة عبقريتك ، لا حاجة للمقارنة مع الآخرين لنرى من أفضل / أجمل/ أذكى / أمهر
لا حاجة إلا لتلك الثقة بأنه لا يهم سوى ما أنت عليه ، و ما تتكشف الحياة عنه
لا أحب الكلمات المعسولة ، أو حتى ( المعسلة ) بطبيعتها ، لذا فلا حاجة بي لـ
i describe
فلا أحد يعمد إلى تقرير الحقائق - بصرف النظر عن نوعيتها - فقط ... كلامٌ " حلوٌ" كثير ، سابح في الهواء ، و هو ما ( تجزع ) نفسي منه عادة ً !
الصفحة نفسها : أفضلها بسيطة واضحة ليس عليها الكثير من الأبليكاشنز التي ليس لها داع ، بل ... فقط .. تلك التي يستخدمها المرء دوما و يستمتع بوجودها
لا أحب ( الكركبة ) ، و لا أحب ( تعطيل ) فاعلية الأشياء ، فكل شيء لدي يخضع لذات المبدأ :
Use it or get rid of it
و أكبر أخطائي في اللعبة - فيما مضى - أني لم أقرر بوضوح عدم رغبتي في وجود أبليكاشن معينة ، أو رغبتي في وجود أخرى
و أسوأ ما يمكن أن يفعله المرء هو أن يعطل فاعلية الأشياء ، أو أن يكسر لعبة ما يستمتع بها الآخر
فقط .... عليه أن يبوح بعدم ملائمتها له ، و يعمل على تحريرها من عنده ( الأبليكاشنز / الألعاب ) لتمارس فاعليتها في مكان آخر ! و إلا شعر بعدم جدوى الـ
Love Book
و شعر باستنزافه له على قلة فائدة ، بدلاً من استمتاعه به !
و على المرء أن يسأل نفسه منذ البداية : ما هي الأبليكاشنز التي يفضلها على صفحته الخاصة في دفتر كيوبيد ؟
:)

في شيء بده يصير ... في شيء عم بيصير

اليوم ... خليطٌ من الحنين المفاجيء لتلك الأشياء التي كانت تأخذ المرء قديما

الكتابة ، الأدب ، ذلك الاتصال الحميمي فوق كلمات تجمعنا عن شيء نهتم به حقا

ثم ...

" أنا رجعت أدون تاني "

قالها بصوت كاد أن يكون محايدا ، لكن رنة الاهتمام الخفي تسللت رغما عنه

فقط...تفاجئتُ قليلا

فضولي قادني لهناك ، لأشعر بسعادة طاغية مفاجئة

و لأعود أمر من هناك إلى الباقيين ، لأكتشف أن نفس الروح انتشرت على غير موعد

سيفرق حتما أن

" نلتقي أو لا نلتقي"

فالأمر ( ليس) سواء

صدقيني يا عزيزتي

قال :

" وسؤالنا الزاحفين وراءه متي يحين الوقت؟

وما الذي سيحدث بالتحديد عندما يحين الوقت؟ "

و أجيب :

الوقتُ يحين عندما يهيء كل الأشياء و يصوغها صوغا جديدا ليجعلها أكثر قابلية لتتوائم معا

عندما يحين الوقت ...الكون يتهيأ ليمنح علاماته و إشاراته لمن سيتبعها حتى النهاية .... لمن يؤمن بتلك الخطة المحكمة التي يدبرها على مهلٍ لينثر سحره على حين غرة

عندما يحين الوقت .... يتصادق حماسٌ مفاجيء - غير مخطط له أبدا - عند الجميع ، فيتفقون دونما اتفاق على البدء من جديد

على العودة " كما ( كانوا ) بسطاء تلقائيين "

فتتفجر النقاط المضيئة في السماء لتصنع رسما

فقط ، إن آمنت في حكمة الحياة ، و اتبعت الاشارات ، أو حاولت فهمها و الركون إليها

عندما يحين الوقت ، تفرح بأشياء بسيطة كعودة رفقاء الدرب إلى الطريق سالمين

و تمنحك الحياة إشارات أخرى بأعيادٍ قادمة ، و فرحٍ لا ينتهي ، و هدايا تعرف جيدا أنها تخصك وحدك دون العالمين

تمنحك يقينا بأنك هنا تحياها لأن هذا هو وقتك أنت .... أنت هنا - ليس كمصادفة وجودية - و إنما كأحد النقاط أو الخطوط الهامة في التكوين النهائي لها

عندما يحين الوقت

ببساطة

تتهيأ لك الحياة

لأن تحيا

و أن تكون

************************************

العنوان : من أغنية فيروز " تسأل علي كتير "

يقين آخر

عندما يحين الوقت .... تحدث الأشياء

شيء مفقود (7)

هاى شغف
انا عملت التلات ورقات وكتبت المميزات زى ما قلتيلى
وجبت الهدايا

جبت لاختى فرشاه روجاجو كانت شافتها عند واحده صاحبتى وقالت لى انها عايزة تجيب واحده زيها فجبت لها واحده
وقولتلها الفرشاه اللى انت كنت عايزاها لاقيتها فرحت فعلا وبقت تتعامل معايا
برقة وذوق غير زمان خالص
يعنى تقريبا من يومها انا وهيه ما اتخانقناش
كمان انا بقيت اصبر عليها
واتعامل معاها كويس
وهى طول الوقت تقوللى هاتى لى ده وده مع انى كنت زمان اقولها قومى هاتى لنفسك

دلوقتى ، بقيت اقوم اجيبلها اللى عايزاه
أخويا باه عيد ميلاده الاسبوع ده وانا كنت حلفا ما اجيب لوش حاجه السنه دى بسبب
المشاكل وانه مبيجيبليش حاجه ، المهم اشترتله ميداليه عشان عيد ميلاده
كمان وانا راجعه من الكليه كان معايا باكو بسكوت قلتله خد انا جايباهولك قاللى بجد
وبعدين عيب شويه عليه واكله
بس انا اتبسطت انه فرح انى جايباهوله
انا بقيت اصبر عليه وعلى استفزازه مش كل كلمه اتخانق عليها
بس طبعا المشاكل مبتخلصش بينى وبينه
بالذات لما يتخانق على لبسى ومكياجى مع ان شكلى عادى
يفضل يقوللى شكل الرقاصه

وكمان يتخانق معايا لو شافنى فى الكليه بكلم حد من زمايلى
ويفضل يقول كلام ملوش لزمه ، الحاجات دى اللى بجد بتعصبنى وارد عليه
انما المشاكل
العاديه الريموت وكده مباقيناش نتخانق عليها
وكمان الى حد ما بقيت احاول اخلى فى لغه حوار بينى وبين أخويا على الكليه وامتحاناته وكمان بساعده فى المذاكرة عشان امتحانات التخلفات بس انا بساعده من زمان
كمان فى الكليه بدات ابعد عن صحاب زمان شويه بروح على المحاضرات والسكاشن واروح على طول
مبقاش فيه حاجه اعملها
اكيد طبعا انا مبسوطه وحاسه انى اهدى من الاول كتير
والسلام عليكم ورحمه الله

*********************************
أهلا يا( ن) :
كويس جدااا ، أنا مبسوطة بيكي قوي
و لازم تعرفي إن الفضل الحقيقي لأي حد في تغيير حياته هوه لنفسه
لأنه عاوز يتغير بجد ، و سعى لده ، و حاول جديا
و انتي عملتي كده :)
و بتعمليه
و كويس جداا انك بدأتي تبعدي شوية عن الشلة القديمة و تركزي في دروسك
يمكن صحيح ساعات تحسي بالوحدة
بس صدقيني هاتبقى وحدة مؤقتة - إن شاء الله
لأنك هاتبدأي تجذبي - مع الوقت ، و مع تغير حاجات فيكي و مع تميزك إن شاء الله في الدراسة - ناس تانية قادرة إنها
تبقى عامل مساعد ليكي ، مش عامل هدم

نيجي نكمل بقى اللي هانعمله
كل مرة هانأكد على حاجة فاتت أو نصلح منها شوية ، و نشوف معاها نقطة جديدة

1- حلو جدااا علاقتك مع أختك دلوقتي
ياريت تستمر كده
و حاولي برضة من فترة للتانية تطلبي منها حاجة معينة
و لو انها تناولك حاجة أو تجيبلك حاجة من جوه
لأن العلاقات المتزنة بتبقى أخذ و عطاء
مش عطاء بس ، و لا آخد بس

2- بالنسبة لخناقاتك مع أخوكي
هوه طبيعي بالنسبة لحد في سنه عنده أخت بنت انه " يعمل عليها راجل " زي ما بيقولوا ، و يبدي اعتراضاته على لبسها و ميكياجها و كده
و خصوصا ، و إن النقطة دي نقطة اعتراض لوالدك عليكي
فده برضة بيدفعه انه يكرر نفس الكلام ، بس طبعا بصورة مستفزة أكتر
ده غير إن كونه ولد مثلا ، يخليه عارف لما بيقف هوه و صحابه م الولاد و تعدي بنت مثلا قدامهم بيقولوا عليها ايه أو بيتريقوا عليها ازاي
فهانحط في اعتبارنا انه مش عاوز يتقال عليكي حاجة م اللي بيتريقوا همه بيها على غيرك
----------------
طيب نعمل ايه ؟
أولا : أول و أهم حاجة ، إنك مش تُستفَزي ، و تبصلي لكلامه على اعتباره إهانة / حتى لو هوه كده فعلا
و تبدأي تتكلمي معاه بهدوء و منطقية

ثانيا : تخليه يحترمك ، و ما يستخدمش ألفاظ ما تعجبكيش معاكي
بصي في عينه كده و اسأليه : انت قصدك تشتمني و تهيني ؟ و لا لبسي مش عاجبك فعلا و عاوزني أغير منه ؟
و لأنه طبعا هايختار الحل التاني
فقوليله ان ده مش هايجي بالطريقة دي
و إن غلط إنه يقول على أخته - اللي هيه انتي - كده
و إنه لو عاوزك تسمعي كلامه ، يبقى يستخدم لغة محترمة يكلمك بيها


ثالثا : اسمعيه و حسسيه إنك مقدرة كلامه
اسأليه ايه اللي يعجبه من لبسك مثلا ، و اللي مش عاجبه ده مش عاجبه ليه
/ و فكريه كل ما يستخدم أسلوب حوار مش ولابد أو ألفاظ مش كويسة في وصف اللبس أو كده ، إنكم ما اتفقتوش على كده ، و إنه لازم يستخدم كلام محدد مش فيه تريقة /
و هكذا
و في النهاية بعد ما يخلص كلامه كله ، اللي انتي اقتنعتي بيه منه قوليله عليه
انك خلاص اقتنعتي بكلامه بكذا و كذا و كذا ، و هاتنفذيه
مش تتكلمي معاه دلوقتي في الحاجات اللي قالها و مش عجبتك أو ما اقتنعتيش بيها
و في نفس الوقت ، اتكلمي ع الحاجات اللي اقتنعتي بيها بجد ، و ما تمثليش انك مقتنعة بحاجة و انتي مش كده

رابعا : بالنسبة لكلامك مع زملاتك و كده
لو كان موجود في أثناء ده مثلا ، فعرفيه عليهم و عرفيهم عليه
و استخدمي نفس التكتيك بتاع اللبس برضة لو اتكلم عن النقطة دي
ابدأي اسأليه ليه ، و ايه الغلط بالظبط من وجهة نظره ، و ناقشيه براحة كده
من باب انك عاوزة فعلا تعرفي منه ، و إنك عارفة إنه أخوكي و خايف عليكي ، و إنك مالكيش أخ غيره ، و إنه عارف الولاد بيفكروا ازاي و يتعاملوا ازاي أكتر ما انتي عارفة ، و كلام من ده
و خليكي صاحية لو استخدم أي أسلوب مش ولابد معاكي ، إنك تعترضي بهدوء إنكم اتفقتوا انه ما يستخدمش الأسلوب ده معاكي


يالا أسيبك دلوقتي
و ربنا معاكي
و وافيني بالأخبار زي ما بيقولوا :)
سلام
*****************************************

لو عندك مشكلة أرسلها إلى
shaghafon@yahoo.com

أو اتركها بالتعليقات

True, Very True

Happiness is not having a perfect life

but

learning to live beyond imperfections

بانرز للجميع :) و ربنا يخليك للشعب المصري يا ليو

طبعا ، كُللت محاولاتي لإدراج اسم سي ليوناردو باشا في البانرز اللي هوه عاملها دي بالفشل التام ،لأني خايبة جدااا في هذه الأشياء

و ما حدش يغره يعني إني عرفت أنقل البانرز دي و الكودات بتاعتها من عنده ، كله سرقة يا باشا

كليك يمين ، ثم

view source

ثم كوبي و باست عندي

و الجيش بيقولك اتصرف بقى و كده

الأصل عنده هنا

و ياريت بقى لو سمحتم أي حد يعدي من هنا يحط البانر اللي يعجبه من دول على المداونة بتاعته ، الكود بتاع كل بانر تحته مباشرة
و بجد بجد شكرا جدا يا ليوناردو

و شكرا مقدما لأي حد يحط البانر عنده

<a href="http://well-lightedarea.blogspot.com/search/label/solving%20problems"><img border="0" width="150" src="http://lh3.ggpht.com/leonardoblue7/SAIwyhDGknI/AAAAAAAAAMc/NortM9gODdo/001%5B3%5D.gif" height="150" /></a>

<a href="http://well-lightedarea.blogspot.com/search/label/solving%20problems"><img border="0" width="150" src="http://lh5.ggpht.com/leonardoblue7/SAIw5BDGkpI/AAAAAAAAAMs/SilbRotLYHk/002%5B3%5D.gif" height="150" /></a>

<a href="http://well-lightedarea.blogspot.com/search/label/solving%20problems"><img border="0" width="150" src="http://lh6.ggpht.com/leonardoblue7/SAIw8RDGkrI/AAAAAAAAAM8/0dQFo_MAf64/003%5B3%5D.gif" height="150" /></a>

<a href="http://well-lightedarea.blogspot.com/search/label/solving%20problems"><img border="0" width="150" src="http://lh5.ggpht.com/leonardoblue7/SAIw_BDGktI/AAAAAAAAANM/C_ZPwh5TszI/004%5B3%5D.gif" height="150" /></a>

<a href="http://well-lightedarea.blogspot.com/search/label/solving%20problems"><img border="0" width="150" src="http://lh3.ggpht.com/leonardoblue7/R_1sJVVEedI/AAAAAAAAAMI/GMMWFhsqoIo/Banf[3].gif" height="150" /></a>

<a href="http://well-lightedarea.blogspot.com/search/label/solving%20problems"><img border="0" width="150" src="http://lh6.ggpht.com/leonardoblue7/R_1oMFVEeYI/AAAAAAAAALc/SRR3_bRDw6Y/Bannn[3].gif" height="150" /></a>

<a href="http://well-lightedarea.blogspot.com/search/label/solving%20problems"><img border="0" width="150" src="http://lh4.ggpht.com/leonardoblue7/R_1oPlVEeaI/AAAAAAAAALs/BWtM8NLK0Xg/Bannee[7].gif" height="150" /></a>

شيء مفقود (6)

( البانر تصميم ليوناردو )

انا عمرى ما تخيلت انى هلاقى حد يسمعنى كدة
انا كنت عايزة اقوللك انى مش بحكى لمجرد الفضفضه انا نفسى بجد لحل لمشاكلى
صعب جدا انى اكون حاسه طول الوقت انى مش مقبوله من اى حد
انا فكرة اجازة الصيف اللى فاتت كنت بتدرب فى صيدليه خالو وطبعا لانه دايما يسمع شكوى منى من ماما وبابا او يمكن اكون انا فى حاجه غلط
كان بيعاملنى بطريقه سيئه كان بيتعامل معايا على انى بنت اخته
اقصد لو واحده عاديه كانت بتتدرب عنده ،كانت المعامله هتختلف

بس طبعا ساعات كتير كان بيبان اللى جواه
على فكرة انا مستفدتش كتير من التدريب كنت بروح اقعد كدة وخلاص عايزة اقوللك ان احساسى بانى مش مقبوله بيدمر كل الطاقه اللى جوايه للشغل ولاى حاجه تانيه
انا نفسى احل مشاكلى كلها نفسى احس انى

normal
اعيش طبيعتى لانى حتى ده مش قادره اعمله
بالنسبه للجوابات اللى كنت بكتبها زمان وارميها كنت بكتب اللى مضايقنى اكتب عيوب بابا وماما
واشخبط على اسمى وكدة
على فكرة بابا للاسف مفيش لغه حوار بيننا
ودايما لما بيكون فى بتكون ماما هى اللى اقنعته انه يتقبلنى ويستحملنى وبتقوللى ده فى وشى ومن غير ما تقول
ودى حاجه تانيه مضايقانى بحس ان اللى بيعاملنى كويس بيكون متكلف او بيتبع الذوق
انا مش موسوسه دى الحقيقه عشان كدة مبعرفش اكون مع طبيعتى اوى
اما بالنسبه للدراسه انا الحمد لله طول عمرى شاطرة وبحب ابص للهدف القريب اللى هوة النتيجه وبعمل اللى عليا والحمد لله بغض النظر عن ان الجيد والجيد جدا مبيعجبش بابا
السنه اللى فاتت جبت فى كل المواد جيد جدا ماعدا ماده مقبول وده بسبب المشاكل اللى فى البيت
وانى بجد لما بكون متضايقه مبعرفش اذاكر فباه تقديرى العام جيد
انا مليش هوايات بفضل قدام التليفزيون او الكمبيوتر وخلاص مع انى عندى طاقه انى اعمل حاجات كتير
بس مش عارفه اعمل ايه
بحب الشغل جدا وطموحى انى اشتغل كتير واحس بالنجاح فى شغلى الخاص
يعنى افتح صيدليه بتاعتى
والله نفسى اشتغل فى شركه ادويه برده بس انا سايبه دة لما اخلص بحاول اعمل داللى عليا فى الكليه
كتير الشعور بالحباط والاكتئاب بيسد نفسى عن المذاكرة وعن حجات كتير ساعات بتوصل للصلاه
انا الحمد لله مبسبش الصلاه بس اقصد كنت زمان متدينه عن كدة دلوقتى حاسه انى مش عارفه انا ايه ولا عايزة ايه
بجد بشكرك جدا وياريت تقدرى تساعدينى وتقوليلى ممكن اعمل ايه انا عندى استعداد اعمل اى حاجه
وسلام يا جميل

***************************************
بصي يا ستي :
أولا : إحنا نتفق إننا نمشي خطوة خطوة مع بعض
و تكتبي لي تقوليلي ايه اللي حصل و عملتي ايه
ثانيا : فيه أساس لازم نحطه في إعتبارنا
و مبدأ ماشيين عليه هنا
إن اللي عنده مشكلة و عاوز يحلها ، العبء الأكبر بيقع عليه هوه في حلها
و هوه اللي لازم يبدأ يتغير و يغير سلوكياته و نظرته للحياة في حاجات معينة ، و لازم يتحمل تعنت اللي حواليه ساعات و مقاومتهم للتغير ده أحيانا
---------------------------------------
لو حصرنا مشكلاتك يا (ن) هنلاقيها بتنقسم لعدة فروع :
- والدك
- والدتك
- أفراد من عيلة والدك أو عيلة والدتك
- أخوكي و أختك
- نفسك
- و الناس اللي بره / سواء أصحابك و لا زمايلك و لا حتى الناس اللي ممكن تتعاملي معاهم في أي نطاق

و زي ما اتفقنا هأنبدأ الحل واحدة واحدة

و هأنركز دلوقتي على حاجتين بس
اخواتك ، و نفسك

---------------------------------------------------
مش ملاحظة في البداية إنك بتركزي غالبا على نقط ضعف اللي حواليكي ؟ و بتحاولي تقللي منهم ؟
مش ملاحظة إنك انتي نفسك مش متقبلاهم على الرغم من إن ممكن تكون فيهم صفات كويسة انتي نفسك معترفة بيها ؟
يعني لما تكلمتي عن إخواتك مثلا
قلتي عن أخوكي
انه ساقط وبيشرب سجاير ومش عارف يمشى فى الكليه" "
و لما حاولتي توصفي أختك حطيتي ذكائها جنب كونها
" سوسة "
يعني اديتي شكل سلبي لذكائها ده اللي المفروض انه حاجة ايجابية بطبيعتها غالبا


النقطة دي لاحظتها مش في رسالتك الأخيرة و بس
لأ ، ده من بداية كلامنا
من البنات اللي والدك أو والدتك حاولوا يقارنوكي بيهم
فبدأتي تطلعي " القطط الفاطسة " فيهم - زي ما بيقولوا -

ولاد عمك برضة
قلتي عنهم بعد ما ذكرتي نقطة إن والدك بيتكلم معاهم و بيحبهم أكتر منكم
( مع إنهم مش عدلين و لا حاجة )

حتى زميلك اللي قريب منك شوية و كنتي خايفة تعجبي بيه
قلتي عنه
انه معقد وعدواني و قلبه اسود و موسوس

و حتى قلتي الكلام ده ضمنيا عن نفسك لما قلتي إن طباعه قريبة منك !!!!

و لما سألتك عن نوعية الجوابات اللي كنتي بتكتبيها لأهلك و انتي متضايقة ، قلتي إنك كنتي بتكتبي عيوبهم
----------------------------------------------
يبقى لو عاوزين نغير من مشاعر الناس اللي حوالينا اتجاهنا
لازم احنا الأول نبدأ نفكر فيهم بشكل ايجابي شوية
يعني مش معقول اننا نطلب م الناس انهم يتقبلونا و يحبونا و يعاملونا كويس
و إحنا من جوانا مش طايقنهم
و لا ايه ؟
-----------------------------------------------
كل الناس اللي في الدنيا
مهما كانوا كويسين-
ليهم عيوبهم
و برضة كل الناس اللي في الدنيا
مهما كانوا وحشين
ليهم مميزاتهم
و إحنا اللي بنختار : هل نتعامل مع الجزء الكويس اللي فيهم ؟ و لا الجزء الوحش ؟

احنا مش ملايكة - ده صحيح - ، و من حقنا اننا نغضب و نضايق من تصرفات اللي حوالينا ساعات، و من حقنا اننا نحس بالحزن لو عاملونا بشكل سيء
بس لأننا بشر / مش ملايكة / و مش حيوانات برضة /
فمن الضروري إننا نبقى قادرين على التصرف و على الفعل ، مش مجرد نبقى رد فعل لغيرنا
و من الضروري برضة إننا نستخدم عقلنا و إرادتنا
و نفكر : إحنا واقفين فين ؟ و عاوزين نروح فين ؟ و إيه اللي ممكن يوصلنا ؟
و نقلع نضارتنا المكبرة لعيوب اللي حوالينا
و نلبس نضارة بتكبر أكتر و تورينا الصورة كلها ، و إنهم ليهم مميزاتهم برضة
-----------------------------------------
اللي عاوزاكي تعمليه يا (ن) في الفترة الجاية
بدءا من اللحظة اللي هايوصلك فيها الرسالة دي
1-
إنك تعملي تلات ورقات تبدأي تكتبي فيهم :
- مميزاتك انتي الشخصية
- مميزات أخوكي
- مميزات أختك

لاحظي اننا هأنكتب المميزات بس مش العيوب و لا الحاجات اللي مضيقاكي منهم
و لاحظي ان الورقة بتاعة كل حد فيكم قابلة للزيادة
يعني كل يوم لو اكتشفتي ميزة جديدة قدرتي تاخدي بالك منها في أي حد فيكم ، يبقى ده انتصار زيادة لينا

2- خلال الأسبوع ده عاوزاكي تشتري 3 هدايا
برضة واحدة ليكي و واحدة لأخوكي و واحدة لأختك
و تديهالهم ، مش لازم يبقى في مناسبة
و لو سألوكي همه عن المناسبة قوليلهم بمناسبة انهم اخواتك
المهم في الهدايا الخاصة بيهم إنها تبقى حلوة و استخدامها يومي بالنسبة لهم
مش شرط أبدا تبقى غالية و لا حاجة

يعني مثلا ممكن تجيبي لأخوكي
بيرفيوم أو محفظة أو قلم شكله حلو أو
مزيل عرق حتى
بس يكون
ريحته مميزة
ممكن تجيبي مثلا أي شادو لونه حلو و يليق مع أختك
أو قلم برضة أو أي حاجة مناسبة
المهم حاجة يستخدموها بشكل مستمر ، و ظاهرة
عشان تتيقني مع كل سؤال ليهم :
" البرفيوم ده ريحته حلوة ، جايبه منين ؟ "
يبقى فيه وجود إيجابي ليكي جواهم :
" ده أختي اللي جايباهولي "
فهماني ؟

الهدية دي ممكن تغير من سلوكهم اتجاهك
و حتى لو افترضنا انهم استغربوا أو اتريقوا أو علقوا بطريقة سخيفة
فخدي الأمور ببساطة و عدي الموقف من غير ما تعلقي

3- انتي بتقولي ان أخوكي معاكي في الكلية و أصغر منك
دي نقطة كويسة ممكن نستخدمها لصالحنا
حاولي خلال الأسبوع ده برضة تفتحي معاه موضوع مشترك
يعني مثلا تكلميه عن دكتور عندكم في الكلية
أو عن مادة معينة
أو عن حاجة حصلت في الكلية مثلا
مش تحاولي تتعاملي على انك الكبيرة الشاطرة اللي عارفه كل حاجة
حاولي يكون كلامك معاه من منطق انك بتستشريه
أو عاوزه رأيه ، أو حتى بتشتكي له من إن فيه مادة صعبة شوية و لا حاجة
ده ممكن يقلب موقفه معاكي 180 درجة

4- و الأهم بقى إنك تحاولي إنك تتجنبي كونك رد فعل لأي استفزاز من أي حد منهم
، يعني لو أخوكي رخم عليكي مثلا أو قالك أي جملة مش ولابد ، ما تعلقيش ، و مش تبصي له حتى ، و أكنك ماسمعتيش حاجة من الأساس

لو فيه مثلا نزاع ما بينكم على حاجة معينة : مين اللي يقعد ع الكمبيوتر مثلا ، أو مين اللي يمسك الريموت ، أو أي من المشاكل دي

خليكي الطرف الأقوي ، و تنازلي عن الحاجة من موقف انك انتي اللي متنازلة
يعني خدي الموقف ببساطة و قولي لهم
" خلاص مش مشكلة ، هأقوم أنا أعمل حاجة تانية "
قومي و انتي كويسة ، مش و انتي متضررة و متضايقة
-------------------------------------------
أنا عارفة إن الحاجات اللي أنا طالباها منك دي صعبة جدا ، و ممكن هاتحسسك بالضيق شوية في البداية
بس صدقيني النتيجة هاتشيل أي ضيق إن شاء الله
غير إننا - أوعدك - هانغير الاستراتيجية دي بعدين
------------------------------------------
الرسالة الجاية يا( ن) عاوزة أشوف عملتي الحاجات دي و لا لأ
و ايه المواقف اللي اتعرضتيلها ، و لا كان ردود أفعالهم عامله ازاي معاكي
عاوزة أسمع أخبار كويسة
متفقين ؟
يالا سلام
************************************